Yuk poyezdlari almashuvini kengaytirish va infratuzilmani rivojlantirish bo‘yicha taqdimot bo'lib o'tdi.

Joriy yilning 20-yanvar kuni “O‘zbekiston temir yo‘llari” AJ boshqaruvi raisi Z.G‘. Narzullayevga tegishli rahbarlar ishtirokida Qozog‘iston Respublikasidan yuk poyezdlarini uzluksiz qabul qilish-jo‘natish va infratuzilmani rivojlantirish bo‘yicha taqdimot o‘tkazildi.

Taqdimot davomida chegara va yirik temir yo‘l stansiyalarida temir yo‘l izlarini uzaytirish, infratuzilmani rivojlantirish, poyezdlarni qabul qilish va jo‘natish imkoniyatlarini kengaytirish, manyovr ishlarini takomillashtirish, elektrlashtirish hamda malakali kadrlar bilan ta’minlash masalalari muhokama qilindi.

Mazkur chora-tadbirlar yuk poyezdlari harakatini jadallashtirish, tranzit salohiyatini oshirish hamda temir yo‘l infratuzilmasini yanada rivojlantirish va mustahkamlashga qaratilgan.

Shuningdek, taqdimot yakunida “DAS UTY” MCHJ tomonidan ishlab chiqilayotgan “Aqlli temir yo‘l kesishmasi” axborot tizimining ishlash jarayoni namoyish etilib, chora-tadbirlarning o‘z vaqtida va sifatli amalga oshirilishini ta’minlash yuzasidan “O‘zbekiston temir yo‘llari” AJ boshqaruvi raisi tomonidan tegishli topshiriq va ko‘rsatmalar berildi.

Harakat xavfsizligi — doimiy nazoratda!
Qo‘qon MTU filiali boshlig‘i B.P.Milladjanov boshchiligidagi ishchi guruh tomonidan "Ko‘l" stansiyasida harakat xavfsizligini ta’minlash holati bo‘yicha navbatdan tashqari tekshiruv o‘tkazildi.
Tekshiruv davomida asosiy e’tibor quyidagi masalalarga qaratildi:
Stansiya navbatchilari bilan yuzaga kelishi mumkin bo‘lgan nostandart vaziyatlarda harakat qilish tartibi bo‘yicha savol-javob o‘tkazildi.
Stansiyada yangi o‘rnatilgan MPS (Mikroprotsessorli markazlashtirish) tizimining ishlash holati, uning texnik sozligi va xodimlarning tizim bilan ishlash darajasi atroflicha ko‘zdan kechirildi.
Temir yo‘l liniyalarida olib borilayotgan joriy ta’mirlash va saqlash ishlari, strelkali o‘tkazgichlarning holati nazorat qilindi.
Uchrashuv yakunida aniqlangan kamchiliklarni bartaraf etish va poyezdlar harakati xavfsizligini yanada kuchaytirish bo‘yicha mas’ullarga tegishli ko‘rsatmalar berildi.
Xavfsizlik — eng oliy maqsadimiz!

“Temiryo‘linfratuzilma” AJ boshqaruv raisi S.A. Norqabilovning topshirig‘iga asosan Qo‘qon MTU filiali bosh muhandisi B.D. Tirkashev boshchiligida Buvayda–Qo‘qon temir yo‘l uchastkasida temir yo‘l infratuzilmasining texnik holatini o‘rganish va harakat xavfsizligini ta’minlash maqsadida tekshiruv ishlari olib borildi.

Tekshiruv jarayonida temir yo‘l holati joyida piyoda yurib ko‘zdan kechirildi, relslar, yo‘l ustki va ostki qurilmalari hamda harakat xavfsizligiga taalluqli masalalar batafsil tahlil qilindi. Aniqlangan kamchiliklar yuzasidan mas’ullarga tegishli ko‘rsatmalar berilib, ularni bartaraf etish bo‘yicha aniq vazifalar belgilandi.

Mazkur tekshiruv temir yo‘l uchastkasining texnik holatini yaxshilash hamda harakat xavfsizligini yanada mustahkamlashga xizmat qiladi.