YONG‘IN XAVFSIZLIGI — E’TIBORDA

Viloyat Favqulodda vaziyatlar boshqarmasi tomonidan viloyat hududidagi barcha bozor va savdo majmualarida qutqaruv texnikalarining erkin harakatlanishi, kirish-chiqish yo‘llarining holati hamda suv ta’minoti imkoniyatlari o‘rganilmoqda.

Shuningdek, tadbirkorlar va fuqarolar o‘rtasida yong‘inlarning oldini olish, xavfsizlik qoidalariga rioya etish va favqulodda vaziyatlarda to‘g‘ri harakat qilish bo‘yicha targ‘ibot-tashviqot ishlari olib borilmoqda.

Asosiy maqsad — yong‘inning oldini olish, qutqaruv texnikalarining hodisa joyiga tezkor yetib borishini ta’minlash va yong‘inning keng tarqalishiga yo‘l qo‘ymaslik.

BILIM VA TAASSUROTLARGA BOY O‘QUV JARAYONI

Qashqadaryo viloyati FVB Hayot faoliyati xavfsizligi o‘quv markazida tinglovchilar belgilangan o‘quv dasturi doirasida nazariy va amaliy mashg‘ulotlarda faol ishtirok etib, hayot faoliyati xavfsizligi hamda favqulodda vaziyatlarda to‘g‘ri harakat qilish bo‘yicha zarur bilim va ko‘nikmalarga ega bo‘ldilar.
Markazning yangi, zamonaviy binosida yaratilgan qulay shart-sharoitlar, jihozlangan o‘quv xonalari va ko‘rgazmali vositalar tinglovchilarda iliq taassurot qoldirdi.
Tinglovchilar mashg‘ulotlarda katta qiziqish va zavq bilan qatnashib, olgan bilim hamda amaliy ko‘nikmalaridan mamnun ekanliklarini bildirdilar.

Boshqa yangiliklar👇
Veb-sayt | Telegram | Instagram | Facebook | YouTube

“Qog‘ozsiz bir kun” — raqamli kelajak sari muhim qadam!

Bugun kun boshidanoq Kasbi tumani Favqulodda vaziyatlar bo‘limida “Qog‘ozsiz bir kun” aksiyasi doirasida elektron hujjat almashinuvini keng joriy etish, qog‘oz iste’molini kamaytirish hamda raqamli texnologiyalardan samarali foydalanish bo‘yicha targ‘ibot va amaliy ishlar olib borilmoqda.

Tadbir davomida xodimlarga elektron hujjat almashinuvidan foydalanishning qulayliklari, ish jarayonlarini tezkor va samarali tashkil etish, shuningdek, ortiqcha qog‘oz sarfini kamaytirishning ahamiyati tushuntirilmoqda.

🌱 Raqamli texnologiyalar — samaradorlik, tejamkorlik va tabiatga e’tibor demakdir!