Temir yo‘l izlarida xavfsizlik va ozodalik – e’tibor markazida

​Qoʻqon mintaqaviy temir yoʻl uzeli filiali boshligʻi B.P.Milladjanov boshchiligida navbatdagi harakat xavfsizligi kunida hududdagi korxona, tashkilotlar hamda stansiyalar faoliyati atroflicha oʻrganildi.

​Jumladan, Qoʻqon stansiyasi atrofi, unga tutash xoʻjalik hududlari, temir yoʻl izlari boʻylari hamda vokzallar atrofidagi holat koʻzdan kechirildi. Oʻrganish davomida poyezdlar harakati xavfsizligiga taʼsir koʻrsatishi mumkin boʻlgan omillar qatʼiy nazoratga olindi.

​Tekshiruv davomida masʼullarga quyidagi vazifalar yuklatildi:

- ​Temir yoʻl muhofaza zonalari va yoqalarini ortiqcha jismlar, chiqindilar hamda keraksiz buyumlardan tozalash;

- ​Hududlarning estetik qiyofasini yaxshilash va obodonlashtirish ishlarini tizimli tashkil etish;

- ​Belgilangan sanitariya va xavfsizlik qoidalariga qatʼiy rioya etilishini taʼminlash.

​Harakat xavfsizligi – eng ustuvor vazifa. Bu nazorat tadbirlari barcha stansiya va korxonalarda izchil davom etadi.

Harakat xavfsizligi kunida togʻli hududlardagi stansiyalarda nazorat tekshiruvi

Bugun Qoʻqon mintaqaviy temir yoʻl uzeli filiali boshligʻi oʻrinbosari Sh.M.Komiljonov boshchiligida togʻli hududlarda joylashgan Koʻl va Orzu stansiyalarida nazorat-tekshiruv tadbirlari oʻtkazildi.

Tekshiruv jarayonida:

- Stansiya navbatchilari bilan yaqindan muloqot qilinib, ularning oʻz vazifalariga masʼuliyat bilan yondashishi, texnik xonalarning qishki mavsumga tayyorgarligi hamda isitish qozonxonalarining ishlash holati koʻzdan kechirildi.

- Harakat xavfsizligini taʼminlash maqsadida temir yoʻl izlari, strelkali oʻtkazgichlar va boshqa muhim texnik jihozlarning holati chuqur oʻrganildi.

- Aniqlangan kamchiliklarni bartaraf etish boʻyicha masʼullarga tegishli koʻrsatmalar berilib, bajarish uchun aniq muddatlar belgilandi.

Temir yoʻlda harakat xavfsizligi – doim eng asosiy ustuvor vazifa boʻlib qoladi!

Qo‘qon MTU filialida "Rahbar va yoshlar" uchrashuvi bo‘lib o‘tdi!

Bugun Qo‘qon mintaqaviy temir yo‘l uzeli filialida yosh xodimlar va uzel rahbariyati o‘rtasida ochiq va samimiy muloqot o‘tkazildi.
Tadbirga uzel bosh muhandisi U.R.Majidov hamda uzel boshlig‘i o‘rinbosari Sh.M.Komiljonov raislik qildilar.

Uchrashuvda sohada amalga oshirilayotgan mega loyihalar, infratuzilmani modernizatsiya qilish hamda yosh mutaxassislarga yaratib berilayotgan keng imkoniyatlar va sharoitlar alohida e’tirof etildi. Temir yo‘lning ertangi kuni aynan bilimli, tashabbuskor va g‘ayratli yoshlar qo‘lida ekani ta’kidlandi.

Muloqot yakunida o‘zining faolligi va sohadagi natijalari bilan ajralib turgan bir guruh yoshlar munosib taqdirlandilar.

Yoshlarimiz – temir yo‘l tizimi kelajagi va tayanchi!

Qoʻqon–Qaqir peregonida temir yoʻl infratuzilmasi piyoda koʻzdan kechirildi

Qoʻqon mintaqaviy temir yoʻl uzeli bosh muhandisi U.R.Majidov boshchiligida Qoʻqon–Qaqir peregonida temir yoʻl xoʻjaligi obyektlari piyoda yurib toʻliq koʻzdan kechirildi.
Oʻrganish davomida PCH, ShCH, ECH va TCh korxona rahbarlari ishtirokida “Dolzarb 60 kunlik” doirasidagi vazifalar ijrosi qatʼiy nazoratga olindi.

Jumladan:

- Yoʻl xoʻjaligi, avtomatika, elektr taʼminoti va vagonsozlik yoʻnalishlarida harakat xavfsizligini taʼminlash boʻyicha dolzarb masalalar koʻrib chiqildi

-  Mehnat muhofazasi, sanoat va elektr xavfsizligi talablariga qatʼiy rioya etilishi alohida nazoratga olindi.

- Aniqlangan kamchiliklarni tezkorlik bilan bartaraf etish boʻyicha masʼul rahbarlarga aniq topshiriqlar berilib, qatʼiy bajarish muddatlari belgilandi.

Temir yoʻl izlari va infratuzilmasida xavfsizlikni taʼminlash borasidagi bu kabi nazorat tadbirlari davom ettirilmoqda.

Qoʻqon stansiyasida ko‘rgazmali Komission oylik ko‘rigi o‘tkazildi

Bugun, 2026-yil 9-sentyabr kuni harakat xavfsizligini ta’minlash, infratuzilmani yanada yaxshilash hamda mehnat muhofazasi talablariga qat’iy rioya etilishini ta’minlash maqsadida Qo‘qon stansiyasida Qo‘qon mintaqaviy temir yo‘l uzeli boshlig‘i o‘rinbosari SH.M.Komiljonov boshchiligida o‘tkazilgan ko‘rgazmali komission oylik ko‘rigida stansiya boshliqlari va korxonalarning birinchi rahbarlari shaxsan ishtirok etdilar.

Ko‘rik davomida quyidagi ustuvor yo‘nalishlar atroflicha o‘rganildi:

- Temiryo‘l izlari, xo‘jalik obyektlari va mavjud texnik vositalarning qishki mavsumga hamda kunlik talablarga tayyorgarligi.

- Poyezdlar harakati xavfsizligini ta’minlash bo‘yicha belgilangan qoidalarga og‘ishmay amal qilinishi.

- Ishlab chiqarish jarayonlaridagi tartib-intizom, xodimlarning o‘z vazifalariga mas’uliyat bilan yondashishi

Tadbir yakunida tegishli chora-tadbirlar belgilab olindi.