“Qo'qon mintaqaviy temir yo‘l uzeli” filiali boshlig‘i B.P. Milladjanovning 2026-yil 2-mart kungi 65-MTU-sonli buyrug‘iga asosan, joriy yilning 18-mart kuni filial rahbariyati va tegishli xodimlardan iborat komissiya a’zolari ishtirokida bahorgi ko‘rik tekshiruvi o‘tkazilmoqda.

Mazkur ko‘rik doirasida filial tarkibidagi tog'li hudud Angren-Pop temir yo‘l uchastkasida nazorat tekshiruvlari amalga oshirildi.

Tekshiruv jarayonida stansiyalardagi xo‘jaliklarning holati, mehnat intizomiga rioya qilinishi, inshoot va qurilmalarning soz saqlanishi, ish texnologiyalarining to‘g‘ri bajarilishi holati o‘rganildi. Mehnat muhofazasini ta’minlash, harakat xavfsizligi talablariga rioya etilishi, profilaktik tadbirlarning olib borilishi alohida nazoratga olindi.

Bundan tashqari, lokomotiv, vagon, yo‘l, elektr ta’minoti, va aloqa xo‘jaliklarida mavjud kamchiliklarni aniqlash hamda ularni bartaraf etish bo‘yicha tegishli chora-tadbirlar belgilandi.

Telegram    Instagram

Ehtirom va e’zoz: Faxriylarimiz hamisha ardog‘imizda!

Qo‘qon temir yo‘l masofasi filialida Navro‘z va Hayit bayramlari munosabati bilan tantanali tadbir bo‘lib o‘tdi.
Tadbir davomida ko‘p yillar sohada fidokorona mehnat qilgan faxriylarimiz nafaqaga tantanali kuzatildi. Rahbarlar va kasaba uyushmasi tomonidan ustozlarga minnatdorchilik bildirilib, esdalik sovg‘alari topshirildi.

Maqsadimiz: Ko‘p yillik tajriba egalariga hurmat ko‘rsatish va yoshlar uchun mehnat an’analarini davom ettirishdir.

Bayramingiz muborak bo‘lsin, aziz nuroniylar!

Angren – Ko‘l yo‘nalishida yirik modernizatsiya ishlari boshlanmoqda

Bugun "O‘zbekiston temir yo‘llari" AJ hamda "Qo‘qon MTU" filiali rahbariyati va mutaxassislari ishtirokida Angren – Ko‘l bekatlari oralig‘ida rejalashtirilgan muhim texnik tadbirlar joyida o‘rganildi.

Temir yo‘l izlarining loyihaviy egriligini kengaytirish va infratuzilmani modernizatsiya qilish orqali harakat xavfsizligini yanada oshirish yuzasidan tekshiruv ishlari amalga oshirildi.

"O‘zbekiston temir yo‘llari" AJ hamda "Qo‘qon MTU" filiali rahbariyati boshchiligidagi ishchi guruh hududda texnika va ishchi kuchining tayyorgarlik holatini ko‘zdan kechirishdi. 164-yo‘l mashina stansiyasi (PMS-164) va boshqa tegishli korxonalar tomonidan barcha zaruriy moddiy-texnik bazalar shay holatga keltirilgan.

МАРКАЗИЙ АППАРАТДА ЗАМОНАВИЙ ШАРОИТЛАРГА ЭГА СПОРТ ЗАЛИ ОЧИЛДИ
“Ўзбекистон темир йўллари” АЖнинг Ишларни бошқариш дирекциясида янги таъмирланган ва замонавий спорт залининг тантанали очилиш маросими бўлиб ўтди. Бошқарув раиси З.Нарзуллаевнинг ташаббуси билан амалга оширилган ушбу тадбир марказий аппаратда фаолият кўрсатаётган 1500 нафарга яқин темирйўлчилар учун Наврўз байрамига муносиб совға бўлди.
Янги спорт залига замонавий жиҳозлар ўрнатилган бўлиб, бу ерда 25 турдаги спорт анжоми мавжуд. Ҳар бир зал видеокузатув, иситиш ва совитиш тизимлари, ҳаво тозалаш мосламалари билан таъминланган. Спорт залидан ҳар куни соат 9:00 дан 22:00 гача тахминан 250-300 нафар темирйўлчи фойдаланиши кутилмоқда.
Бошқарув раиси Ишларни бошқариш дирекциясининг энергия навбатчилари учун таъмирланиб, замонавий жиҳозланган 6 та хонани кўздан кечирди. Бино ичидаги кутубхона фаолиятини ҳам ўрганиб чиқди.
Бошқарув раиси масъул мутахассисларга ишчи-ходимлар учун қулайликларни янада яхшилашга қаратилган таклиф ва тавсияларини берди.

Angren – Ko‘l yo‘nalishida yirik modernizatsiya ishlariga start berilmoqda.

Farmoyishga ko‘ra, asosiy ishlar quyidagi hududlarni qamrab oladi:
- 9 km PK7 – 10 km PK4 oralig‘i;
- Orzu – Chodak yo‘nalishining 38 km PK6 – 39 km PK1 qismi;
- Chodak – Kon yo‘nalishining 62 km PK1 – 64 km PK5 qismlari.

"Qo‘qon MTU" filiali boshlig‘i B.P. Milladjanov boshchiligidagi ishchi guruh hududda texnika va ishchi kuchining tayyorgarlik holatini ko‘zdan kechirdi. Mazkur yirik loyihaga 164-yo‘l mashina stansiyasi (PMS-164), PCh, ShCh, ECh va EP korxonalarining og‘ir turdagi texnikalari hamda malakali mutaxassislari jalb etilgan.