TADBIRKORLAR BILAN OCHIQ MULOQOTLAR OʻTKAZILDI

Bugun, 23-iyun kuni Oʻzbekiston Respublikasi Prezidentining tadbirkorlar bilan VI ochiq muloqotiga tayyorgarlik koʻrish hamda “Oʻzbekiston temir yoʻllari” AJning tegishli farmoyishlari ijrosini taʼminlash maqsadida hududiy korxonalarda uchrashuvlar tashkil etildi.

​“Temiryoʻlkargo” AJ Qoʻqon filiali boshligʻi Sh.Kamildjanov boshchiligidagi ishchi guruh — Yuk xoʻjaligi boʻlimi mutaxassislari, tegishli stansiya boshliqlari va masʼul xodimlar ishtirokida Qirgʻili va Quvasoy stansiyalari orqali yuk tashish xizmatidan foydalanuvchi tadbirkorlar bilan yuzma-yuz muloqot qildi.

Tadbirkorlarning murojaat, muammo va takliflarini joyida oʻrganish maqsadida:
- Soat 10:00 da “Fargʻonaazot” AJda;
- Soat 12:00 da “Quvasoysement” AJ hamda “Kvarts” AJ korxonalarida ochiq muloqotlar boʻlib oʻtdi.

Uchrashuvlar davomida temir yoʻl transporti xizmatlaridan foydalanishda yuzaga kelayotgan dolzarb masalalar atroflicha muhokama qilinib, tizimli yechimlar belgilab olindi.

​Joriy yilning 23-iyun kuni "Temiryo‘linfratuzilma" AJ boshqaruv raisining "Temiryo‘linfratuzilma" AJda raqamli transformatsiyani rivojlantirish bo‘yicha chora-tadbirlar dasturini tasdiqlash to‘g‘risida"gi 205-JDS sonli buyrug‘i ijrosini ta'minlash, tizimni raqamlashtirish uchun joylarda dasturlarni tatbiq qilish hamda har haftaning seshanba kuni “Temiryo‘linfratuzilma” AJda “Raqamlashtirish kuni” etib belgilanganligi munosabati bilan "Qo‘qon MTU" filiali Raqamlashtirish va axborot xavfsizligi bo‘limi mas'ul xodimlari tomonidan joylarda amaliy ishlar olib borildi.
​Xususan, Qo‘qon stansiyasidagi "Tarozi AI" tizimi, shuningdek, Vagon ekspluatatsiya uchastkasidagi Face-ID qurilmasi va kompyuter texnikalarining ishlash holati ko‘zdan kechirildi. Shuningdek, ishchi-xodimlarga amaliy tushuntirishlar berilib, bugungi kunda ish jarayoniga tatbiq etilgan dasturiy ta'minotlarning ishlash samaradorligi nazorat qilindi va xodimlarning takliflari eshitildi.

Harakat xavfsizligi – doimiy nazoratda!

Bugun “Qoʻqon mintaqaviy temir yoʻl uzeli” filiali boshligʻi oʻrinbosari Q.B.Ahmadjonov boshchiligida navbatdagi "Harakat xavfsizligi kuni" munosabati bilan profilaktik koʻrik va tekshiruv tadbirlari oʻtkazildi.
Tekshiruv ishlari “Pop-1” va “Pop-2” stansiyalarida tashkil etilib, unda poyezdlar harakati xavfsizligini taʼminlash, texnik jihozlarning sozligi hamda xodimlarning hushyorligi asosiy eʼtibor markazida boʻldi.

Tekshiruv davomida amalga oshirilgan ishlar:
- Texnik xonalarni koʻzdan kechirish: Stansiyalardagi aloqa va ishorat qurilmalari, server uskunalari joylashgan xonalarning texnik holati va xavfsizlik talablariga javob berishi oʻrganildi.

- Yoʻl xoʻjaligi va hudud nazorati: Platformalar, temir yoʻl izlari hamda taʼmirlash-tashish texnikalarining shayligi bevosita joyiga chiqqan holda koʻrildi.

