Joriy yilning 29-avgust kuni “Oʻzbekiston temir yoʻllari” AJ boshqaruv raisi Z.G’. Narzullayev tomonidan tasdiqlangan “Rahbar va yoshlar uchrashuvlari rejasi” hamda boshqaruv raisi o‘rinbosari J.Z. Yusupov tomonidan 2025-yil 10-yanvarda tasdiqlangan “Profilaktik davra suhbatlari” jadvaliga asosan, 2025-yilda yoshlarga oid davlat siyosatini samarali amalga oshirish maqsadida joriy yilning 24-noyabr kuni “Qo‘qon MTU” filialida “Rahbar va yoshlar” uchrashuvi o‘tkazildi. Tadbirda filial va tarkibiy korxonalarda faoliyat yuritayotgan yoshlarning takliflari, tashabbuslari hamda muammolari o‘rganildi. Uchrashuv Uzel bosh muhandisi v.b. B.D. Tirkashev rahbarligida hamda Farg‘ona viloyati Transportda xavfsizlikni ta’minlash boshqarmasi xodimlari ishtirokida o‘tkazilib, “Ommaviy madaniyat”, “Terrorizm va diniy ekstremizm”, “Odam savdosi”, “Giyohvandlik”, “Xavfsiz hudud” mavzularida profilaktik suhbatlar tashkil etildi. Uchrashuv ochiq muloqot tarzida o‘tdi.

Bugun, Harakat xavfsizligi kuni doirasida, Qoʻqon mintaqaviy temir yoʻl uzeli boshligʻi B.P.Milladjanov tomonidan togʻ uchastkalari, Orzu stansiyasi va strategik ahamiyatga ega Qamchiq tunnelida tekshirish ishlari olib borildi.
Xodimlar bilan joylarda suhbatlashib, ish sifati va meʼyorlarga rioya etilishi nazorat qilindi.
Texnika va uskunalardan foydalanish: Maxsus taʼmirlash texnikalari  yordamida olib borilayotgan ishlar, shuningdek, kontakt tarmogʻini sozlash ishlari nazoratga olindi.
Qamchiq tunnelining kirish qismi va yoʻl xavfsizligini taʼminlashga xizmat qiluvchi boshqa infratuzilma obʼyektlari, jumladan, qoʻriqlash postlari va hududlaridagi holatlar tekshirildi.
B.P.Milladjanov soʻzlariga koʻra, yoʻlovchilar va yuklarning xavfsiz harakatini taʼminlash — temir yoʻl sohasidagi asosiy ustuvor vazifa boʻlib qoladi. Tekshirish natijalariga koʻra, aniqlangan kamchiliklar zudlik bilan bartaraf etilishi va harakat xavfsizligi talablari qatʼiy bajarilishi boʻyicha masʼullarga tegishli topshiriqlar berildi.