Sho‘rtan gaz-kimyo majmuasida yong‘in o‘chirish taktik mashqi o‘tkazildi

Qashqadaryo viloyati Favqulodda vaziyatlar boshqarmasi “Sho‘rtan gaz-kimyo majmuasi” MChJ OFVB tomonidan korxonaning Tayyor mahsulotlar va xom ashyo sexiga qarashli 2-estakadada yong‘in o‘chirish bo‘yicha maxsus-taktik o‘quv mashqi tashkil etildi.
Mashg‘ulot davomida shartli yong‘in sodir bo‘lgan vaziyatda qutqaruv bo‘linmalarining tezkor harakatlari, kuch va vositalarni boshqarish, yong‘inning kengayishiga yo‘l qo‘ymaslik hamda obyekt xizmatlari bilan o‘zaro hamkorlik amaliyotda sinovdan o‘tkazildi.
O‘quv mashqi yakunida ishtirokchilarning harakatlari tahlil qilinib, favqulodda vaziyatlarga tayyorgarlikni yanada takomillashtirish bo‘yicha tavsiyalar berildi.
⚠️ Favqulodda vaziyatlarning oldini olish — doimiy tayyorgarlik va hamjihatlikdan boshlanadi.

Boshqa yangiliklar 👇
Veb-sayt | Telegram | Instagram | Facebook | YouTube

Bank xodimlari sinovdan o‘tkazildi

Qashqadaryo viloyati FVB harbiy xizmatchilari tomonidan Qarshi shahrida joylashgan “Universalbank” ishchi-xizmatchilarining favqulodda vaziyatlarda to‘g‘ri harakatlanish borasidagi bilim va ko‘nikmalari sinovdan o‘tkazildi.

Tadbirda xodimlarga favqulodda holatlarda evakuatsiya tartibi, birlamchi yong‘in o‘chirish vositalaridan foydalanish hamda xavfsizlik qoidalariga amal qilish yuzasidan amaliy tushuntirishlar berildi.

Shuningdek, yuzaga kelishi mumkin bo‘lgan favqulodda vaziyatlarda tezkor va to‘g‘ri harakat qilish bo‘yicha amaliy mashg‘ulotlar tashkil etildi.

Boshqa yangiliklar 👇
Veb-sayt | Telegram | Instagram | Facebook | YouTube

Bolalar xavfsizligi — barchamizning mas’uliyatimiz!

Qamashi tumani FVB harbiy xizmatchilari tomonidan taqiqlangan suv havzalarida nazoratsiz cho‘milayotgan voyaga yetmagan bolalar hamda ularning ota-onalari bilan profilaktik suhbatlar o‘tkazilmoqda.
Xususan, tumanning “Changak” mahallasi hududidan oqib o‘tuvchi Langar daryosi hamda “Oqguzar” mahallasi hududidagi Qamaytepa kanalida qariyb 50 nafarga yaqin voyaga yetmagan bolalar aniqlanib, ularga suv havzalarida xavfsizlik qoidalariga rioya qilish bo‘yicha tushuntirishlar berildi.
Ota-onalarga esa farzandlarini nazoratsiz qoldirmaslik, ularning taqiqlangan suv havzalarida cho‘milishiga yo‘l qo‘ymaslik bo‘yicha qat’iy tavsiyalar berildi.
Farzandingiz hayoti va xavfsizligi — sizning e’tiboringizdan boshlanadi!

Boshqa yangiliklar 👇
Veb-sayt | Telegram | Instagram | Facebook | YouTube