📚 Marg‘ilonda yosh xodimlar bilan uchrashuv o‘tkazildi
“Yoshlar kuni” doirasida Marg‘ilon stansiyasida temir yo‘l transporti tizimida faoliyat yuritayotgan yosh xodimlar va soha mutaxassislari ishtirokida davra suhbati bo‘lib o‘tdi.
Tadbirda Transport prokurori, adliya maslahatchisi I.A. Akbarov qatnashib, yoshlarni:
⚽️ Sport bilan muntazam shug‘ullanishga;
📖 Kitobxonlik madaniyatini yuksaltirishga;
🛠 O‘z sohasining yetuk mutaxassisi bo‘lishga chaqirdi.

Uchrashuv yakunida bildirilgan taklif va fikrlar yuzasidan tegishli mas’ullarga aniq topshiriqlar berildi.

TADBIRKORLARNING MUROJAATI, MUAMMO VA TAKLIFLARI O’RGANILDI VA YECHIMLAR BERILDI

16.06.2026 yil kuni Uchkoʻprik tumani Qaqir stansiya yonida joylashgan Qoʻqon erkin iqtisodiy zonasi direksiyasida Rapqon, Yaypan, Qo‘qon, Buvayda, Qaqir, Furqat stansiyalarida faoliyat olib boruvchi yuk ortuvchi va yuk tushiruvchi tadbirkorlar bilan ochiq muloqot bo‘lib o‘tdi.

Mazkur uchrashuv "O‘zbekiston temir yo‘llari" AJ boshqaruv raisining tadbirkorlarning murojaat, muammo va takliflarini tizimli o‘rganish hamda joyida hal etishga qaratilgan 136-UN-sonli farmoyishi ijrosi doirasida tashkil etildi.

Ochiq muloqot davomida tadbirkorlar tomonidan bildirilgan taklif va muammolar tinglanib, ularni hal etish yuzasidan tegishli ma’sullarga topshiriqlar berildi.

Tadbirda "Qo‘qon MTU" filiali boshligʻi B.P.Milladjanov va maʼsul rahbarlar ishtirok etib tadbirkorlar bilan samimiy muloqot olib bordi hamda ularning faoliyatini qo‘llab-quvvatlash masalalariga alohida to‘xtalib o‘tdi.

Harakat xavfsizligi – bosh mezon!

Bugun "Harakat xavfsizligi kuni" munosabati bilan "Qoʻqon MTU" filiali boshligʻi B.P.Milladjanov boshchiligidagi ishchi guruh muhim temir yoʻl obyektlarida profilaktik koʻrik va oʻrganish ishlarini olib bordi.

Amalga oshirilgan oʻrganishlar va asosiy yoʻnalishlar:

- Qoʻqon stansiya navbatchilari pult-boshqaruv qurilmalari va hududdagi svetofor hamda strelkali oʻtkazgichlarning ishlash holati koʻzdan kechirildi. Xodimlarning nostandart vaziyatlarda toʻgʻri qaror qabul qilish koʻnikmalari sinovdan oʻtkazildi.

- Qoʻqon lokomotiv deposining taʼmirlash sexlari, texnologik jarayonlar hamda lokomotivlarga texnik xizmat koʻrsatish sifati koʻrikdan oʻtkazildi. Ishlab chiqarish hududlarida mehnat muhofazasi qoidalariga rioya qilinishi hamda nosozliklarni barvaqt aniqlash choralari muhokama qilindi.

- Ishchi-xodimlar bilan muloqot: Koʻrik davomida lokomotiv brigadalari, stansiya navbatchilari va taʼmirlash ustasi boʻlgan xodimlar bilan harakat xavfsizligini taʼminlash boʻyicha yoʻriqnomalar va oʻzaro tushuntirish ishlari olib borildi.

Oʻrganishlar yakunida filial boshligʻi B.P.Milladjanov tomonidan aniqlangan kamchiliklarni muddatida bartaraf etish, texnik vositalarning barqaror ishlashini taʼminlash hamda har bir xodim oʻz xizmat vazifasiga masʼuliyat bilan yondashishi shartligi yuzasidan masʼullarga qatʼiy topshiriq va koʻrsatmalar berildi.

Kitob — ma’naviyat xazinasi, ilm va taraqqiyot kalitidir! 📚✨

​Qo‘qon lokomotiv deposida yosh temiryo‘lchilar o‘rtasida kitobxonlik madaniyatini yuksaltirish va ularning intellektual salohiyatini oshirish maqsadida Yoshlar yetakchilari kengashi tashabbusi bilan kitob yarmarkasi tashkil etildi.
​Ushbu ma’rifiy tadbirda jahon va o‘zbek adabiyoti durdonalari, shaxsiy rivojlanishga oid zamonaviy asarlar hamda qiziqarli ilmiy-ommabop kitoblar xodimlar e’tiboriga havola etildi. Yarmarka ishchi-xodimlarning nafaqat professional sohada, balki ma’naviy hayotda ham yetuk shaxs bo‘lib shakllanishlariga xizmat qiladi.
​Bilimga sarmoya kiritish — eng to‘g‘ri va barokatli yo‘ldir. Kitobxonlik tadbirlari uzel miqyosida doimiy ravishda davom etadi!

Rahbar va yoshlar: Ishonch va rag‘bat uchrashuvi!

Yurtimizda Prezidentimiz rahnamoligida olib borilayotgan yoshlarga oid davlat siyosatining tub mohiyati — yosh avlodni har tomonlama qo‘llab-quvvatlash va ularga keng imkoniyatlar eshigini ochishdan iboratdir. Ushbu ezgu tamoyilning amaliy ifodasi sifatida, Qo‘qon lokomotiv deposi filialida uzel yosh xodimlari ishtirokida "Rahbar va yoshlar" uchrashuvi bo‘lib o‘tdi.

​Farg‘ona transport prokurori, adliya maslahatchisi I.A. Akbarov hamda Qo‘qon mintaqaviy temir yo‘l uzeli filiali boshlig‘i B.P. Milladjanovlar raisligida o‘tgan ochiq muloqotda yoshlarning tashabbuslari tinglandi va istiqboldagi rejalar belgilab olindi.
​Tadbir yakunida ishlab chiqarishda va jamoat ishlarida alohida fidoyilik ko‘rsatayotgan bir qator yosh temiryo‘lchilar rahbariyat tomonidan qimmatbaho sovg‘alar bilan taqdirlandilar.
​Berilgan bu yuksak e’tibor va ishonch yoshlarimizni yangi marralar sari undashi shubhasiz!