FIDOYI XIZMAT E'TIROFI — FAXRIYLARGA EHTIROM MILLIY QADRIYATIMIZ

Inson qadri, uning ko‘p yillar davomida fidokorona mehnatini e'zozlash xalqimizning ezgu qadriyatlaridan biridir

Shu munosabat bilan Qashqadaryo viloyati FVB Faxriylar kengashi raisi hamda Faxriylar kengashi a'zolari tomonidan Favqulodda vaziyatlar tizimida uzoq yillar vijdonan va sharaf bilan xizmat qilgan, bugungi kunda nafaqada bo‘lgan faxriy Komil Yangiyevning muborak 60 yoshga to‘lishi munosabati bilan uning xonadoniga tashrif buyurildi.

Tashrif davomida faxriy Komil Yangiyevga Boshqarma boshlig‘i, polkovnik F. Mirzayevning samimiy tabrigi yetkazildi. Shuningdek, uning ko‘p yillik faoliyati, kasbiga bo‘lgan sadoqati, tizim ravnaqi yo‘lidagi xizmatlari hamda yosh xodimlarni tarbiyalashdagi munosib hissasi alohida e'tirof etildi.

Uchrashuv yakunida faxriyga mustahkam sog‘lik, uzoq umr, oilaviy baxt-saodat va farovon hayot tilanib, esdalik sovg‘alari topshirildi.

Boshqa yangiliklar 👇
Veb-sayt | Telegram | Instagram | Facebook | YouTube

QARSHI SHAHRIDAGI BOZORLARDA YONG‘IN XAVFSIZLIGI HOLATI O‘RGANILDI

Qashqadaryo viloyati Favqulodda vaziyatlar boshqarmasi mas'ullari tomonidan Qarshi shahrida joylashgan bozorlarda yong‘in xavfsizligi holati o‘rganildi.

O‘rganishlar davomida savdo rastalari, elektr xo‘jaligi, yong‘inga qarshi dastlabki o‘t o‘chirish vositalarining mavjudligi va sozligi, evakuatsiya yo‘laklarining holati hamda yong‘in xavfsizligi qoidalariga rioya etilishi nazorat qilindi.

Aniqlangan kamchiliklar yuzasidan bozor ma'muriyati va tadbirkorlarga tegishli tavsiyalar berilib, ularni qisqa muddatlarda bartaraf etish yuzasidan tushuntirish ishlari olib borildi.

Boshqa yangiliklar 👇
Veb-sayt | Telegram | Instagram | Facebook | YouTube

Qurilish obyektlarida profilaktik tadbirlar o‘tkazildi

Nishon tumani FVB mas’ullari tomonidan tuman hududida yangidan bunyod etilayotgan qurilish obyektlarida profilaktik tadbir tashkil etildi.

Tadbir davomida qurilish maydonlarida faoliyat olib borayotgan quruvchi va ishchi-xizmatchilar bilan yong‘in xavfsizligi qoidalariga rioya etish, yong‘in kelib chiqishining asosiy sabablari hamda favqulodda vaziyatlarda to‘g‘ri harakat qilish tartiblari yuzasidan tushuntirish ishlari olib borildi.

Shuningdek, ishtirokchilarga qurilish obyektlarida yong‘in xavfsizligi talablariga qat’iy rioya etish zarurligi yana bir bor eslatildi.

Boshqa yangiliklar 👇
Veb-sayt | Telegram | Instagram | Facebook | YouTube