МАРКАЗИЙ АППАРАТДА ЗАМОНАВИЙ ШАРОИТЛАРГА ЭГА СПОРТ ЗАЛИ ОЧИЛДИ
“Ўзбекистон темир йўллари” АЖнинг Ишларни бошқариш дирекциясида янги таъмирланган ва замонавий спорт залининг тантанали очилиш маросими бўлиб ўтди. Бошқарув раиси З.Нарзуллаевнинг ташаббуси билан амалга оширилган ушбу тадбир марказий аппаратда фаолият кўрсатаётган 1500 нафарга яқин темирйўлчилар учун Наврўз байрамига муносиб совға бўлди.
Янги спорт залига замонавий жиҳозлар ўрнатилган бўлиб, бу ерда 25 турдаги спорт анжоми мавжуд. Ҳар бир зал видеокузатув, иситиш ва совитиш тизимлари, ҳаво тозалаш мосламалари билан таъминланган. Спорт залидан ҳар куни соат 9:00 дан 22:00 гача тахминан 250-300 нафар темирйўлчи фойдаланиши кутилмоқда.
Бошқарув раиси Ишларни бошқариш дирекциясининг энергия навбатчилари учун таъмирланиб, замонавий жиҳозланган 6 та хонани кўздан кечирди. Бино ичидаги кутубхона фаолиятини ҳам ўрганиб чиқди.
Бошқарув раиси масъул мутахассисларга ишчи-ходимлар учун қулайликларни янада яхшилашга қаратилган таклиф ва тавсияларини берди.

Angren – Ko‘l yo‘nalishida yirik modernizatsiya ishlariga start berilmoqda.

Farmoyishga ko‘ra, asosiy ishlar quyidagi hududlarni qamrab oladi:
- 9 km PK7 – 10 km PK4 oralig‘i;
- Orzu – Chodak yo‘nalishining 38 km PK6 – 39 km PK1 qismi;
- Chodak – Kon yo‘nalishining 62 km PK1 – 64 km PK5 qismlari.

"Qo‘qon MTU" filiali boshlig‘i B.P. Milladjanov boshchiligidagi ishchi guruh hududda texnika va ishchi kuchining tayyorgarlik holatini ko‘zdan kechirdi. Mazkur yirik loyihaga 164-yo‘l mashina stansiyasi (PMS-164), PCh, ShCh, ECh va EP korxonalarining og‘ir turdagi texnikalari hamda malakali mutaxassislari jalb etilgan.

Angren – Ko‘l yo‘nalishida yirik 24 soatlik "okno" doirasida ishlar qizg‘in davom etmoqda

Rejalashtirilgan 24 soatlik "okno" vaqti davomida korxonalarning barcha kuch va vositalari, og‘ir turdagi texnikalari belgilangan uchastkalarga safarbar etilgan.

Ushbu loyihaning eng muhim texnik vazifasi — mavjud temir yo‘l izlarining loyihaviy egriligini  kengaytirishdan iborat. Bu orqali:
- Poyezdlarning harakat tezligini oshirishga erishiladi;
- Yo‘nalishdagi harakat xavfsizligi darajasi yanada yuqoriga ko‘tariladi;
- Infratuzilmaning chidamliligi ta’minlanadi.

Xodimlar tomonidan eski temir yo‘l panjaralarini yig‘ishtirib olish, yer polotnosini tayyorlash va qaytadan rels-shpal panjaralarini yotqizish ishlari yuqori sur’atlarda olib borilmoqda.

Energodispetcherlar tomonidan kontakt tarmog‘idagi kuchlanish o‘chirilgan holda, tayanch ustunlarini qayta o‘rnatish va tarmoqni sozlash ishlari ham reja asosida ketmoqda.

Barcha ishlar mehnat muhofazasi qoidalariga to‘liq amal qilingan holda bajarilmoqda.

TIZIM KORXONALARIDA YOSHLAR YETAKCHILARI SAYLANDI
Bugun Qo‘qon mintaqaviy temir yo‘l uzeli Hududiy yoshlar yetakchilar Kengashi raisi A.A.Qaxxorov hamda korxona rahbarlari ishtirokida navbatdagi saylov tadbirlari bo‘lib o‘tdi.

✅ Ochiq va shaffof ruhda o‘tgan saylov natijalariga ko‘ra:

Andijon temir yo‘l masofasi (PCh-7) filiali yoshlar yetakchisi etib — Andijon-1 bekati temir yo‘l sozlovchisi Odiljonov Abdulaziz Ma’rufjon o‘g‘li;

Oltiariq vagonlarni bug‘lab yuvish masofasi (VCHN) filiali yoshlar yetakchisi etib — filial iqtisodchisi Mamasoliyev Rustamjon Rasul o‘g‘li saylandilar.

Tadbir davomida yosh temiryo‘lchilarning taklif va mulohazalari tinglanib, xodimlar orasida ijtimoiy faollikni oshirish, yoshlarning intilishlarini qo‘llab-quvvatlash masalalari muhokama qilindi.

Yangi saylangan yetakchilarga mas’uliyatli faoliyatlarida muvaffaqiyatlar tilaymiz!