Uyma-uy targ‘ibot — xavfsizlik sari muhim qadam

"Dolzarb 60 kun" profilaktik tadbirlari doirasida Koson, Qamashi, Nishon, Dehqonobod tumanlari hamda Qarshi va Shahrisabz shahar Favqulodda vaziyatlar bo‘limlari xodimlari tomonidan mahallalarda uyma-uy yurilib, aholi o‘rtasida profilaktik targ‘ibot ishlari izchil davom ettirilmoqda.
Jarayonda fuqarolarga gaz va elektr jihozlaridan xavfsiz hamda oqilona foydalanish, yong‘in va portlash xavfining oldini olish, shuningdek, qurilish obyektlari hamda masjidlarda yong‘in xavfsizligi talablariga qat’iy rioya etish bo‘yicha tushuntirishlar berilib, eslatmalar tarqatilmoqda.
Bunday profilaktik tadbirlar aholining yong‘in xavfsizligi madaniyatini oshirish, favqulodda vaziyatlarning oldini olish hamda fuqarolarning hayoti, sog‘lig‘i va mol-mulkini ishonchli himoya qilishga xizmat qiladi.

Boshqa yangiliklar 👇
Veb-sayt | Telegram | Instagram | Facebook | YouTube

Ota-onalar diqqatiga: Farzandingiz qayerda cho‘milmoqda?

Qashqadaryo viloyati Favqulodda vaziyatlar boshqarmasi hamda shahar va tuman Favqulodda vaziyatlar bo‘limlari xodimlari tomonidan taqiqlangan suv havzalarida nazoratsiz cho‘milayotgan voyaga yetmagan bolalarni aniqlash, ularning hayoti va salomatligini asrash maqsadida profilaktik tadbirlar olib borilmoqda.
Tadbirlar davomida bolalar hamda ularning ota-onalari bilan tushuntirish va ogohlantirish suhbatlari o‘tkazilib, taqiqlangan joylarda cho‘milishning og‘ir oqibatlari haqida batafsil ma’lumotlar berilmoqda.
❗️ Hurmatli ota-onalar! Farzandlaringizni nazoratsiz qoldirmang va faqat ruxsat etilgan hamda xavfsiz cho‘milish maskanlaridan foydalaning. Unutmang, ehtiyotkorlik inson hayotini saqlab qoladi.

Boshqa yangiliklar 👇
Veb-sayt | Telegram | Instagram | Facebook | YouTube