TABIIY OFATLAR XAVFINI KAMAYTIRISH KUNI: “OCHIQ ESHIKLAR KUNI” O‘TKAZILDI

13-oktabr — Xalqaro tabiiy ofatlar xavfini kamaytirish kuni munosabati bilan bugun Qashqadaryo viloyati FVB Hayot faoliyati xavfsizligi o‘qitish markazida “Ochiq eshiklar kuni” tadbiri tashkil etildi.
Tadbir davomida ishtirokchilarga mutaxassislar tomonidan sana va uning ahamiyati, tabiiy tusdagi favqulodda vaziyatlarning oldini olish, ulardan muhofazalanish hamda bunday vaziyatlarda to‘g‘ri harakatlanish qoidalari yuzasidan muhim ma’lumotlar berildi.
Shuningdek, markazda yaratilgan sharoitlar, mavjud o‘quv bazasi va amaliy mashg‘ulotlar uchun mo‘ljallangan imkoniyatlar bilan yaqindan tanishtirildi.
Ishtirokchilar maxsus virtual reallik ko‘zoynaklaridan foydalangan holda favqulodda vaziyatlar bilan bog‘liq jarayonlarni virtual muhitda kuzatish va xavfsizlik qoidalarini interaktiv tarzda o‘rganish imkoniga ega bo‘ldilar.

Boshqa yangiliklar👇
Veb-sayt | Telegram | Instagram | Facebook | YouTube

TABIIY OFATLAR XAVFINI KAMAYTIRISH — UMUMIY VAZIFAMIZ!

Bugun, 13-oktabr — Xalqaro tabiiy ofatlar xavfini kamaytirish kuni munosabati bilan Qashqadaryo viloyati Favqulodda vaziyatlar boshqarmasi va uning joylardagi tuzilmalari tomonidan aholini tabiiy tusdagi favqulodda vaziyatlarda to‘g‘ri harakat qilishga o‘rgatish maqsadida qator tadbirlar tashkil etildi.
Jumladan, “Ochiq eshiklar kuni”, seminarlar, uchrashuvlar hamda o‘quv mashg‘ulotlari o‘tkazilib, ishtirokchilarga tabiiy ofatlar xavfini kamaytirish, favqulodda vaziyatlarda to‘g‘ri harakatlanish va xavfsizlik qoidalariga rioya etish yuzasidan zarur bilim va ko‘nikmalar berildi.
Unutmang: tabiiy ofatlarning oldini olish har doim ham mumkin emas, ammo ularga tayyor bo‘lish orqali talafotlarni kamaytirish mumkin!

Boshqa yangiliklar👇
Veb-sayt | Telegram | Instagram | Facebook | YouTube