KO‘KDALA TUMANIDA PROFILAKTIK TARG‘IBOT TADBIRLARI O‘TKAZILDI

Ko‘kdala tumani FVB mas’ullari tomonidan “Dolzarb 60 kun” profilaktik tadbirlari doirasida qurilish obyektlarida faoliyat yuritayotgan ishchi-xizmatchilar o‘rtasida targ‘ibot tadbirlari tashkil etildi.

Tadbir davomida qurilish obyektlarida yong‘in xavfsizligi qoidalariga qat’iy rioya qilish, elektr jihozlaridan to‘g‘ri va xavfsiz foydalanish, payvandlash hamda boshqa yong‘in xavfi yuqori bo‘lgan ishlarni belgilangan talablar asosida bajarish yuzasidan tushuntirishlar berildi.

Shuningdek, avtomobillarga gaz quyish shoxobchalarida ishchi-xizmatchilar va fuqarolar bilan profilaktik suhbatlar o‘tkazilib, texnika va yong‘in xavfsizligi qoidalariga rioya etish, gaz ballonlari va gaz uskunalaridan xavfsiz foydalanish, shoxobchada belgilangan tartib-qoidalarga amal qilish zarurligi tushuntirildi.Hamda yong‘in va texnika xavfsizligi bo‘yicha eslatma-bukletlar tarqatildi

Boshqa yangiliklar👇
Veb-sayt | Telegram | Instagram | Facebook | YouTube

TAYANCH MASKANLARIDAGI MAXSUS TEXNIKALAR SAF KO‘RIGIDAN O‘TKAZILDI

Qashqadaryo viloyati FVBning I, II va III darajali tayanch maskanlarida mavjud maxsus yong‘in-qutqaruv avtomobillari saf ko‘rigidan o‘tkazildi.

Ko‘rikdan asosiy maqsad — maxsus texnikalarning jangovar shayligi, texnik holati va yong‘inlarni tezkor bartaraf etishga tayyorligini baholashdan iborat bo‘ldi.

Jarayon davomida yong‘in-qutqaruv avtomobillarining tashqi va texnik holati, maxsus agregatlari, yong‘in o‘chirish nasoslari, suv va ko‘pik uzatish tizimlari hamda zarur yong‘in-qutqaruv jihozlari ko‘zdan kechirildi.

Shuningdek, avtomobillarning belgilangan tartibda jihozlanganligi, barcha maxsus vositalarning sozligi va foydalanishga tayyorligi tekshirildi.

Aniqlangan kamchiliklarni bartaraf etish hamda maxsus texnikalarni doimiy ravishda shay holatda saqlash bo‘yicha tegishli vazifalar belgilandi.

Boshqa yangiliklar👇
Veb-sayt | Telegram | Instagram | Facebook | YouTube