Ortiqcha vazn – xizmat samaradorligiga salbiy ta'sir ko‘rsatuvchi omil

Bugun, 18-iyul kuni Boshqarma hamda uning tuzilmalaridagi harbiy xizmatchilar ishtirokida ortiqcha vazn va uning salbiy oqibatlariga bag‘ishlangan tanqidiy-tahliliy yig'ilish o‘tkazildi.
Yig'ilish davomida mutaxassislar ortiqcha vaznning yurak-qon tomir kasalliklari, qandli diabet va boshqa surunkali xastaliklar rivojlanishidagi o‘rni, shuningdek, uning xizmat faoliyati va jismoniy tayyorgarlikka salbiy ta’siri haqida ma’lumot berdi.
Tanqidiy ruhda o‘tgan yig‘ilishda ortiqcha vaznga ega harbiy xizmatchilarning holati tahlil qilinib, mavjud kamchiliklar muhokama etildi. Ularning sog‘lom turmush tarziga amal qilishi, muntazam jismoniy mashg‘ulotlar bilan shug‘ullanishi hamda to‘g‘ri ovqatlanish madaniyatiga rioya etishi bo‘yicha aniq topshiriqlar berildi.
Sog‘lom turmush tarzi — mustahkam salomatlik va yuqori xizmat samaradorligining muhim garovidir.

Boshqa yangiliklar 👇
Veb-sayt | Telegram | Instagram | Facebook | YouTube

Mirishkor tumanidagi o‘rmon xo‘jaligida o‘quv-amaliy mashg‘uloti o‘tkazildi

Qashqadaryo viloyati Favqulodda vaziyatlar boshqarmasi mas’ullari rahbarligida “Dolzarb 60 kun” profilaktik tadbirlari doirasida Mirishkor tumani hududidagi o‘rmon xo‘jaligida o‘rmon yong‘inlarining oldini olish hamda yong‘in sodir bo‘lganda hamkor tashkilotlarning tezkor harakatlarini muvofiqlashtirishga qaratilgan o‘quv-amaliy mashg‘uloti tashkil etildi.

Mashg‘ulot davomida shartli ravishda yuzaga kelgan o‘rmon yong‘ini bartaraf etilib, tezkor xizmatlarni xabardor qilish, yong‘inning keng hududga tarqalishining oldini olish hamda yong‘inni o‘chirish bo‘yicha amaliy harakatlar bajarildi.

Tadbir yakunida ishtirokchilarga yong‘in xavfsizligi qoidalariga qat’iy rioya etish yuzasidan tegishli tavsiya va ko‘rsatmalar berildi.

Boshqa yangiliklar 👇
Veb-sayt | Telegram | Instagram | Facebook | YouTube

Test sinovlari obyektlarida yong‘in xavfsizligi nazorat qilinmoqda

Ayni kunlarda oliy ta’lim muassasalariga kirish test sinovlari o‘tkazilayotgan obyektlarda yong‘in xavfsizligini ta’minlash maqsadida profilaktik tadbirlar izchil amalga oshirilmoqda.

Bugun, 19-iyul kuni Boshqarma boshlig‘i, polkovnik F. Mirzayev Qarshi shahridagi Bilim va malakalarni baholash agentligi Qashqadaryo bo‘limida bo‘lib, test sinovlari o‘tkazilayotgan obyektlarning yong‘inga qarshi holatini o‘rgandi.

O‘rganish davomida elektr ta’minoti tizimining sozligi, xonalarni sovitishda elektr jihozlaridan xavfsiz foydalanish qoidalariga rioya etilishi, qutqaruv texnikalarining erkin harakatlanishi uchun kirish yo‘laklarining doimo ochiq saqlanishi hamda yong‘inga qarshi suv hovuzlarining holati ko‘zdan kechirildi.

Shuningdek, aniqlangan kamchiliklarni bartaraf etish yuzasidan obyekt mas’ullariga tegishli ko‘rsatma va topshiriqlar berildi.

Boshqa yangiliklar 👇
Veb-sayt | Telegram | Instagram | Facebook | YouTube