Qo‘qon MTU filialida texnik holat va xavfsizlik talablari bo‘yicha keng qamrovli ko‘rik

Bugun “O‘zbekiston temir yo‘llari” AJ Harakat xavfsizligi va mehnat muhofazasi nazorati departamenti boshligi A.O.Sharifbayev, shuningdek Qo‘qon MTU filiali bosh muhandisi v.b. B.D.Tirkashev, Harakat xavfsizligi va mehnat muhofazasi nazorati departamentining Qo‘qon MTU filiali bo‘yicha bosh noziri A.I.Toshmatov va korxona rahbarlari ishtirokida reja asosidagi texnik nazorat ko‘rigi o‘tkazildi.

Ko‘rik davomida Qo‘qon, Qaqir, Furqat, Oltiariq, Marg‘ilon, Farg‘ona-2, Kirgili va Quvasoy stansiyalarida texnik jarayonlar, harakat xavfsizligi talablari hamda mehnat muhofazasi qoidalariga rioya etilishi o‘rganildi.

Jarayon yakunida aniqlangan masalalar bo‘yicha tegishli topshiriqlar berilib, tizim samaradorligini oshirish yuzasidan ko‘rsatmalar taqdim etildi.

Andijonda texnik ko‘rik va nazorat jarayonlari davom etmoqda

“O‘zbekiston temir yo‘llari” AJ Harakat xavfsizligi va mehnat muhofazasi nazorati departamenti boshligi A.O.Sharifbayev, shuningdek Qo‘qon MTU filiali boshlig‘i B.P.Milladjanov boshchiligida Andijon uchaskalarida texnik ko‘rik va nazorat ishlari izchil davom ettirilmoqda.

Jarayon davomida uchaskalarning temir yo‘l infratuzilmasi, harakat xavfsizligi talablari, mehnat muhofazasi qoidalariga rioya etilishi, mavjud kamchiliklar va ularni bartaraf etish choralarining bajarilishi o‘rganildi.

Ko‘rik yakunida tegishli topshiriqlar berilib, harakat xavfsizligining uzluksiz ta’minlanishi bo‘yicha zarur choralar belgilandi.

Qo‘qon MTU filialida texnik holat va xavfsizlik talablari bo‘yicha keng qamrovli ko‘rik davom etmoqda

Bugun “O‘zbekiston temir yo‘llari” AJ Harakat xavfsizligi va mehnat muhofazasi nazorati departamenti boshlig’i A.O.Sharifbayev, Qo‘qon MTU filiali bosh muhandisi B.D.Tirkashev, Harakat xavfsizligi va mehnat muhofazasi nazorati departamentining Qo‘qon MTU filiali bo‘yicha bosh noziri A.I.Toshmatov va korxona rahbari ishtirokida texnik nazorat ko‘rigi o‘tkazildi.
Ko‘rik davomida Oxunboboyev, Asaka, Axtachi, Andijon-1, Jalaquduq va Savay stansiyalarida harakat xavfsizligini ta’minlash bo‘yicha muhim jarayonlar, signalizatsiya va aloqa tizimlarining ishonchliligi, poyezdlar harakatini boshqarish intizomi, temir yo‘l qurilmalarining sozligi hamda xodimlarning xavfsizlik bo‘yicha amaliy tayyorgarligi batafsil o‘rganildi. Shuningdek, avariyaviy holatlarning oldini olish, profilaktik chora-tadbirlarni kuchaytirish va mavjud kamchiliklarni qisqa muddatda bartaraf etish yuzasidan tegishli topshiriqlar berildi.

“O‘zbekiston temir yo‘llari” AJ bosh muhandisi Sh.T. Qodirovning 2025-yil 6-dekabrda chiqarilgan 750-NZ sonli buyrug‘iga muvofiq, 9–11 dekabr kunlari o‘tkazilgan “Xavfsizlik kuni” doirasida “Temiyo‘linfratuzilma” AJ “Qo‘qon MTU” filiali hududidagi korxonalarda Temiryo‘l sanoat xavfsizligi inspeksiyasi boshlig‘i M.T. Talipov boshchiligida filial rahbariyati va mutaxassislar ishtirokida mehnat muhofazasi hamda sanoat xavfsizligi holati o‘rganildi.

Tekshiruv davomida ishchilar uchun yaratilgan sharoitlar, “Kuz–Qish” mavsumiga tayyorgarlik, isitish qozonxonalarining holati ko‘rib chiqildi. Yakunda M.T. Talipov boshchiligidagi muhokama yig‘ilishida xavfsizlik jarayonlarini raqamlashtirish, baxtsiz hodisalarning oldini olish, 2026-yil uchun mehnat muhofazasini takomillashtirish dasturlari, KPI tizimini joriy etish hamda aniqlangan kamchiliklarni bartaraf etish bo‘yicha topshiriqlar berildi.