YONG‘IN O‘CHIRISH BO‘YICHA AMALIY-TAKTIK MASHG‘ULOT O‘TKAZILDI

“Yong‘indan ogohlik” umummilliy kompaniyasi oyligi doirasida viloyat FVB mas'ullari ishtirokida Qarshi tumanidagi “HILOL TEX TIL” korxonasiga qarashli paxta qabul qilish maskanida yong‘in o‘chirish bo‘yicha amaliy-taktik mashg‘ulot o‘tkazildi.

⚡️ Mashg‘ulot davomida paxta qabul qilish maskanida yuzaga kelishi mumkin bo‘lgan yong‘in holatiga shartli ravishda baho berilib, yong‘inni qisqa vaqt ichida bartaraf etish, mavjud kuch va vositalardan samarali foydalanish hamda hamkorlikdagi xizmatlarning o‘zaro muvofiqlashgan harakatlari sinovdan o‘tkazildi.

Shuningdek, shartli yong‘in vaqtida fuqarolarni xavfsiz hududga evakuatsiya qilish, jabrlanganlarga birinchi tibbiy yordam ko‘rsatish va favqulodda vaziyatlarda to‘g‘ri harakat qilish bo‘yicha amaliy ko‘nikmalar mustahkamlandi.

Boshqa yangiliklar👇
Veb-sayt | Telegram | Instagram | Facebook | YouTube

Tayyorgarlik masalalari muhokama qilindi

Bugun, 18-sentabr kuni navbatdagi muhim yig‘ilish o‘tkazildi.

Unda joriy yilning 23–25-sentabr kunlari “Energetika va kommunal soha obyektlarida” o‘tkazilishi rejalashtirilgan maxsus-taktik o‘quv mashqi, shuningdek, 26–28-oktabr kunlari Respublika Favqulodda vaziyatlarning oldini olish va bunday vaziyatlarda harakat qilish davlat tizimining Qashqadaryo, Surxondaryo va Buxoro viloyatlari hududiy quyi tizimlari boshqaruv organlari hamda kuch va vositalarining harakatlarini baholash bo‘yicha hamkorlikdagi qo‘mondonlik-shtab o‘quv mashqlariga tayyorgarlik ko‘rish masalalari muhokama qilindi.

Yig‘ilishda mazkur o‘quv mashqlarini puxta tayyorgarlik asosida, belgilangan talablar darajasida va yuqori saviyada o‘tkazish, jalb etiladigan kuch va vositalarning shayligini ta’minlash, shuningdek, mas’ul xodimlar oldiga tegishli vazifalarni belgilash bo‘yicha topshiriqlar berildi.

Boshqa yangiliklar👇
Veb-sayt | Telegram | Instagram | Facebook | YouTube

SAYYOR QABUL O‘TKAZILDI

Kecha, 17-sentabr kuni Qashqadaryo viloyati Favqulodda vaziyatlar boshqarmasi boshlig‘i, polkovnik F. Mirzayev tomonidan Shahrisabz tumani Miraki mahallasida fuqarolar uchun sayyor qabul o‘tkazildi.

Ochiq muloqot tarzida tashkil etilgan qabul davomida fuqarolarning murojaatlari, taklif va muammolari atroflicha o‘rganildi. Ayrim murojaatlar joyida ijobiy hal etilgan bo‘lsa, qo‘shimcha vaqt va choralarni talab qiladigan masalalar yuzasidan mas’ullarga aniq topshiriqlar berilib, ijrosi nazoratga olindi.

Bunday sayyor qabullar fuqarolar murojaatlarini o‘z vaqtida ko‘rib chiqish, mavjud muammolarga amaliy yechim topish hamda aholi manfaatlarini ta’minlashga xizmat qilmoqda.

Boshqa yangiliklar👇
Veb-sayt | Telegram | Instagram | Facebook | YouTube