MASHG‘ULOT O‘TKAZILDI

Qashqadaryo viloyati Favqulodda vaziyatlar boshqarmasi tomonidan “Qashqadaryo suv ta’minoti” AJda hamkor tashkilotlar bilan birgalikda oqova suv tizimlarida yuzaga kelishi mumkin bo‘lgan favqulodda vaziyatlarga tayyorgarlik bo‘yicha amaliy mashg‘ulot o‘tkazildi.

Mashg‘ulot davomida favqulodda vaziyat yuzaga kelganda xodimlarning harakatlanishi, mavjud kuch va vositalardan samarali foydalanish hamda hamkor tashkilotlar bilan tezkor va muvofiqlashtirilgan harakatlarni tashkil etish bo‘yicha amaliy mashqlar bajarildi.

Tadbir yakunida ishtirokchilarga favqulodda vaziyatlarning oldini olish va ularning oqibatlarini bartaraf etish, shuningdek, xavfsizlik talablariga qat’iy rioya etish yuzasidan tegishli tavsiyalar berildi.

Boshqa yangiliklar 👇
Veb-sayt | Telegram | Instagram | Facebook | YouTube

“Yerqo‘rg‘on” bozorida tungi maxsus-taktik o‘quv mashg‘uloti o‘tkazildi

Qashqadaryo viloyati Favqulodda vaziyatlar boshqarmasi hamda Qarshi shahar bo‘limi hamkorligida Qarshi shahridagi “Yerqo‘rg‘on” bozorida tungi maxsus-taktik o‘quv mashg‘uloti o‘tkazildi.

Mashg‘ulot ssenariysiga ko‘ra, bozor hududida shartli yong‘in yuzaga kelib, uni zudlik bilan bartaraf etish, bino ichida qolgan fuqarolarni xavfsiz hududga olib chiqish hamda jabrlanganlarga birinchi tibbiy yordam ko‘rsatish bo‘yicha amaliy harakatlar bajarildi.

Tadbir yakunida mas’ullar tomonidan bozor ma’muriyatiga yong‘in xavfsizligini ta’minlash, mavjud kamchiliklarni bartaraf etish va favqulodda vaziyatlarning oldini olish yuzasidan zarur tavsiyalar berildi.

Boshqa yangiliklar 👇
Veb-sayt | Telegram | Instagram | Facebook | YouTube