“Qo'qon mintaqaviy temir yo‘l uzeli” filiali boshlig‘i B.P. Milladjanovning 2026-yil 2-mart kungi 65-MTU-sonli buyrug‘iga asosan, joriy yilning 11-mart kuni filial rahbariyati va tegishli xodimlardan iborat komissiya a’zolari ishtirokida bahorgi ko‘rik tekshiruvi o‘tkazilmoqda.

Mazkur ko‘rik doirasida filial tarkibidagi Neftchi, Quva, Asaka, Axtachi, Andijon-1, Yangi Andijon, Jalaquduq, Savay  temir yo‘l uchastkasida nazorat tekshiruvlari amalga oshirildi.

Tekshiruv jarayonida stansiyalardagi xo‘jaliklarning holati, mehnat intizomiga rioya qilinishi, inshoot va qurilmalarning soz saqlanishi, ish texnologiyalarining to‘g‘ri bajarilishi holati o‘rganildi. Mehnat muhofazasini ta’minlash, harakat xavfsizligi talablariga rioya etilishi, profilaktik tadbirlarning olib borilishi alohida nazoratga olindi.

Bundan tashqari, lokomotiv, vagon, yo‘l, elektr ta’minoti, va aloqa xo‘jaliklarida mavjud kamchiliklarni aniqlash hamda ularni bartaraf etish bo‘yicha tegishli chora-tadbirlar belgilandi.

Telegram | Instagram

Harakat xavfsizligini ta’minlash–ustuvor vazifa

Harakat xavfsizligi kuni munosabati bilan 11.03.2026y kuni Qo‘qon lokomotiv deposi filiali rahbari Z.X.Abdullayev, depo bosh muhandisi B.Y.Karimov , ekspluatatsiya boʻyicha boshliq oʻrinbosari v.b. S.I.Urunovlar boshchiligida Qo‘qon lokomotiv deposida navbatdagi yig‘ilish bo‘lib o‘tdi.

Yig‘ilish davomida temir yo‘l transportida harakat xavfsizligini ta’minlash, mehnat intizomiga rioya qilish hamda ishlab chiqarish jarayonida xavfsizlik talablarini kuchaytirish masalasiga alohida e’tibor qaratildi. Lokomotiv brigadalari va mas’ul xodimlar bilan ochiq savol-javoblar o‘tkazilib, mavjud muammolar va ularning yechimlari muhokama qilindi.

Shuningdek: Sh.T.Qodirovning 2025-yil 28-yanvar kungi 74-sonli telegrammasi va boshqaruv raisining 2026-yil 30-yanvar kungi 49-N sonli buyrugʻi bo‘yicha tushuntirish ishlari olib borildi.

Yig‘ilish yakunida harakat xavfsizligini mustahkamlash va barqaror ish faoliyatini ta’minlash bo‘yicha vazifalar belgilab olindi.

Bugun Qo‘qon MTU filiali boshlig‘i o‘rinbosari Q.B. Ahmadjonov boshchiligida Andijon mintaqasida importyor va eksportyorlar bilan uchrashuv bo‘lib o‘tdi.

Uchrashuv davomida O‘zbekiston Respublikasi Prezidentining 329-sonli qarori ijrosi doirasida yuk tashish jarayonlarini yanada samarali tashkil etish, xususan vagonlarni yuk ortish uchun ta’minlash masalalari muhokama qilindi.

Tadbir davomida tadbirkorlar bilan ochiq muloqot o‘tkazilib, ularning fikr-mulohazalari tinglandi hamda mavjud masalalar yuzasidan tegishli tushuntirishlar berildi.

Bunday uchrashuvlar transport-logistika sohasida hamkorlikni mustahkamlash va yuk tashish jarayonlarini yanada takomillashtirishga xizmat qilmoqda.

Telegram | Instagram