TALIMARJON IESDA MAXSUS-TAKTIK O‘QUV MASHQI

Bugun, 28-iyul kuni Qashqadaryo viloyati FVB mas’ullari rahbarligida “Dolzarb 60 kun” profilaktik tadbirlari doirasida " Talimarjan SF " MChJda maxsus-taktik o‘quv mashqi o‘tkazildi.

Mashg‘ulot davomida stansiya hududida shartli yong‘in yuzaga kelib, yong‘in-qutqaruv bo‘linmalari voqea joyiga tezkor yetib bordi. Yong‘in qisqa fursatda bartaraf etilib, uning boshqa hududlarga tarqalishining oldi olindi hamda shartli jabrlanganlar xavfsiz hududga evakuatsiya qilindi.

Shuningdek, ammiak sizib chiqishi bilan bog‘liq favqulodda vaziyatda qutqaruvchilarning harakatlari, ammiak tarqalishining oldini olish, jabrlanganlarni xavfsiz hududga olib chiqish va ularga tez tibbiy yordam ko‘rsatish bo‘yicha amaliy mashqlar bajarildi.

Boshqa yangiliklar 👇
Veb-sayt | Telegram | Instagram | Facebook | YouTube

“Jasorat va matonat” musobaqasining Qashqadaryo viloyati bosqichi bo‘lib o‘tdi

“Yangi O‘zbekistonni yoshlar quradi!” shiori ostida Favqulodda vaziyatlar vaziri kubogi uchun mahalla yoshlari o‘rtasida o‘tkazilayotgan “Jasorat va matonat” sport musobaqalari hamda ko‘rik-tanlovining Qashqadaryo viloyati bosqichi yuqori saviyada tashkil etildi.
Musobaqa davomida ishtirokchilar 5 ta shart bo‘yicha o‘zaro bellashib, o‘zlarining jismoniy tayyorgarligi, chaqqonligi, bilim saviyasi va jamoaviy hamjihatligini namoyon etdilar. Tadbirda soha faxriylari ham ishtirok etib, yoshlar bilan uchrashdi, ularga hayotiy tajriba va qimmatli tavsiyalarini ulashdi.
Yakuniy natijalarga ko‘ra:
🥇 1-o‘rin — Ko‘kdala tumani jamoasi;
🥈 2-o‘rin — Qarshi shahar jamoasi;
🥉 3-o‘rin — Qarshi tumani jamoasi.
Musobaqa yakunida g‘olib va sovrindor jamoalar diplom, kubok hamda esdalik sovg‘alari bilan tantanali ravishda taqdirlandi.

Boshqa yangiliklar 👇
Veb-sayt | Telegram | Instagram | Facebook | YouTube