"Temiryo‘linfratuzilma" AJ boshqaruv raisi S.A. Norqabilovning 2025-yil 18-martdagi №232-JDS buyrug‘i ijrosi doirasida "Qo‘qon MTU" filiali bosh muhandisi v.b. B.D.Tirkashev boshchiligida Qo‘qon–Suvonobod uchastkasida tekshiruv ishlari olib borildi.

Jarayonda uchastkadagi ishlar holati, poyezdlar harakat xavfsizligi, infratuzilma va inshootlarning texnik hamda estetik holati ko‘zdan kechirildi, qishki mavsumga tayyorgarlik darajasi baholandi.

Ko‘rik yakunida aniqlangan kamchiliklar bo‘yicha zarur chora-tadbirlar belgilandi va barcha topshiriqlar o‘z vaqtida bajarilishi yuzasidan kerakli tavsiyalar berildi

🚆 Harakat xavfsizligi — doimiy e’tiborda!

Qo‘qon MTU filiali bosh muhandisi v.b. B.D.Tirkashev hamda Namangan mintaqasi bo‘yicha MTU boshlig‘i o‘rinbosari – Namangan stansiyasi boshlig‘i H.Soliyev ishtirokida Pop-1, Chust va To‘raqo‘rg‘on stansiyalarida Harakat xavfsizligi kuni doirasida tekshiruv ishlari olib borildi.

Tekshiruv davomida temiryo‘l infratuzilmalari holati o‘rganilib, xavfsizlik talablari va me’yorlariga rioya etilishi yuzasidan sinchkov nazorat o‘tkazildi. Aniqlangan kamchiliklarni bartaraf etish bo‘yicha mas’ullarga tegishli topshiriqlar berildi.

Mazkur nazorat tadbirlari harakat xavfsizligini ta’minlash, avariyaviy holatlarning oldini olish hamda temiryo‘l infratuzilmasining ishonchliligini oshirishga xizmat qiladi.

Prezident Administratsiyasi topshirigʻiga asosan joylarda olib borilayotgan ishlar nazorat qilinmoqda

Bugun Farg‘ona viloyati Furqat tumani Eski qishloq hududidagi bir qator ijtimoiy soha muassasalarida amalga oshirilayotgan ta’mirlash ishlari o‘rganildi.

Xususan, 26-sonli “Bolalar maktabgacha ta’lim tashkiloti”, 16-sonli umumta’lim maktabi hamda 67-sonli oilaviy poliklinikada Qo‘qon MTU filiali xodimlari tomonidan olib borilayotgan ta’mirlash jarayonlari holati joyida ko‘zdan kechirildi.

O‘rganish jarayonida qurilish va ta’mirlash ishlari sifati, belgilangan muddatlarga rioya etilishi, bolalar va aholi uchun yaratilayotgan sharoitlar hamda xavfsizlik talablari alohida e’tiborga olindi.

Shuningdek, tashrif davomida 26-sonli MTT tarbiyalanuvchilariga esdalik sovg‘alari topshirildi, bu esa kichkintoylarda quvonch va ko‘tarinki kayfiyat uyg‘otdi.