Neftchilar — Qo‘qon yo‘nalishida tungi tekshiruv tadbirlari o‘tkazildi
​Temir yo‘llarda harakat xavfsizligini ta’minlash, tungi vaqtda hushyorlikni oshirish hamda mavjud kamchiliklarni aniqlab, ularni tezkor bartaraf etish maqsadida rejali tungi ko‘rik tadbirlari davom etmoqda.
Neftchilar — Qo‘qon temir yo‘l uchastkasida “Qo‘qon MTU” filiali bosh muhandisi B.D.Tirkashev hamda Harakat xavfsizligi va mehnat muhofazasi nazorati departamenti bosh noziri A.I.Toshmatov boshchiligida tungi tekshiruv ishlari tashkil etildi.

Tekshiruv davomida asosiy e’tibor quyidagilarga qaratildi:
​Stansiyalar: Navbatchi xodimlarning tungi xizmatni olib borishi, stansiya hududlarining yoritilishi va aloqa vositalarining sozligi.
​Temir yo‘l kesishmalari (perezdlar): Perezd navbatchilarining hushyorligi, signalizatsiya va to‘siqlarning (shlagbaum) ishlash holati, tungi vaqtda ko‘rinish darajasi hamda avtotransport vositalari harakati xavfsizligi.
​Harakat tarkiblari: Poyezdlar va lokomotivlar brigadalarining ish faoliyati, tungi signal chiroqlari hamda harakat xavfsizligi qoidalariga rioya qilinishi.

TADBIRKORLARNING MUROJAATLARI, MUAMMOLARI VA TAKLIFLARI O‘RGANILDI HAMDA YECHIMLAR TOPILDI

2026-yil 2-iyun kuni “Qo‘qon MTU” filiali tasarrufidagi Andijon-1 stansiyasi majlislar zalida Asaka, Shahrixon, Axtachi, Andijon-1, Jalaquduq, Savay, Xonobod, Andijon-2, Paytug stansiyalarida faoliyat olib boruvchi yuk ortuvchi hamda yuk tushiruvchi tadbirkorlar bilan ochiq muloqot bo‘lib o‘tdi.
Mazkur uchrashuv “O‘zbekiston temir yo‘llari” AJ boshqaruv raisining tadbirkorlar murojaatlari, muammo va takliflarini tizimli o‘rganish hamda joyida hal etishga qaratilgan 136-UN-sonli farmoyishi ijrosi doirasida tashkil etildi.
Ochiq muloqot davomida tadbirkorlar tomonidan bildirilgan taklif va muammolar tinglanib, ularni hal etish yuzasidan tegishli mas’ullarga topshiriqlar berildi.
Tadbirda “Qo‘qon MTU” filiali rahbariyati ishtirok etib, tadbirkorlar bilan samimiy muloqot olib bordi hamda ularning faoliyatini qo‘llab-quvvatlash masalalariga alohida to‘xtalib o‘tdi.

Poeyzdlar harakat xavfsizligini taʼminlash va baxtsiz hodisalarning oldini olish — ustuvor vazifamiz!

​Qoʻqon MTU filiali boshligʻining koʻrsatmasiga asosan, joriy yilning 1-iyunidan 1-iyuliga qadar temir yoʻllarda harakat xavfsizligini taʼminlash hamda koʻngilsiz baxtsiz hodisalarning oldini olish maqsadida keng qamrovli targʻibot-tashviqot tadbirlari oʻtkazilmoqda.
​
Olib borilgan ishlar doirasida:
​ - Temir yoʻlga yaqin hududda joylashgan Andijon davlat texnika instituti talaba-yoshlari oʻrtasida tushuntirish ishlari tashkil etildi. Unda yoshlarga xavfsizlik qoidalariga qatʼiy rioya qilish va hushyorlikni yoʻqotmaslik boʻyicha zarur tavsiyalar berildi.
- "Post 331 km – Yangi Andijon" stansiyalar oraligʻidagi temir yoʻl liniyalariga yaqin mahallalarda istiqomat qiluvchi aholi oʻrtasida uchrashuvlar oʻtkazilib, temir yoʻl — yuqori xavfga ega boʻlgan hudud ekanligi yana bir bor eslatib oʻtildi.

​📢 Hurmatli fuqarolar!
Oʻzingiz va yaqinlaringiz hayotini xavfga qoʻymang! Temir yoʻllarda harakatlanish qoidalariga qatʼiy amal qiling!

Harakat xavfsizligi kuni

"Harakat xavfsizligi kuni" doirasida uzel bosh muhandisi B.D.Tirkashev boshchiligida navbatdagi koʻrik va tekshirish ishlari oʻtkazildi.
Tekshiruv davomida quyidagilarga alohida eʼtibor qaratildi:
- Avtotransport vositalari va poyezdlar harakati xavfsizligini taʼminlash boʻyicha kesishmalardagi jihozlar koʻzdan kechirildi.
- Temir yoʻl izlarining texnik holati, joriy taʼmirlash va sozlash ishlari sifati bevosita joyida oʻrganildi.
- Mehnat muhofazasi qoidalariga rioya etilishi va texnika xavfsizligi talablari nazoratga olindi.

Aniqlangan kamchiliklarni zudlik bilan bartaraf etish hamda poyezdlar harakati xavfsizligini mutlaq taʼminlash boʻyicha masʼul xodimlarga tegishli koʻrsatmalar berildi.

MARGʻILON STANSIYASIDA TEKSHIRUV: ASOSIY EʼTIBOR HARAKAT XAVFSIZLIGIGA!

“Qoʻqon mintaqaviy temir yoʻl uzeli” filiali boshligʻi B.P.Milladjanov boshchiligidagi ishchi guruh tomonidan navbatdagi “Harakat xavfsizligi kuni” doirasida Margʻilon stansiyasida koʻrik tadbirlari oʻtkazildi.
Bugungi nazorat tadbirlari davomida bevosita amaliy jarayonlar va texnik elementlarning holati chuqur oʻrganildi:
- Vagonlar parki va texnik xizmat koʻrsatish: Stansiyada turgan yuk vagonlari, xususan, sisternalarning texnik sozligi, ularning ulanish qismlari va gʻildirak juftliklarining holati sinchkovlik bilan koʻzdan kechirildi
- Temir yoʻl izlari mustahkamligi: Izlar, rels mustahkamlagichlari hamda shpallar holati, poyezdlar harakati davomida yuzaga kelishi mumkin boʻlgan xavflarning oldini olish nuqtai nazaridan tahlil qilindi

Muhim vazifalar belgilab olindi
Koʻrik yakunida filial boshligʻi B.P.Milladjanov tomonidan stansiya masʼullari va texnik xodimlarga harakat xavfsizligini taʼminlash, yoʻl qoʻyilgan kamchiliklarni muddatida bartaraf etish hamda hushyorlikni yanada oshirish boʻyicha qatʼiy topshiriqlar berildi.