Harakat xavfsizligini ta’minlash – ustuvor vazifa

Harakat xavfsizligi kuni munosabati bilan Qo‘qon MTU filiali bosh muhandisi v.b. B.D. Tirkashev boshchiligida Qo‘qon lokomotiv deposida navbatdagi yig‘ilish bo‘lib o‘tdi.

Yig‘ilish davomida temir yo‘l transportida harakat xavfsizligini ta’minlash, mehnat intizomiga rioya qilish hamda ishlab chiqarish jarayonida xavfsizlik talablarini kuchaytirish masalalariga alohida e’tibor qaratildi. Lokomotiv brigadalari va mas’ul xodimlar bilan ochiq muloqot tarzida savol-javoblar o‘tkazilib, mavjud muammolar va ularning yechimlari muhokama qilindi.

Shuningdek: NG Sh.T.Qodirovning 2025 yil 28 yanvar kungi 74 sonli telegrammasi va Boshqaruv raisining 2026 yil 30 yanvar kungi 49-N sonli buyruqlari bo‘yicha tushuntirish ishlari olib borildi.
Yig‘ilish yakunida harakat xavfsizligini, mehnat muhofazasini yanada mustahkamlash, profilaktik tadbirlarni tizimli olib borish hamda xavfsiz va barqaror ish faoliyatini ta’minlash bo‘yicha vazifalar belgilab olindi.

Qo‘qon mintaqaviy temir yo‘l uzeli filiali boshlig‘i B.P.Milladjanov boshchiligida “Andijon-1” stansiyasida navbatdagi “Harakat xavfsizligi kuni” tadbiri o‘tkazildi.
Yig‘ilishda Andijon mintaqasi hududidagi barcha stansiya va korxona rahbarlari, mas’ul xodimlar ishtirok etishdi.
Hududdagi poyezdlar harakati xavfsizligini ta’minlash borasidagi ishlar holati ko‘rib chiqildi. “Andijon-1” stansiyasi ustidan o‘tuvchi yangi avtomobil yo‘li ko‘prigi qurilish ob’ektida xavfsizlik talablariga rioya etilishi ko‘zdan kechirildi.
Qurilish jarayonida poyezdlar qatnoviga xalaqit bermaslik va ishchi-xodimlarning texnika xavfsizligini qat’iy ta’minlash bo‘yicha aniq ko‘rsatmalar berildi.

Telegram | Instagram

Harakat xavfsizligi va mehnat muhofazasi masalalari muhokama qilindi

Harakat xavfsizligi va mehnat muhofazasi nazorati departamenti boshlig‘i o‘rinbosari — Temir yo‘l sanoat xavfsizligi inspeksiyasi boshlig‘i M.T.Talipov, “Qo‘qon MTU” filiali bosh muhandisi v.b. B.D.Tirkashev hamda korxona rahbarlari ishtirokida 2026-yil 11-fevral kuni muhokama yig‘ilishi o‘tkazildi.
Muhokama davomida O‘zbekiston Respublikasi Vazirlar Mahkamasining 819-son qarori ijrosini ta’minlash, mehnat muhofazasi va sanoat xavfsizligi holatini yaxshilash, ishlab chiqarish bilan bog‘liq baxtsiz hodisalarning oldini olish masalalari ko‘rib chiqildi.
Shuningdek, uzel bo‘yicha 2025-yilda amalga oshirilgan ishlar tahlil qilinib, 2026-yil uchun belgilangan ustuvor vazifalar va rejalashtirilgan chora-tadbirlar aniq belgilab olindi.
Bundan tashqari, “Qo‘qon MTU” filiali tarkibidagi korxonalarda mehnat muhofazasi bo‘yicha olib borilayotgan ishlar joyiga chiqib ko‘zdan kechirildi hamda mutasaddilarga tegishli ko‘rsatmalar berildi.