🚆 Bahorgi ko‘rik davom etmoqda
“Qo‘qon mintaqaviy temir yo‘l uzeli” filiali boshlig‘i B.P. Milladjanovning 2026-yil 2-mart kungi 65-MTU-sonli buyrug‘iga asosan bahorgi ko‘rik ishlari izchil davom ettirilmoqda.
Mazkur ko‘rik doirasida bu gal nazorat tekshiruvlari Rapqon, Yaypan hamda Suvonobod temir yo‘l stansiyalarida amalga oshirildi.
Tekshiruv jarayonida quyidagi masalalar atroflicha o‘rganildi:
🔹 stansiyalardagi xo‘jaliklarning holati
🔹 mehnat intizomiga rioya qilinishi
🔹 inshoot va qurilmalarning soz saqlanishi
🔹 ish texnologiyalarining to‘g‘ri bajarilishi
Shuningdek, mehnat muhofazasi, harakat xavfsizligi talablariga rioya etilishi hamda profilaktik tadbirlarning olib borilishi alohida nazoratga olindi.

Ko‘rik davomida aniqlangan kamchiliklarni bartaraf etish yuzasidan mas’ullarga tegishli ko‘rsatmalar berildi.

Telegram Instagram

TALABA YOSHLAR BILAN UCHRASHUV

Joriy yilning 13-mart kuni Toshkent davlat transport universitetida tahsil olayotgan talaba yoshlar bilan “TEMIRYOʻLINFRATUZILMA” AJ Qoʻqon mintaqaviy temir yo‘l uzeli filiali boshlig‘i Baxtiyor Parpiyevich Milladjanov ishtirokida “Rahbar va yoshlar uchrashuvi” boʻlib oʻtdi.

Mazkur uchrashuv davomida Qoʻqon MTU filialining Respublika temir yo‘l infratuzilmasidagi o‘rni, uning tarkibidagi korxona va tashkilotlarda xodimlar uchun yaratilgan imkoniyatlar haqida batafsil ma’lumot berildi.

B.P.Milladjanov talabalarga temir yo‘l tizimida amalga oshirilayotgan islohotlar, sohadagi texnologik yangilanishlar va kelajakdagi istiqbolli rejalar haqida so‘zlab berdi. Shuningdek, korxona yoshlari tomonidan erishilayotgan yutuqlar, mavjud bo‘sh ish o‘rinlari va ishga qabul jarayonida talab etiladigan asosiy mezonlar muhokama qilindi.

Mehmonlar universitetdagi "Ilg‘or muhandislik maktabi" va zamonaviy o‘quv poligonlari faoliyati bilan yaqindan tanishdilar.

Telegram    Instagram

“Qo'qon mintaqaviy temir yo’l uzeli” filialida umumxalq hashari o‘tkazilmoqda
13–14-mart kunlari mamlakatimiz bo‘ylab keng ko‘lamli umumxalq hashari bo‘lib o‘tdi. Vazirlar Mahkamasining 72-sonli farmoyishiga muvofiq, hasharlar "Yurt obodligi, avvalo, mahalladan boshlanadi!" shiori ostida tashkil etildi.

Qo‘qon MTU filiali jamoasi ham umumxalq hashari jarayonida faol qatnashib, hududlarni yanada obodonlashtirish, ko‘kalamzorlashtirish hamda daraxtlarni oqlash ishlarini amalga oshirdi.

Tadbir davomida bir qator hududlarda tozalash va obodlik ishlari bajarildi. Qo‘qon MTU filiali xodimlari hasharda yakdillik bilan ishtirok etib, atrof-muhitni yanada chiroyli va ozoda qilishga o‘z hissalarini qo‘shdilar.

Bunday ezgu tadbirlar hududlarni obod qilish bilan birga jamoa o‘rtasida hamjihatlik va birdamlikni mustahkamlashga xizmat qiladi.
Telegram Instagram