YIRIK SAVDO MAJMUADA O‘QUV MASHG‘ULOTI O‘TKAZILDI

Bugun, 9-sentabr viloyat FVB hamda Qarshi shahar bo‘limi mas’ullari kamkorligida Qarshi shahrida joylashgan “Korzinka” savdo majmuasida favqulodda vaziyatlarga tayyorgarlikni oshirish, kuch va vositalarning hamkorlikdagi harakatlarini muvofiqlashtirish maqsadida amaliy o‘quv mashg‘uloti tashkil etildi.

Amaliy mashg‘ulot davomida qutqaruvchilar tomonidan shartli yong‘inni bartaraf etish, kuch va vositalarni to‘g‘ri taqsimlash, obyekt hududidagi fuqarolarni xavfsiz hududga evakuatsiya qilish hamda shartli jabrlanganlarga birinchi tibbiy yordam ko‘rsatish bo‘yicha amaliy harakatlar bajarildi.

Mashg‘ulot yakunida ishtirokchilarning favqulodda vaziyatlarda tezkor va to‘g‘ri harakat qilish ko‘nikmalari mustahkamlandi hamda obyektning favqulodda vaziyatlarga tayyorgarlik darajasi baholandi.

Boshqa yangiliklar👇
Veb-sayt | Telegram | Instagram | Facebook | YouTube

PAYSHANBA — HUQUQBUZARLIKLAR PROFILAKTIKASI KUNI

Bugun, 10-sentabr kuni Qashqadaryo viloyati FVBda “Yo‘l-transport hodisasi: kelib chiqish sabablari va oldini olish chora-tadbirlari” mavzusida profilaktik tadbir o‘tkazildi.
Unda boshqarma hamda barcha bo‘lim va bo‘linmalarning shaxsiy tarkibi videokonferensaloqa orqali onlayn ishtirok etdi.
Mutaxassislar tomonidan yo‘l harakati xavfsizligi qoidalari, amaldagi talablar, so‘nggi o‘zgarish va qo‘shimchalar, shuningdek, YTHlarning oldini olish bo‘yicha muhim tavsiyalar berildi.

Bir lahzalik e’tiborsizlik — bir umrga tatigulik pushaymon!

Boshqa yangiliklar👇
Veb-sayt | Telegram | Instagram | Facebook | YouTube