Bugun Harakat xavfsizligi va mehnat muhofazasi nazorati departamenti boshligʻi oʻrinbosari F.I. Maqsudxadjayev, Qoʻqon MTU boʻyicha bosh noziri A. Toshmatov hamda Qoʻqon MTU filiali bosh muhandisi v.b. B.D. Tirkashev Chodak stansiyasida boʻlib, bir qator muhim tadbirlarni amalga oshirishdi.
Tekshiruv doirasida:
- Chodak stansiyasida joylashgan tiklash poyezdi maʼsul xodimlari va ularning ish joylari bilan yaqindan tanishib chiqildi va chuqur tekshiruv oʻtkazildi.
- Stansiyaning vagon kuzatuvchilari va yoʻl xoʻjaligi ishchi xodimlari bilan bevosita suhbatlar oʻtkazilib, ularning ish sharoitlari atroflicha oʻrganildi.
- Qoʻqon tiklash poyezdi hududida ham xavfsizlik va tartib yuzasidan nazorat ishlari olib borildi.
Ish sharoitlarini yaxshilash va xavfsizlik choralarini kuchaytirishga qaratilgan ushbu tekshiruvlar temir yoʻl transportida harakat xavfsizligini taʼminlashda muhim ahamiyat kasb etadi.

Bugun Qoʻqon MTU filiali boshligʻi B.P.Milladjanov tomonidan Harakat xavfsizligi kuni doirasida Ohunboboyev stansiyasida keng qamrovli va chuqur tekshiruvlar oʻtkazildi.
Tekshiruvlar temir yoʻl transporti xavfsizligini taʼminlovchi barcha asosiy sohalarni qamrab oldi:
Temir yoʻl izlarining, relslar, shpallar, taglik qismining texnik holati, strelkali oʻtkazmalarning sozligi va yoʻlchilarni tashish xavfsizligiga tayyorgarlik;
Kontakt tarmogʻi va yuqori kuchlanishli uskunalar holati;
Stansiyalararo va stansiya ichidagi signallashtirish, markazlashtirish va blokirovka tizimlarining toʻgʻri ishlashi.

B.P.Milladjanov mas’ul xodimlar bilan bevosita suhbatlashib, ularning ish sharoitlari va muammolarini oʻrgandi. Ish jarayonlarida yuqori masʼuliyat, texnologik intizomga qatʼiy rioya etish va harakat xavfsizligini soʻzsiz taʼminlash boʻyicha qat'iy koʻrsatmalar berib oʻtildi.

12/13-noyabr 2025-yil kechasi "Oʻzbekiston temir yoʻllari" AJ bosh muhandisi Sh.T. Qodirov tomonidan tasdiqlangan yopiq ish rejasiga muvofiq, Qoʻqon MTU bosh muhandisi B.D.Tirkashev hamda MTUTBI I.M.Asqarov tomonidan Oxunboboyev va Margʻilon stansiyalari, shuningdek Margʻilon aylanma deposida tungi tekshiruv oʻtkazildi.

Tekshiruv davomida harakat xavfsizligini taʼminlash, texnik meʼyorlarga rioya etilishi, mehnat muhofazasi va ishlab chiqarish intizomi holati chuqur oʻrganildi. Aniqlangan kamchiliklar yuzasidan masʼul xodimlarga tegishli koʻrsatmalar berilib, ularni qisqa muddatda bartaraf etish choralari belgilandi.

🔹 Mazkur tekshiruvlar temir yoʻl tarmoqlarida xavfsizlik darajasini yanada oshirish, xodimlarning masʼuliyatini kuchaytirish va ishlab chiqarish jarayonlarining uzluksizligini taʼminlashga qaratilgan.