#live

SHO‘RTAN GAZ-KIMYO MAJMUASIDA AMALIY HARAKATLAR KUZATILDI

Maxsus-taktik o‘quv mashqi doirasida mas’ullar tomonidan “Sho‘rtan gaz-kimyo majmuasi”da favqulodda vaziyatlar yuzaga kelganda elektr tarmoqlaridan uzilish holatida texnologik jarayonlarni to‘g‘ri va xavfsiz to‘xtatish hamda qayta ishga tushirish bo‘yicha amaliy harakatlar kuzatildi.

Shuningdek, gaz saqlash rezervuarlarida yuzaga kelishi mumkin bo‘lgan avariya holatini bartaraf etish, uning oqibatlarini kamaytirish va xavfsizlikni ta’minlash bo‘yicha harakatlar ham ko‘rib chiqildi.

#live

O‘QUV MASHQLARI MASOFADAN KUZATILDI

Maxsus-taktik o‘quv mashqi doirasida vazirlik, idora va qo‘mitalar hamda viloyat boshqarmalari mas’ullari Qashqadaryo viloyati Favqulodda vaziyatlar boshqarmasida tashkil etilgan shtabda jamlandi.

Shtabdan turib “Zevarda” gaz koni, Muborak magistral gaz quvurlari boshqarmasi, G‘uzor-500 podstansiyasi hamda “Hududgazta’minot” obyektlarida o‘tkazilgan o‘quv mashqlarining borishi onlayn tarzda kuzatildi.

Jarayonda obyektlarda favqulodda vaziyatlarni bartaraf etish bo‘yicha amalga oshirilgan amaliy harakatlar tahlil qilinib, ularga tegishli baho berildi.