Bugun Qo‘qon lokomotiv deposi filialida harakat xavfsizligini ta’minlash va harakat jadvali bo‘yicha muhokama yig‘ilishi bo‘lib o‘tdi.
Uchrashuvda “O‘zbekiston temir yo‘llari” AJ Harakat xavfsizligi va mehnat muhofazasi nazorati departamenti boshligi A.O.Sharifbayev, shuningdek Qo‘qon MTU filiali boshlig‘i B.P.Milladjanov boshchiligida muhim masalalar ko‘rib chiqildi.
Yig‘ilish davomida ishtirokchilar bilan savol-javoblar shaklida ochiq muloqot o‘tkazilib, harakat xavfsizligi talablarini yanada kuchaytirish, jarayonlarni takomillashtirish va poyezdlar harakat jadvalining barqarorligini ta’minlash bo‘yicha taklif va fikrlar tinglandi.
Yakunda mas’ullarga tegishli topshiriq va ko‘rsatmalar berildi.

Qo‘qon MTU filialida texnik holat va xavfsizlik talablari bo‘yicha keng qamrovli ko‘rik

Bugun “O‘zbekiston temir yo‘llari” AJ Harakat xavfsizligi va mehnat muhofazasi nazorati departamenti boshligi A.O.Sharifbayev, shuningdek Qo‘qon MTU filiali bosh muhandisi v.b. B.D.Tirkashev, Harakat xavfsizligi va mehnat muhofazasi nazorati departamentining Qo‘qon MTU filiali bo‘yicha bosh noziri A.I.Toshmatov va korxona rahbarlari ishtirokida reja asosidagi texnik nazorat ko‘rigi o‘tkazildi.

Ko‘rik davomida Qo‘qon, Qaqir, Furqat, Oltiariq, Marg‘ilon, Farg‘ona-2, Kirgili va Quvasoy stansiyalarida texnik jarayonlar, harakat xavfsizligi talablari hamda mehnat muhofazasi qoidalariga rioya etilishi o‘rganildi.

Jarayon yakunida aniqlangan masalalar bo‘yicha tegishli topshiriqlar berilib, tizim samaradorligini oshirish yuzasidan ko‘rsatmalar taqdim etildi.

Andijonda texnik ko‘rik va nazorat jarayonlari davom etmoqda

“O‘zbekiston temir yo‘llari” AJ Harakat xavfsizligi va mehnat muhofazasi nazorati departamenti boshligi A.O.Sharifbayev, shuningdek Qo‘qon MTU filiali boshlig‘i B.P.Milladjanov boshchiligida Andijon uchaskalarida texnik ko‘rik va nazorat ishlari izchil davom ettirilmoqda.

Jarayon davomida uchaskalarning temir yo‘l infratuzilmasi, harakat xavfsizligi talablari, mehnat muhofazasi qoidalariga rioya etilishi, mavjud kamchiliklar va ularni bartaraf etish choralarining bajarilishi o‘rganildi.

Ko‘rik yakunida tegishli topshiriqlar berilib, harakat xavfsizligining uzluksiz ta’minlanishi bo‘yicha zarur choralar belgilandi.