Bugun mamlakatimiz bo‘ylab “Yurt obodligi, avvalo, mahalladan boshlanadi” shiori ostida umumxalq xayriya hashari keng miqyosda o‘tkazilmoqda.

Ushbu ezgu tashabbusda Farg’ona vodiysi temiryo‘lchilari ham faol qatnashib, o‘zlarining munosib hissalarini qo‘shmoqda.

Jumladan, Qo’qon MTU filiali hamda uning tasarrufidagi barcha korxona va temiryo‘l stansiyalarida xodimlar obodonlashtirish ishlarini uyushqoqlik bilan amalga oshirdilar. Hududlarni tozalash, daraxtlar va bordyurlarni oqlash, atrof-muhitni yanada chiroyli va tartibli qilish, yashil maydonlarni kengaytirish kabi ishlar samarali tashkil etildi.
Mazkur xayriya hashari jamoa a’zolarining faolligi, hamjihatligi va tashabbuskorligini yana bir bor namoyon etib, hududlarimizning yanada obod, fayzli va ko‘rkam bo‘lishiga xizmat qilmoqda.

Telegram    Instagram

Bugun mamlakatimiz bo‘ylab “Yurt obodligi, avvalo, mahalladan boshlanadi” shiori ostida umumxalq xayriya hashari ko‘tarinki ruhda o‘tkazilmoqda. Ushbu xayrli tashabbusdan — vagon xo‘jaligi xodimlari ham chetda qolgani yo‘q!
Temir yo‘llarimizning “poydevori” bo‘lgan vagon depolarimiz, texnik xizmat ko‘rsatish maskanlari (PTO) va ma’muriy binolarda bugun haqiqiy bayramona kayfiyat hukmron. Zero, ish joyimiz — bizning ikkinchi uyimiz.

QO‘QON MINTAQAVIY TEMIR YO‘L UZELI FILIALIDA "RAHBAR VA YOSHLAR" UCHRASHUVI O‘TKAZILDI

Bugun Qo‘qon mintaqaviy temir yo‘l uzeli filiali bosh muhandisi raisligida yosh temiryo‘lchilar bilan navbatdagi "Rahbar va yoshlar" uchrashuvi bo‘lib o‘tdi.

Ochiq muloqot tarzida tashkil etilgan tadbirda yosh xodimlarning sohani rivojlantirishga qaratilgan takliflari, yangi innovatsion g‘oyalari hamda faoliyat davomida yuzaga kelayotgan masalalar atroflicha muhokama qilindi. Har bir murojaat va tashabbus rahbar tomonidan tinglanib, ularning ijrosi yuzasidan tegishli ko‘rsatmalar berildi.

Tadbir yakunida korxonada samarali mehnat qilib, o‘zining intellektual salohiyati va kreativ g‘oyalari bilan tizim taraqqiyotiga munosib hissa qo‘shayotgan bir guruh tashabbuskor yoshlar uzel rahbariyati tomonidan faxriy yorliq va esdalik sovg‘alari bilan taqdirlandilar.

Ushbu uchrashuv yosh mutaxassislarni har tomonlama qo‘llab-quvvatlash, ularning kasbiy mahoratini oshirish va korporativ ruhni mustahkamlash yo‘lidagi muhim qadamdir.