Qo'qon va Andijon aloqa va signallashtirish masofasida ham korxona binosi va hududida obodonlashtirish, tozalash, ko‘kalamzorlashtirish ishlari davom etmoqda. Xodimlarimiz hashar jarayonida faol ishtirok etmoqdalar.

Bugun mamlakatimiz bo‘ylab “Yurt obodligi, avvalo, mahalladan boshlanadi” shiori ostida umumxalq xayriya hashari keng miqyosda o‘tkazilmoqda.

Ushbu ezgu tashabbusda Farg’ona vodiysi temiryo‘lchilari ham faol qatnashib, o‘zlarining munosib hissalarini qo‘shmoqda.

Jumladan, Qo’qon MTU filiali hamda uning tasarrufidagi barcha korxona va temiryo‘l stansiyalarida xodimlar obodonlashtirish ishlarini uyushqoqlik bilan amalga oshirdilar. Hududlarni tozalash, daraxtlar va bordyurlarni oqlash, atrof-muhitni yanada chiroyli va tartibli qilish, yashil maydonlarni kengaytirish kabi ishlar samarali tashkil etildi.
Mazkur xayriya hashari jamoa a’zolarining faolligi, hamjihatligi va tashabbuskorligini yana bir bor namoyon etib, hududlarimizning yanada obod, fayzli va ko‘rkam bo‘lishiga xizmat qilmoqda.

Telegram    Instagram