Matbuot anjumani o'tkazildi

Qashqadaryo viloyati Favqulodda vaziyatlar boshqarmasida "5-iyuldan 5-sentyabrgacha yurtimizda o'tkazilayotgan yoz mavsumida yong'inlarning oldini olishga qaratilgan "Dolzarb 60 kun" tadbirlari doirasida amalga oshirilayotgan ishlar" mavzusida matbuot anjumani bo'lib o'tdi.

Unda boshqarmasi boshlig'i, polkovnik Farhod Mirzayev, mas'ul xodimlar, ommaviy axborot vositalari vakillari hamda blogerlar ishtirok etdi.

Tadbir davomida jurnalist va blogerlarni qiziqtirgan savollarga boshqarma boshlig'i tomonidan batafsil javoblar berildi.

Ochiq va qizg'in ruhda kechgan muloqotda yong'inlar profilaktikasini yanada kuchaytirish, fuqarolarning xavfsizlik madaniyatini oshirish hamda "Dolzarb 60 kun" tadbirlari haqida aholini tezkor va xolis axborot bilan ta'minlash borasida ommaviy axborot vositalarining o'rni muhim ekani ta'kidlandi.

Boshqa yangiliklar 👇
Veb-sayt | Telegram | Instagram | Facebook | YouTube

Yoz mavsumida yong‘inlarning oldini olishga qaratilgan "Dolzarb 60 kun" tadbirlari doirasida suv havzalarida fuqarolar xavfsizligini ta’minlash hamda kichik hajmli kemalardan foydalanish qoidalariga rioya etilishi yuzasidan Respublika ishchi guruhi tomonidan Qashqadaryo viloyati Shahrisabz tumanidagi Hisorak suv omborida o‘rganish ishlari olib borildi.

Tadbir davomida kater egalari hamda mas’ul mutasaddilar bilan profilaktik suhbatlar o‘tkazilib, ularga suvda harakatlanish xavfsizligi, amaldagi qoidalarga qat’iy rioya etish hamda favqulodda holatlarning oldini olish bo‘yicha zarur tavsiya va ko‘rsatmalar berildi.

Boshqa yangiliklar 👇
Veb-sayt | Telegram | Instagram | Facebook | YouTube