Harakat xavfsizligi — ustuvor vazifa
Bugun, 2026-yil 6-may kuni "Qo‘qon MTU” boshlig‘ining o‘rinbosari Q.B.Ahmadjonov boshchiligida navbatdagi "Harakat xavfsizligi kuni" doirasida amaliy ko‘rik tadbirlari o‘tkazildi.
Tadbir davomida quyidagi ishlar amalga oshirildi:
Chodak stansiyasi hududida poyezdlar harakatini boshqarish tizimi va navbatchilarning ish faoliyati bevosita o‘rganildi.
Stansiyaga qarashli 92-kilometr, 5-piket hududida temir yo‘l izlarining texnik holati va geometrik o‘lchamlari nazoratdan o‘tkazildi.
Yo‘l ustalarining maxsus asbob-uskunalardan foydalanish ko‘nikmalari va mehnat muhofazasi qoidalariga rioya qilishi ko‘zdan kechirildi.
Poyezdlar harakati xavfsizligini ta’minlash, nuqsonlarni o‘z vaqtida aniqlash va bartaraf etish bo‘yicha mas’ul xodimlarga aniq ko‘rsatmalar berildi.

“TEXNOLOGIK OKNO”

“Temiryo‘linfratuzilma” AJ boshqaruvi raisi S.A. Norqabilovning 2026-yil 2-maydagi 221-JDS-sonli farmoyishi ijrosini ta’minlash maqsadida, “Temiryo‘linfratuzilma” AJ “Qo‘qon mintaqaviy temir yo‘l uzeli” filiali “Andijon temir yo‘l masofasi” filiali boshlig‘i B.I. Nasirov boshchiligida 2026-yil 7-may kuni “Qo‘qon MTU” filialiga qarashli Andijon-1 temir yo‘l bekatining 4-sonli qabul qilish – 12 jo‘natish yo‘lida joylashgan 15-sonli strelkali o‘tkazgichni (R-50 rusumli 1/11 markali o‘rniga R-65 rusumli 1/11 markali) temir-beton bruslarga almashtirish ishlari bajarish uchun texnologik “OKNO” vaqti ajratildi.
Ishlar davomida poyezdlar harakati xavfsizligi to‘liq ta’minlandi. Rahbar va ishchi-xodimlar tomonidan mehnat muhofazasi hamda texnika xavfsizligi talablariga qat’iy rioya qilgan holda ishlar amalga oshirildi.

🇺🇿 9-May – Xotira va Qadrlash kuni

"Qo‘qon MTU" filiali boshlig‘i B.P. Milladjanov, Kasaba uyushmasi hududiy qo‘mitasi raisi M.M. Mirhamzayev, Qoʻqon lokomotiv deposi boshligʻi Z.H.Abdullayevlar Qoʻqon lokomotiv deposi pensioneri, 2- jahon Urushi qatnashchisi, temir yo‘l sohasida fidokorona xizmat qilgan yoshi ulug‘ Rahimov Usmonjon otaning xonadoniga tashrif buyurishdi.
Usmonjon ota bilan Vatanimiz tinchligi va mustaqilligi yo‘lida jonini fido qilgan ota-bobolarimizning ulkan jasorati, matonati va fidoyiligi haqida suhbatlashildi. Sovuq urush davrida birga xizmat qilgan va halok bo‘lgan vatandoshlarimiz ham yodga olindi.

🇺🇿 Ularning ibratli hayoti va xizmatlari – biz uchun faxr va g‘ururdir!

Qoʻqon — Qaqir yoʻnalishi, 194-km, 8-piket

Qoʻqon mintaqaviy temir yoʻl uzeli hududida modernizatsiya va xavfsizlikni ta’minlash ishlari davom etmoqda. Temir yoʻl izlari ostidan piyodalar oʻtish uchun moʻljallangan konstruksiyalarni (PJBT) oʻrnatish jarayoni boshlandi.

Ish unumdorligi va eng muhimi, xodimlarning salomatligini saqlash maqsadida, bevosita ish ob’ektida Qoʻqon MTU filiali bosh muhandisi B.D.Tirkashev tomonidan maxsus yoʻriqnoma oʻtildi. Unda mehnat muhofazasi va texnika xavfsizligi qoidalariga qat’iy rioya qilish boʻyicha zaruriy koʻrsatmalar berildi.