Harakat xavfsizligi – doimiy nazoratda!

“Qoʻqon mintaqaviy temir yoʻl uzeli” filiali boshligʻi oʻrinbosari Q.B.Ahmadjonov boshchiligida navbatdagi “Harakat xavfsizligi kuni” doirasida amaliy koʻrik-tekshiruv tadbirlari oʻtkazildi.
Tekshiruv davomida “Neftchilar” va “Kirgili” stansiyalaridagi quyidagi muhim yoʻnalishlar atroflicha oʻrganildi:
- Stansiya xoʻjaligi: Hududlarning texnik va estetik holati;
- Navbatchilar faoliyati: Stansiya navbatchilarining kunlik ish yuritishi va yoʻriqnomalarga amal qilishi;
- Vagonlar sozligi: Vagonlarni joriy taʼmirlash joylaridagi sharoitlar va jarayon sifati;
- Raqamlashtirish nazorati: Elektron tarozi tizimlarining aniqligi va uzluksiz ishlashi;
- Saralash tepaligi: Gorka saralash tepaligida poyezdlarni shakllantirish va tarqatish ishlarining xavfsiz bajarilishi.

Masʼul xodimlarga ish unumdorligini oshirish va nazoratni yanada kuchaytirish boʻyicha aniq koʻrsatmalar berildi.

Bugun Andijon temir yo‘l masofasi filiali boshlig‘i B.I. Nasirov hamda Andijon lokomotiv deposi filiali boshlig‘i Y.T. Nizomiddinovlar tomonidan Andijon lokomotiv deposi filiali hududida harakat xavfsizligini ta’minlash yuzasidan nazorat ishlari olib borildi.

Nazorat davomida temir yo‘l izlarining texnik holati, strelka o‘tkazgichlarining sozligi ko‘zdan kechirildi.Shuningdek, yo‘l xo‘jaligi xodimlari tomonidan harakat xavfsizligini ta’minlash bo‘yicha belgilangan me’yoriy talablar va xizmat intizomiga rioya etilishi o‘rganildi.

Tekshiruv yakunida aniqlangan kamchiliklarni qisqa muddatlarda bartaraf etish, Yo‘l xo‘jaligini doimiy soz holatda saqlash, strelkali o‘tkazgichlar va temir yo‘l izlariga sifatli texnik xizmat ko‘rsatishni ta’minlash hamda poyezdlar harakati xavfsizligini yanada mustahkamlash yuzasidan mas’ul xodimlarga tegishli topshiriq va ko‘rsatmalar berildi.

HARAKAT XAVFSIZLIGI KUNI

Qo‘qon mintaqaviy temir yo‘l uzeli boshlig‘i B.P.Milladjanov boshchiligida navbatdagi keng qamrovli tekshiruv ishlari amalga oshirildi.
Bu galgi asosiy e’tibor Oltiariq - Marg‘ilon stansiyalari oralig‘idagi temir yo‘l infratuzilmasiga qaratildi.

Ko‘rik davomida hududdagi barcha xo‘jaliklar — yo‘l xo‘jaligi, aloqa va signallashtirish, elektr ta’minoti hamda boshqa tarmoqlarning texnik holati, binolar va sun’iy inshootlarning xavfsizlik talablariga javob berishi batafsil ko‘zdan kechirildi.

Asosiy maqsad, poyezdlar harakati xavfsizligini ta'minlash, yuzaga kelishi mumkin bo‘lgan nosozliklarning oldini olish va temir yo‘l izlari holatini doimiy nazoratda ushlab turishdir.

Marg‘ilon – Andijon-1 yo‘nalishida navbatdagi keng qamrovli ko‘rik o‘tkazildi

“Qo‘qon mintaqaviy temir yo‘l uzeli" filiali bosh muhandisi U.R.Majidov boshchiligida navbatdagi maqsadli va keng qamrovli ko‘rik ishlari tashkil etildi. Maskur ko‘rikda Yo‘l xoʻjaligi, Signalizatsiya va aloqa xoʻjaligi, Elektr ta’minoti masofasi hamda tegishli mutaxassislar ishtirok etishdi.

Ishchi guruh tomonidan Marg‘ilon – Quva – Axtachi – Asaka – Andijon-1 stansiyalari oralig‘idagi:
- Temir yo‘l infratuzilmasi va ob’ektlari;
- Stansiyalar va sun’iy inshootlarning texnik holati;
- Temir yo‘l atrofi hududlarining sanitariya va estetik ko‘rinishi batafsil ko‘zdan kechirildi.

Shuningdek, hududlarda olib borilayotgan obodonlashtirish ishlarining borishi tahlil qilinib, aniqlangan kamchiliklarni qisqa muddatlarda bartaraf etish hamda poyezdlar harakati xavfsizligini yanada yuqori darajada ta’minlash yuzasidan mas’ul xodimlarga aniq va qat'iy topshiriqlar berildi.

Tadbirkorlar bilan ochiq muloqot: Muammolar joyida oʻrganilmoqda

"Oʻzbekiston temir yoʻllari" AJ hamda "Qoʻqon MTU" filiali rahbariyatining tegishli farmoyishlari ijrosini taʼminlash doirasida oʻtkazilgan ushbu ochiq muloqotlarda temir yoʻl stansiyalari orqali yuk tashuvchi yirik korxonalar vakillari ishtirok etishdi.

"Namangan sement" MCHJda: Namangan va Toʻraqoʻrgʻon stansiyalari bilan ishlovchi tadbirkorlarning takliflari tinglandi. Muloqot davomida yuk tashish samaradorligini oshirish uchun yopiq vagonlar bilan taʼminlash masalasi asosiy eʼtibor markazida boʻldi.

"Toshbuloq sement" MCHJda: Namangan va Rovuston stansiyalari orqali faoliyat yurituvchi tadbirkorlar bilan uchrashuv oʻtkazildi. Unda yuk hajmini toʻgʻri hisoblash va jarayonni raqamlashtirish maqsadida 150 tonnalik elektron tarozi oʻrnatish hamda vagon taʼminoti bilan bogʻliq boshqa muhim masalalar atroflicha muhokama qilindi.

Uchrashuvlar davomida koʻtarilgan barcha murojaat va muammolar temir yoʻl masʼullari tomonidan nazoratga olindi.