"Qo‘qon MTU" filiali rahbariyati tomonidan hududlardagi ish jarayonlari va texnik holatni o‘rganish ishlari muntazam davom ettirilmoqda.

Bugun filial boshlig‘i o‘rinbosari Q.B.Ahmadjonov boshchiligida Andijon-1 stanisyasining Blok post-331 da SMB qurilmalaring yuzaga kelayotgan nosozliklarini o'rganish maqsadida nazorat tekshiruvi olib borildi.
O'rganish davomida asosiy e'tibor quyidagilarga qaratildi:
- Signallashtirish va aloqa: Qurilmalarning sozligi va aloqa tizimining uzluksiz ishlashi ko‘zdan kechirildi. Ularning holati va texnik ko‘rsatkichlari joyida tekshirildi.
- Harakat xavfsizligi: Poezdlar harakatlanish xavfsizligini ta'minlovchi texnik vositalar holati tanqidiy o‘rganildi.

Shuningdek, Q.B.Ahmadjonov hududda mehnat qilayotgan xodimlar bilan yuzma-yuz muloqot qilib, ularning ish sharoitlari, texnika xavfsizligi qoidalariga rioya etishi va mas'uliyatini oshirish bo‘yicha tegishli ko‘rsatmalar berdi.

Bugun Qoʻqon MTU filiali boshlig‘i o‘rinbosari Q.B.Ahmadjonov boshchiligidagi ishchi guruh Angren-Pop-Andijon temir yo‘l liniyasining “Qo‘shminor” stansiyasida bo‘ldi. Tashrifdan asosiy maqsad — AXX-01-2-SI-03-002 loyihasi doirasida bajarilayotgan modernizatsiya ishlarini nazorat qilishdir.
O‘rganish jarayonida quyidagilarga asosiy e’tibor qaratildi:
- Amaldagi “MKU” tizimi o‘rniga zamonaviy “MPS-TEG” mikroprotsessorli markazlashtirish tizimini o‘rnatish va uni foydalanishga topshirish bo‘yicha amalga oshirilayotgan ishlar holati.
- Yangi tizimning poyezdlar harakati xavfsizligini ta’minlashdagi imkoniyatlari va texnik ko‘rsatkichlari mutaxassislar ishtirokida tahlil qilindi.
- Stansiya navbatchilari va texnik xodimlar bilan yangi tizimda ishlash, texnika xavfsizligi qoidalariga rioya etish hamda mas'uliyatni oshirish bo‘yicha tushuntirish ishlari olib borildi.

Ma’lumot uchun: “MPS-TEG” tizimi inson omilini kamaytirib, poyezdlar harakatini boshqarishda yuqori aniqlik va xavfsizlikni kafolatlaydi.

STANSIYALARDA BAHORGI KO‘RIKKA TAYYORGARLIK ISHLARI O‘RGANILDI

Qo‘qon MTU filiali boshlig‘ining 2026-yil 2-mart kungi 65-MTU-sonli buyrug‘iga asosan, Qo‘qon MTU filiali bosh muhandisi v.b. B.D. Tirkashev boshchiligida, Qo‘qon MTU tasarrufidagi korxona rahbarlari hamda MTU mutasaddi xodimlari ishtirokida stansiyalar va korxonalar xo‘jaliklarini bahorgi ko‘rikka tayyorlash bo‘yicha tekshiruvlar o‘tkazildi.

Tekshiruvlar davomida Qaqir, Furqat, Oltiariq, Marg‘ilon, Farg‘ona-2 hamda Quvasoy stansiyalarida mavjud infratuzilma obyektlari, temir yo‘l xo‘jaligi, ishlab chiqarish hududlari va texnik qurilmalar holati ko‘zdan kechirildi.

Shuningdek, hududlarni obodonlashtirish, sanitariya holatini yaxshilash, xavfsizlik talablariga rioya etilishi hamda bahorgi mavsumga tayyorgarlik ishlari yuzasidan mas’ullarga tegishli ko‘rsatmalar berildi.

Aniqlangan kamchiliklarni bartaraf etish va bahorgi ko‘rikni yuqori saviyada tashkil etish bo‘yicha aniq vazifalar belgilab olindi.