Harakat xavfsizligi doirasida navbatdagi tekshiruv

Harakat xavfsizligini ta’minlash maqsadida Qo‘qon MTU filiali boshligi B.P. Milladjanov boshchiligida Qirg’ili stansiyasida navbatdagi tekshiruv o‘tkazildi.

Tekshiruv jarayonida temir yo‘llarning texnik holati, harakat xavfsizligiga oid talablarning bajarilishi hamda stansiya hududidagi infratuzilma obyektlari atroflicha ko‘zdan kechirildi. Shuningdek, harakat jarayonida xavfsizlikni ta’minlash bilan bog‘liq masalalar o‘rganilib, mavjud holat yuzasidan tahlillar olib borildi.

Aniqlangan kamchiliklarni bartaraf etish, temir yo‘l xo‘jaligini soz holatda saqlash hamda harakat xavfsizligini yanada mustahkamlash bo‘yicha mas’ullarga tegishli ko‘rsatmalar berildi.

Tekshiruv yakunida xavfsizlik talablariga qat’iy rioya etish va profilaktik nazorat ishlarini doimiy ravishda olib borish zarurligi alohida ta’kidlandi.

Harakat xavfsizligini ta’minlash – ustuvor vazifa

Harakat xavfsizligi kuni munosabati bilan Qo‘qon MTU filiali bosh muhandisi v.b. B.D. Tirkashev boshchiligida Qo‘qon lokomotiv deposida navbatdagi yig‘ilish bo‘lib o‘tdi.

Yig‘ilish davomida temir yo‘l transportida harakat xavfsizligini ta’minlash, mehnat intizomiga rioya qilish hamda ishlab chiqarish jarayonida xavfsizlik talablarini kuchaytirish masalalariga alohida e’tibor qaratildi. Lokomotiv brigadalari va mas’ul xodimlar bilan ochiq muloqot tarzida savol-javoblar o‘tkazilib, mavjud muammolar va ularning yechimlari muhokama qilindi.

Shuningdek: NG Sh.T.Qodirovning 2025 yil 28 yanvar kungi 74 sonli telegrammasi va Boshqaruv raisining 2026 yil 30 yanvar kungi 49-N sonli buyruqlari bo‘yicha tushuntirish ishlari olib borildi.
Yig‘ilish yakunida harakat xavfsizligini, mehnat muhofazasini yanada mustahkamlash, profilaktik tadbirlarni tizimli olib borish hamda xavfsiz va barqaror ish faoliyatini ta’minlash bo‘yicha vazifalar belgilab olindi.

Qo‘qon mintaqaviy temir yo‘l uzeli filiali boshlig‘i B.P.Milladjanov boshchiligida “Andijon-1” stansiyasida navbatdagi “Harakat xavfsizligi kuni” tadbiri o‘tkazildi.
Yig‘ilishda Andijon mintaqasi hududidagi barcha stansiya va korxona rahbarlari, mas’ul xodimlar ishtirok etishdi.
Hududdagi poyezdlar harakati xavfsizligini ta’minlash borasidagi ishlar holati ko‘rib chiqildi. “Andijon-1” stansiyasi ustidan o‘tuvchi yangi avtomobil yo‘li ko‘prigi qurilish ob’ektida xavfsizlik talablariga rioya etilishi ko‘zdan kechirildi.
Qurilish jarayonida poyezdlar qatnoviga xalaqit bermaslik va ishchi-xodimlarning texnika xavfsizligini qat’iy ta’minlash bo‘yicha aniq ko‘rsatmalar berildi.

Telegram | Instagram