- Navbatchilik xizmati tahlili: Stansiya navbatchilari xonasida ish jarayoni, poyezdlar harakatini boshqarish pultlari va tegishli hujjatlarning yuritilishi koʻzdan kechirildi.

Yakunda aniqlangan kamchiliklarni tezkor bartaraf etish hamda qishki-yozgi mavsumlarda harakat xavfsizligini uzluksiz taʼminlash boʻyicha masʼul xodimlarga aniq topshiriq va koʻrsatmalar berildi.

"Harakat xavfsizligi — bosh mezon!"

Bugun, "Harakat xavfsizligi kuni" munosabati bilan "Qo‘qon mintaqaviy temir yo‘l uzeli" unitar korxonasi boshlig‘i B.P.Millajanov boshchiligidagi ishchi guruh "Farg‘ona-2" stansiyasida bo‘ldi.

Ko‘rik davomida stansiyadagi harakat xavfsizligini ta'minlovchi asosiy texnik vositalarning holati rasmda ko'rsatilganidek batafsil ko‘zdan kechirildi:
-- Manyovr svetofori va uning signalizatsiya tizimlari holati tekshirildi.

-- Strelkali o‘tkazgichlar, ularning mexanik qismlari hamda o‘tkazgichlarning sozligi maxsus o‘lchov uskunalari yordamida nazoratdan o‘tkazildi.

-- Temir yo‘l izlarining geometrik parametrlari (shpal va relslar holati) me'yor talablariga muvofiqligi ko‘rikdan o‘tkazildi.

Uzel boshlig‘i tomonidan aniqlangan kamchiliklarni zudlik bilan bartaraf etish hamda poyezdlar harakati xavfsizligini uzluksiz ta'minlash bo‘yicha stansiya mas'ullariga aniq topshiriq va ko‘rsatmalar berildi.

Qoʻqonda yoshlar forumi: Rahbarlar va yoshlar bir davrada!

30-iyun – Yoshlar kuni munosabati bilan Qoʻqon mintaqaviy temir yoʻl uzeli filialida "Rahbar va yoshlar" uchrashuvi tashkil etildi.
​Tadbirda uzel boshligʻi B.P. Milladjanov va Kasaba uyushmasi hududiy qoʻmitasi raisi M.M. Mirhamzayev yosh temiryoʻlchilar bilan uchrashib, ularning kelgusi rejalari va faoliyatiga oid iliq tilaklarini bildirishdi.

​Oʻz ishiga sadoqat va faollik koʻrsatayotgan bir qator yoshlar faxriy yorliq va esdalik sovgʻalari bilan taqdirlandilar. Bayramingiz muborak boʻlsin, aziz yoshlar!

TADBIRKORLAR BILAN OCHIQ MULOQOTLAR OʻTKAZILDI

Bugun, 30-iyun kuni Oʻzbekiston Respublikasi Prezidentining tadbirkorlar bilan VI ochiq muloqotiga tayyorgarlik koʻrish hamda “Oʻzbekiston temir yoʻllari” AJning tegishli farmoyishlari ijrosini taʼminlash maqsadida hududiy korxonalarda uchrashuvlar tashkil etildi.

​“Qo'qon mintaqaviy temir yo'l uzeli" filiali rahbariyati boshchiligidagi ishchi guruh, hamda, tegishli stansiya boshliqlari va masʼul xodimlar ishtirokida Axtachi, Asaka, Shaxrixon va Andijon-1 stansiyalari orqali yuk tashish xizmatidan foydalanuvchi tadbirkorlar bilan yuzma-yuz muloqot qildi.

Muloqot davomida:
Tadbirkorlarning sohaga oid murojaatlari, taklif va muammolari tizimli ravishda o‘rganildi.
Temir yo‘l orqali yuklarni tashishda yuzaga kelayotgan masalalar atroflicha muhokama qilinib, ularning aksariyati joyida hal etildi.
Ish samaradorligini oshirish va hamkorlikni yanada mustahkamlash bo‘yicha istiqbolli vazifalar belgilab olindi.

Tezkor va shaffof muloqotlar tadbirkorlik rivojiga xizmat qiladi.