Bugun mamlakatimiz bo‘ylab “Yurt obodligi, avvalo, mahalladan boshlanadi” shiori ostida umumxalq xayriya hashari ko‘tarinki ruhda o‘tkazilmoqda. Ushbu xayrli tashabbusdan — vagon xo‘jaligi xodimlari ham chetda qolgani yo‘q!
Temir yo‘llarimizning “poydevori” bo‘lgan vagon depolarimiz, texnik xizmat ko‘rsatish maskanlari (PTO) va ma’muriy binolarda bugun haqiqiy bayramona kayfiyat hukmron. Zero, ish joyimiz — bizning ikkinchi uyimiz.

QO‘QON MINTAQAVIY TEMIR YO‘L UZELI FILIALIDA "RAHBAR VA YOSHLAR" UCHRASHUVI O‘TKAZILDI

Bugun Qo‘qon mintaqaviy temir yo‘l uzeli filiali bosh muhandisi raisligida yosh temiryo‘lchilar bilan navbatdagi "Rahbar va yoshlar" uchrashuvi bo‘lib o‘tdi.

Ochiq muloqot tarzida tashkil etilgan tadbirda yosh xodimlarning sohani rivojlantirishga qaratilgan takliflari, yangi innovatsion g‘oyalari hamda faoliyat davomida yuzaga kelayotgan masalalar atroflicha muhokama qilindi. Har bir murojaat va tashabbus rahbar tomonidan tinglanib, ularning ijrosi yuzasidan tegishli ko‘rsatmalar berildi.

Tadbir yakunida korxonada samarali mehnat qilib, o‘zining intellektual salohiyati va kreativ g‘oyalari bilan tizim taraqqiyotiga munosib hissa qo‘shayotgan bir guruh tashabbuskor yoshlar uzel rahbariyati tomonidan faxriy yorliq va esdalik sovg‘alari bilan taqdirlandilar.

Ushbu uchrashuv yosh mutaxassislarni har tomonlama qo‘llab-quvvatlash, ularning kasbiy mahoratini oshirish va korporativ ruhni mustahkamlash yo‘lidagi muhim qadamdir.

Bugun Qoʻqon MTU filiali boshligʻi oʻrinbosari Q.B.Ahmadjonov boshchiligida "Pop-1" stansiyasida va Namangan uchastkasida navbatdagi "Harakat xavfsizligi kuni" doirasida keng qamrovli ko‘rik va profilaktika tadbirlari o‘tkazildi.
- Tadbir davomida  Stansiya hududidagi relslar, strelkali o‘tkazgichlarning holati va texnik sozligi maxsus o‘lchov asboblari yordamida sinchiklab tekshirildi.
- Poezdlar harakati bilan bog‘liq bo‘lgan jurnallar va ish yuritish hujjatlarining to‘g‘ri to‘ldirilishi hamda qoidalarga muvofiqligi ko‘zdan kechirildi.
- Xodimlarning bilim va ko‘nikmalari sinovdan o‘tkazilib, harakat xavfsizligini ta’minlash bo‘yicha qo‘shimcha yo‘l-yo‘riqlar berildi.

Telegram    Instagram