🚂 Qo‘qon mintaqaviy temir yo‘l uzelida munosiblar taqdirlandi!
Bahorgi ko‘rik yakunlari doirasida uzelda faoliyat yuritayotgan bir guruh iqtidorli va tashabbuskor xodimlar tantanali ravishda e’tirof etildi.
Xususan, "Innovatsion g'oyalar-2025" va "Istiqbolli yosh mutaxassis" ko'rik tanlovlarining yakuniy bosqichi g'oliblari faxriy yorliq va qimmatbaho sovg'alar bilan taqdirlandi.
Bu kabi tanlovlar temir yo'l tizimida yangi avlod kadrlarini shakllantirish, ularning bilim va intilishlarini qo'llab-quvvatlashda muhim ahamiyat kasb etmoqda.
Uzel ravnaqi va modernizatsiyasi yo‘lida bor bilim va g‘ayratini safarbar etayotgan barcha g‘oliblarni samimiy muborakbod etamiz! Yangi marralar va innovatsion g'oyalar sizni aslo tark etmasin!

TADBIRKORLARNING MUROJAATLARI, MUAMMOLARI VA TAKLIFLARI O‘RGANILDI HAMDA YECHIMLAR TOPILDI
2026-yil 26-may kuni “Qo‘qon MTU” filiali tasarrufidagi Marg‘ilon stansiyasi majlislar zalida Oltiariq, Marg‘ilon, Neftchilar, Kirgili, Farg‘ona-2, Quvasoy va Quva stansiyalarida faoliyat olib boruvchi yuk ortuvchi hamda yuk tushiruvchi tadbirkorlar bilan ochiq muloqot bo‘lib o‘tdi.
Mazkur uchrashuv “O‘zbekiston temir yo‘llari” AJ boshqaruv raisining tadbirkorlar murojaatlari, muammo va takliflarini tizimli o‘rganish hamda joyida hal etishga qaratilgan 136-UN-sonli farmoyishi ijrosi doirasida tashkil etildi.
Ochiq muloqot davomida tadbirkorlar tomonidan bildirilgan taklif va muammolar tinglanib, ularni hal etish yuzasidan tegishli mas’ullarga topshiriqlar berildi.
Tadbirda “Qo‘qon MTU” filiali boshlig‘i o‘rinbosari Q. B. Axmadjonov ishtirok etib, tadbirkorlar bilan samimiy muloqot olib bordi hamda ularning faoliyatini qo‘llab-quvvatlash masalalariga alohida to‘xtalib o‘tdi.

Neftchilar — Qo‘qon yo‘nalishida tungi tekshiruv tadbirlari o‘tkazildi
​Temir yo‘llarda harakat xavfsizligini ta’minlash, tungi vaqtda hushyorlikni oshirish hamda mavjud kamchiliklarni aniqlab, ularni tezkor bartaraf etish maqsadida rejali tungi ko‘rik tadbirlari davom etmoqda.
Neftchilar — Qo‘qon temir yo‘l uchastkasida “Qo‘qon MTU” filiali bosh muhandisi B.D.Tirkashev hamda Harakat xavfsizligi va mehnat muhofazasi nazorati departamenti bosh noziri A.I.Toshmatov boshchiligida tungi tekshiruv ishlari tashkil etildi.

Tekshiruv davomida asosiy e’tibor quyidagilarga qaratildi:
​Stansiyalar: Navbatchi xodimlarning tungi xizmatni olib borishi, stansiya hududlarining yoritilishi va aloqa vositalarining sozligi.
​Temir yo‘l kesishmalari (perezdlar): Perezd navbatchilarining hushyorligi, signalizatsiya va to‘siqlarning (shlagbaum) ishlash holati, tungi vaqtda ko‘rinish darajasi hamda avtotransport vositalari harakati xavfsizligi.
​Harakat tarkiblari: Poyezdlar va lokomotivlar brigadalarining ish faoliyati, tungi signal chiroqlari hamda harakat xavfsizligi qoidalariga rioya qilinishi.

TADBIRKORLARNING MUROJAATLARI, MUAMMOLARI VA TAKLIFLARI O‘RGANILDI HAMDA YECHIMLAR TOPILDI

2026-yil 2-iyun kuni “Qo‘qon MTU” filiali tasarrufidagi Andijon-1 stansiyasi majlislar zalida Asaka, Shahrixon, Axtachi, Andijon-1, Jalaquduq, Savay, Xonobod, Andijon-2, Paytug stansiyalarida faoliyat olib boruvchi yuk ortuvchi hamda yuk tushiruvchi tadbirkorlar bilan ochiq muloqot bo‘lib o‘tdi.
Mazkur uchrashuv “O‘zbekiston temir yo‘llari” AJ boshqaruv raisining tadbirkorlar murojaatlari, muammo va takliflarini tizimli o‘rganish hamda joyida hal etishga qaratilgan 136-UN-sonli farmoyishi ijrosi doirasida tashkil etildi.
Ochiq muloqot davomida tadbirkorlar tomonidan bildirilgan taklif va muammolar tinglanib, ularni hal etish yuzasidan tegishli mas’ullarga topshiriqlar berildi.
Tadbirda “Qo‘qon MTU” filiali rahbariyati ishtirok etib, tadbirkorlar bilan samimiy muloqot olib bordi hamda ularning faoliyatini qo‘llab-quvvatlash masalalariga alohida to‘xtalib o‘tdi.

Poeyzdlar harakat xavfsizligini taʼminlash va baxtsiz hodisalarning oldini olish — ustuvor vazifamiz!

​Qoʻqon MTU filiali boshligʻining koʻrsatmasiga asosan, joriy yilning 1-iyunidan 1-iyuliga qadar temir yoʻllarda harakat xavfsizligini taʼminlash hamda koʻngilsiz baxtsiz hodisalarning oldini olish maqsadida keng qamrovli targʻibot-tashviqot tadbirlari oʻtkazilmoqda.
​
Olib borilgan ishlar doirasida:
​ - Temir yoʻlga yaqin hududda joylashgan Andijon davlat texnika instituti talaba-yoshlari oʻrtasida tushuntirish ishlari tashkil etildi. Unda yoshlarga xavfsizlik qoidalariga qatʼiy rioya qilish va hushyorlikni yoʻqotmaslik boʻyicha zarur tavsiyalar berildi.
- "Post 331 km – Yangi Andijon" stansiyalar oraligʻidagi temir yoʻl liniyalariga yaqin mahallalarda istiqomat qiluvchi aholi oʻrtasida uchrashuvlar oʻtkazilib, temir yoʻl — yuqori xavfga ega boʻlgan hudud ekanligi yana bir bor eslatib oʻtildi.

​📢 Hurmatli fuqarolar!
Oʻzingiz va yaqinlaringiz hayotini xavfga qoʻymang! Temir yoʻllarda harakatlanish qoidalariga qatʼiy amal qiling!