KASBI TUMANIDA PROFILAKTIK TADBIRLAR O‘TKAZILDI

Bugun, 30-oktabr kuni Favqulodda vaziyatlar vazirligi, Qashqadaryo viloyati Favqulodda vaziyatlar boshqarmasi hamda Kasbi tumani Favqulodda vaziyatlar bo‘limi mas’ullari tomonidan tumandagi oziq-ovqat dehqon bozorida va aholi xonadonlarida profilaktik tadbirlar o‘tkazildi.
Tadbirlar davomida kuz-qish mavsumida yong‘inlar, is gazidan zaharlanish hamda gaz-havo aralashmasining chaqnashi bilan bog‘liq noxush holatlarning oldini olishga alohida e’tibor qaratildi.
Shuningdek, fuqarolarga isitish moslamalaridan to‘g‘ri foydalanish, gaz va elektr jihozlarini xavfsiz ishlatish, mo‘rilarning sozligini tekshirish hamda yong‘in xavfsizligi qoidalariga qat’iy rioya etish yuzasidan tushuntirishlar berildi.
Unutmang, xavfsizlikka befarqlik jiddiy oqibatlarga olib kelishi mumkin. Ogohlik va ehtiyotkorlik — hayot garovi!

Boshqa yangiliklar👇
Veb-sayt | Telegram | Instagram | Facebook | YouTube

ZILZILA OQIBATIDA QASHQADARYOGA KO‘CHIRILGAN FUQAROLARGA AMALIY YORDAM KO‘RSATILMOQDA

Buxoro viloyati Qorovulbozor tumanida sodir bo‘lgan zilzila oqibatida 200 nafar fuqaro Qashqadaryo viloyati Muborak tumani Do‘stlik MFY hududidagi "O‘zbekiston Respublikasi Favvora va gaz xavfsizligi bo‘yicha harbiylashtirilgan qismi"ga vaqtincha ko‘chirildi.

Ularni joylashtirish uchun zarur sharoitlar yaratilib, yotoq joylari, tibbiy yordam, oziq-ovqat mahsulotlari hamda psixologik ko‘mak bilan ta’minlash ishlari tashkil etildi.

Ayni vaqtda fuqarolarning xavfsizligi, salomatligi va zarur ehtiyojlarini ta’minlash choralari ko‘rilmoqda.

Boshqa yangiliklar👇
Veb-sayt | Telegram | Instagram | Facebook | YouTube

ZILZILA OQIBATLARINI BARTARAF ETISH BO‘YICHA O‘QUV MASHQI YAKUNLARI MUHOKAMA QILINDI

Qashqadaryo viloyatida 28–30-oktyabr kunlari Favqulodda vaziyatlar vazirligi hamda hamkor tashkilotlar ishtirokida zilzila oqibatlarini bartaraf etish va aholi xavfsizligini ta’minlashga qaratilgan qo‘mondonlik-shtab o‘quv mashqi tashkil etildi.

Yig‘ilish davomida uch kunlik o‘quv mashqi jarayonida amalga oshirilgan ishlar, FVDT kuch va vositalarining tayyorgarligi, hamkor tashkilotlar o‘rtasidagi o‘zaro hamkorlik holati hamda belgilangan vazifalarning bajarilishi tahlil qilindi.

Shuningdek, mashg‘ulotlar davomida aniqlangan kamchiliklar va yo‘l qo‘yilgan xatolar atroflicha muhokama qilinib, ularni bartaraf etish, kelgusida amalga oshirilishi lozim bo‘lgan chora-tadbirlar yuzasidan tegishli vazifalar belgilab berildi.

Boshqa yangiliklar👇
Veb-sayt | Telegram | Instagram | Facebook | YouTube