Qoʻqonda yoshlar forumi: Rahbarlar va yoshlar bir davrada!

30-iyun – Yoshlar kuni munosabati bilan Qoʻqon mintaqaviy temir yoʻl uzeli filialida "Rahbar va yoshlar" uchrashuvi tashkil etildi.
​Tadbirda uzel boshligʻi B.P. Milladjanov va Kasaba uyushmasi hududiy qoʻmitasi raisi M.M. Mirhamzayev yosh temiryoʻlchilar bilan uchrashib, ularning kelgusi rejalari va faoliyatiga oid iliq tilaklarini bildirishdi.

​Oʻz ishiga sadoqat va faollik koʻrsatayotgan bir qator yoshlar faxriy yorliq va esdalik sovgʻalari bilan taqdirlandilar. Bayramingiz muborak boʻlsin, aziz yoshlar!

TADBIRKORLAR BILAN OCHIQ MULOQOTLAR OʻTKAZILDI

Bugun, 30-iyun kuni Oʻzbekiston Respublikasi Prezidentining tadbirkorlar bilan VI ochiq muloqotiga tayyorgarlik koʻrish hamda “Oʻzbekiston temir yoʻllari” AJning tegishli farmoyishlari ijrosini taʼminlash maqsadida hududiy korxonalarda uchrashuvlar tashkil etildi.

​“Qo'qon mintaqaviy temir yo'l uzeli" filiali rahbariyati boshchiligidagi ishchi guruh, hamda, tegishli stansiya boshliqlari va masʼul xodimlar ishtirokida Axtachi, Asaka, Shaxrixon va Andijon-1 stansiyalari orqali yuk tashish xizmatidan foydalanuvchi tadbirkorlar bilan yuzma-yuz muloqot qildi.

Muloqot davomida:
Tadbirkorlarning sohaga oid murojaatlari, taklif va muammolari tizimli ravishda o‘rganildi.
Temir yo‘l orqali yuklarni tashishda yuzaga kelayotgan masalalar atroflicha muhokama qilinib, ularning aksariyati joyida hal etildi.
Ish samaradorligini oshirish va hamkorlikni yanada mustahkamlash bo‘yicha istiqbolli vazifalar belgilab olindi.

Tezkor va shaffof muloqotlar tadbirkorlik rivojiga xizmat qiladi.

Harakat xavfsizligi – doimiy nazoratda!

“Qoʻqon mintaqaviy temir yoʻl uzeli” filiali boshligʻi oʻrinbosari Q.B.Ahmadjonov boshchiligida navbatdagi “Harakat xavfsizligi kuni” doirasida amaliy koʻrik-tekshiruv tadbirlari oʻtkazildi.
Tekshiruv davomida “Neftchilar” va “Kirgili” stansiyalaridagi quyidagi muhim yoʻnalishlar atroflicha oʻrganildi:
- Stansiya xoʻjaligi: Hududlarning texnik va estetik holati;
- Navbatchilar faoliyati: Stansiya navbatchilarining kunlik ish yuritishi va yoʻriqnomalarga amal qilishi;
- Vagonlar sozligi: Vagonlarni joriy taʼmirlash joylaridagi sharoitlar va jarayon sifati;
- Raqamlashtirish nazorati: Elektron tarozi tizimlarining aniqligi va uzluksiz ishlashi;
- Saralash tepaligi: Gorka saralash tepaligida poyezdlarni shakllantirish va tarqatish ishlarining xavfsiz bajarilishi.

Masʼul xodimlarga ish unumdorligini oshirish va nazoratni yanada kuchaytirish boʻyicha aniq koʻrsatmalar berildi.

Bugun Andijon temir yo‘l masofasi filiali boshlig‘i B.I. Nasirov hamda Andijon lokomotiv deposi filiali boshlig‘i Y.T. Nizomiddinovlar tomonidan Andijon lokomotiv deposi filiali hududida harakat xavfsizligini ta’minlash yuzasidan nazorat ishlari olib borildi.

Nazorat davomida temir yo‘l izlarining texnik holati, strelka o‘tkazgichlarining sozligi ko‘zdan kechirildi.Shuningdek, yo‘l xo‘jaligi xodimlari tomonidan harakat xavfsizligini ta’minlash bo‘yicha belgilangan me’yoriy talablar va xizmat intizomiga rioya etilishi o‘rganildi.

Tekshiruv yakunida aniqlangan kamchiliklarni qisqa muddatlarda bartaraf etish, Yo‘l xo‘jaligini doimiy soz holatda saqlash, strelkali o‘tkazgichlar va temir yo‘l izlariga sifatli texnik xizmat ko‘rsatishni ta’minlash hamda poyezdlar harakati xavfsizligini yanada mustahkamlash yuzasidan mas’ul xodimlarga tegishli topshiriq va ko‘rsatmalar berildi.

HARAKAT XAVFSIZLIGI KUNI

Qo‘qon mintaqaviy temir yo‘l uzeli boshlig‘i B.P.Milladjanov boshchiligida navbatdagi keng qamrovli tekshiruv ishlari amalga oshirildi.
Bu galgi asosiy e’tibor Oltiariq - Marg‘ilon stansiyalari oralig‘idagi temir yo‘l infratuzilmasiga qaratildi.

Ko‘rik davomida hududdagi barcha xo‘jaliklar — yo‘l xo‘jaligi, aloqa va signallashtirish, elektr ta’minoti hamda boshqa tarmoqlarning texnik holati, binolar va sun’iy inshootlarning xavfsizlik talablariga javob berishi batafsil ko‘zdan kechirildi.

Asosiy maqsad, poyezdlar harakati xavfsizligini ta'minlash, yuzaga kelishi mumkin bo‘lgan nosozliklarning oldini olish va temir yo‘l izlari holatini doimiy nazoratda ushlab turishdir.

Marg‘ilon – Andijon-1 yo‘nalishida navbatdagi keng qamrovli ko‘rik o‘tkazildi

“Qo‘qon mintaqaviy temir yo‘l uzeli" filiali bosh muhandisi U.R.Majidov boshchiligida navbatdagi maqsadli va keng qamrovli ko‘rik ishlari tashkil etildi. Maskur ko‘rikda Yo‘l xoʻjaligi, Signalizatsiya va aloqa xoʻjaligi, Elektr ta’minoti masofasi hamda tegishli mutaxassislar ishtirok etishdi.

Ishchi guruh tomonidan Marg‘ilon – Quva – Axtachi – Asaka – Andijon-1 stansiyalari oralig‘idagi:
- Temir yo‘l infratuzilmasi va ob’ektlari;
- Stansiyalar va sun’iy inshootlarning texnik holati;
- Temir yo‘l atrofi hududlarining sanitariya va estetik ko‘rinishi batafsil ko‘zdan kechirildi.

Shuningdek, hududlarda olib borilayotgan obodonlashtirish ishlarining borishi tahlil qilinib, aniqlangan kamchiliklarni qisqa muddatlarda bartaraf etish hamda poyezdlar harakati xavfsizligini yanada yuqori darajada ta’minlash yuzasidan mas’ul xodimlarga aniq va qat'iy topshiriqlar berildi.