Harakat xavfsizligi — doimiy nazoratda!

Bugun, haftaning chorshanba — "Harakat xavfsizligi kuni" munosabati bilan Qo‘qon mintaqaviy temir yo‘l uzeli filiali boshlig‘ining o‘rinbosari Q.B.Ahmadjonov boshchiligidagi ishchi guruh tomonidan Namangan va Rouston stansiyalarida navbatdagi ko‘rik-tekshirish ishlari o‘tkazildi.
Tekshiruv davomida asosiy e’tibor quyidagi jihatlarga qaratildi:
- Stansiya hududidagi poyezdlar harakati xavfsizligini ta’minlovchi qurilmalar texnik holati ko‘zdan kechirildi.
- Navbatchi xodimlar tomonidan harakat xavfsizligiga oid jurnallarning yuritilishi, buyruq va ko‘rsatmalarning o‘z vaqtida qayd etilishi hamda me’yoriy hujjatlarning talab darajasida ekanligi tahlil qilindi.
- Mehnat muhofazasi va texnika xavfsizligi qoidalariga amal qilish bo‘yicha xodimlar bilan yuzma-yuz suhbatlar o‘tkazilib, ularning bilim va ko‘nikmalari sinovdan o‘tkazildi.
- Raqamlashtirish boʻyicha KMO, Tezkor Telegraf tizimlarining toʻgʻri yuritilishi tekshirildi.

Yoshlar bilan bevosita muloqot va nazorat ishlari olib borildi

2026-yil 8-yanvardagi 8-NZ-sonli buyruq ijrosini ta’minlash maqsadida, “O‘zbekiston temir yo‘llari” AJ tizimida yoshlarga oid davlat siyosatini samarali amalga oshirish.
Mazkur buyruqqa asosan “O‘zbekiston temir yo‘llari” AJ Yetakchilar kengashi raisi A.A. Umaraliyev 8– yanvar kuni“Temiryo‘linfratuzilma” AJ Qo‘qon MTU filialida xizmat safarida bo‘lib, temiryo‘lchi yoshlarning ijtimoiy-iqtisodiy muammolarini o‘rganish, ularni tahlil qilish, iqtidorli yoshlarni qo‘llab-quvvatlash hamda kadrlar zahirasini shakllantirish yo‘nalishida bevosita muloqotlar o‘tkazdi.

Uchrashuv va o‘rganish jarayonlarida Qo‘qon MTU filiali bosh muhandisi v.b. B.D. Tirkashev ham ishtirok etib, yoshlar bilan ochiq muloqot olib bordi hamda ularning taklif va muammolarini tingladi.

Xizmat safari davomida Qo‘qon MTU filiali Yetakchilar kengashi raisi lavozimiga saylov o‘tkazildi, yoshlar tomonidan nomzodlar muhokama qilindi va belgilangan tartibda yetakchi saylandi.