Harakat xavfsizligi — doimiy eʼtiborda!

Bugun "Qoʻqon MTU" filiali boshligʻi B.P.Milladjanov boshchiligida "Neftchilar" stansiyasida "Harakat xavfsizligi kuni" doirasida navbatdagi koʻrik va amaliy jarayonlar oʻtkazildi.
Koʻrik davomida asosiy eʼtibor quyidagi muhim jihatlarga qaratildi:
Yoʻl xoʻjaligi holati: Relslar va shpallarning texnik holati, ayniqsa, yoʻl oʻtkazgichlar (strelkali oʻtkazgichlar) va ularning mexanizmlari sinchiklab tekshirildi.
Taʼmirlash ishlari: Hududda olib borilayotgan joriy taʼmirlash va profilaktika ishlari, yangi beton shpallarni oʻrnatish jarayonlari bevosita nazorat qilindi.
Oʻlchov ishlari: Maxsus asbob-uskunalar yordamida yoʻl kengligi va relslar sathining meʼyorlarga mosligi koʻzdan kechirildi.
Texnika xavfsizligi: Ishchi-xodimlarning mehnat muhofazasi qoidalariga rioya etishi va maxsus kiyim-bosh bilan taʼminlanganlik darajasi oʻrganildi.

Temir yoʻllarda xavfsiz va uzluksiz harakatni taʼminlash yoʻlidagi ishlar tizimli ravishda davom ettirilmoqda.

⚽️ Sport – salomatlik garovi!

Qoʻqon vagon ekspluatatsiya uchastkasi ishchi-xodimlari oʻrtasida Muhtaram Prezidentimiz Shavkat Mirziyoyev tomonidan ilgari surilgan "Davlat idoralarida haftada bir kun sport kuni" hamda "Rahbarlar o‘z xodimlariga sport borasida o‘rnak bo‘lishi" haqidagi topshiriqlari ijrosini ta'minlash maqsadida hamda oʻzaro hamjihatlikni mustahkamlash va sogʻlom turmush tarzini targʻib qilish maqsadida futbol musobaqasi oʻtkazildi.
Murosasiz va qiziqarli kechgan bahslarda jamoalar bor mahoratlarini koʻrsatib, gʻoliblik uchun maydonda ter toʻkdilar.

Musobaqa yakunida gʻolib va sovrindor boʻlgan jamoalar munosib taqdirlandilar:
- Sovrinlarni Qoʻqon MTU bosh muhandisi B.D.Tirkashev tantanali ravishda topshirdi.
- Gʻoliblarga Qo‘qon MTU kasaba uyushma hududiy qo‘mitasi tomonidan tayyorlangan maxsus esdalik sovgʻalari topshirildi.
Maqsadimiz: Ishchi-xodimlar oʻrtasida sportga boʻlgan qiziqishni oshirish va jamoaviy ruhni shakllantirishdir.

✨ Gʻolib jamoalarni yana bir bor tabriklaymiz!

Mehnat muhofazasi va xavfsizlik — doimiy e’tiborda

Qoʻqon MTU filialida xavfli ishlab chiqarish obyektlarida faoliyat yuritayotgan ishchi-xodimlarning davriy bilim saviyasini tekshirish boʻyicha imtihonlar oʻtkazildi.

Maqsad: Xodimlarning texnika xavfsizligi qoidalariga rioya qilish darajasini oshirish va ishlab chiqarish jarayonida koʻngilsiz hodisalarning oldini olish.

Mazkur jarayon Texnika xavfsizligi rahbariyati tomonidan bevosita nazorat qilindi. Imtihon davomida xodimlarning favqulodda vaziyatlarda harakat qilish koʻnikmalari va xavfsizlik yoʻriqnomalari boʻyicha nazariy bilimlari sinovdan oʻtkazildi.

“Istiqbolli yosh mutaxassis” tanlovining hududiy bosqichi natijalari e’lon qilindi
“Qo‘qon mintaqaviy temir yo‘l uzeli” filiali boshlig‘ining 2026-yil 3-apreldagi 98-MTU sonli buyrug‘i ijrosini ta’minlash maqsadida, joriy yilning 10-aprel kuni yosh xodimlar o‘rtasida “Istiqbolli yosh mutaxassis” ko‘rik-tanlovi o‘tkazildi.

Ikki yo‘nalish bo‘yicha bo‘lib o‘tgan qizg‘in bahslar yakuniga ko‘ra, g‘oliblar ro‘yxati bilan tanishing:

I. “Tashishlarni tashkil etish” yo‘nalishi:
1-o‘rin: Sodiqov Baxromjon — Uychi stansiyasi navbatchisi;
2-o‘rin: Millajonov Azizjon — Marg‘ilon stansiyasi boshlig‘i;
3-o‘rin: Abdug‘afforov Mirzamahmud — Mehnatobod stansiyasi navbatchisi;
3-o‘rin: Hamidjonov Musharraf — Kon stansiyasi navbatchisi;
3-o‘rin: Orifjonov Muslimbek — Chortoq stansiyasi navbatchisi.
II. “Yuk va tijorat ishlari” yo‘nalishi:
1-o‘rin: Sahodullayev Hikmatillo — To‘raqo‘rg‘on stansiyasi yuk qabul qilib topshiruvchisi;
2-o‘rin: Abduraxmonov Azamatjon — Pop stansiyasi yuk kassiri;
3-o‘rin: Inamov Adhamjon — Uchqo‘rg‘on stansiyasi yuklarni uzatish bo‘yicha agenti.
📢 Muhim: Har ikkala yo‘nalish bo‘yicha 1- va 2-o‘rinni egallagan yosh mutaxassislarimiz tanlovning Respublika bosqichida ishtirok etish huquqini qo‘lga kiritdilar.
G‘oliblarimizni samimiy muborakbod etamiz va kelgusi bosqichda ularga omad tilaymiz!