Xalq deputatlari Qashqadaryo viloyati Kengashining navbatdagi sessiyasi bo‘lib o‘tdi.

Sessiyada Qashqadaryo viloyati Favqulodda vaziyatlar boshqarmasi boshlig‘i, polkovnik F. Mirzayev tomonidan aholi va hududlarni favqulodda vaziyatlardan muhofaza qilish, ularning oldini olish hamda fuqaro muhofazasi sohasida amalga oshirilgan ishlar yuzasidan axborot berildi.

Sessiya davomida deputatlar tomonidan bildirilgan taklif va mulohazalar eshitilib, mas’ullar tomonidan berilgan savollarga tegishli javoblar qaytarildi. Kun tartibidagi masalalar yuzasidan tegishli qarorlar qabul qilinib, sohadagi ishlarni yanada samarali tashkil etish bo‘yicha ustuvor vazifalar belgilab olindi.

Boshqa yangiliklar 👇
Veb-sayt | Telegram | Instagram | Facebook | YouTube

MUBORAKDA “DOLZARB 60 KUN” TADBIRLARI DAVOM ETMOQDA

Muborak tumani FVB mas’ullari tomonidan “Dolzarb 60 kun” profilaktik tadbirlari doirasida aholi xonadonlarida uyma-uy yurib, kuz-qish mavsumiga tayyorgarlik holati o‘rganildi.
Tadbirlar davomida fuqarolarga dudbo‘ronlarni o‘z vaqtida tozalash, ochiq elektr kabellaridan foydalanmaslik, gaz va elektr jihozlaridan xavfsiz foydalanish bo‘yicha tushuntirishlar berildi.

Shuningdek, xonadonlarda aniqlangan kamchiliklarni joyida bartaraf etish choralari ko‘rildi hamda yong‘in va boshqa favqulodda vaziyatlarning oldini olish yuzasidan profilaktik targ‘ibot ishlari olib borildi.

Bundan tashqari, qurilish obyektlarida ham xavfsizlik talablari o‘rganilib, ish jarayonida yong‘in xavfsizligi qoidalariga rioya etish, elektr jihozlaridan to‘g‘ri foydalanish hamda mehnat muhofazasi talablarini ta’minlash bo‘yicha tushuntirish va ogohlantirish ishlari olib borildi.

Boshqa yangiliklar 👇
Veb-sayt | Telegram | Instagram | Facebook | YouTube