Temir yoʻl atrofi hududlarining estetik holati va obodonlashtirilishi nazoratda

Bugun Namangan viloyati hokimi boshchiligidagi hokimlik vakillari hamda "Qoʻqon mintaqaviy temir yoʻl uzeli" filiali boshligʻi oʻrinbosari Q.B.Ahmadjonov ishtirokida hududdagi temir yoʻl infratuzilmasi va uning atrofidagi yerlarning holatini oʻrganish maqsadida koʻrik tashkil etildi.

Namangan shahridan "Orzu" stansiyasigacha boʻlgan masofadagi temir yoʻl yoqalari atroflicha koʻzdan kechirildi.

- Temir yoʻl yoqalari va muhofaza hududlarining tozaligi, tartibga keltirilganligi hamda etika-estetika talablariga mosligi koʻrildi.

- Yoʻlovchilarga xizmat koʻrsatuvchi vokzal va stansiyalar binolarining tashqi koʻrinishi, hududdagi yashil maydonlar holati tahlil qilindi.

- Temir yoʻl atrofidagi himoya toʻsiqlari va texnik inshootlarning sozligi oʻrganildi.

Mutasaddilarga obodonlashtirish va koʻkalamzorlashtirish ishlarini tizimli tashkil etish boʻyicha aniq topshiriq va koʻrsatmalar berildi.

Qo‘qon mintaqaviy temir yo‘l uzeli filiali boshlig‘ining 2026-yil 15-iyuldagi 34-sonli farmoyishi ijrosini ta’minlash maqsadida tizimli ishlar amalga oshirilmoqda.

Xususan, harakat xavfsizligini taʼminlash va saralash yo‘llarining texnik holatini yanada yaxshilash uchun bugun, 16-iyul kuni soat 09:00 dan 11:30 gacha ajratilgan maxsus vaqt oralig‘ida (okno) zarur ta’mirlash ishlari olib borildi.

Unda Qo‘qon temir yo‘l masofasi filialining yo‘lsozlari tomonidan Qo‘qon stansiyasining "Shimoliy" parkidagi 16-sonli saralash yo‘lida me’yoridan ortiq yemirilgan R-65 rusumli rels hamda tormoz boshmoqlarini temir yoʻl izidan chiqarib yuboruvchi qurilma (башмакосбрасивател) yangisiga almashtirildi.
Amaliy va tezkor sa’y-harakatlar tufayli rejalashtirilgan ishlar belgilangan muddatda va sifatli yakunlandi.

Poyezdlar harakati xavfsizligi — doimiy nazoratda

“O‘zbekiston temir yo‘llari” AJ Bosh muhandisi Sh.T.Qodirovning havo harorati keskin isib ketishi munosabati bilan bergan topshiriqlari hamda 115A-sonli telegrammasi ijrosini ta’minlash maqsadida navbatdagi ko‘rik o‘tkazildi.

“Qo‘qon MTU” filiali boshlig‘i v.b. U.R.Majidov va PCH-6 korxonasi boshlig‘i X.A.Abdurahmonov boshchiligida Qo‘qon–Buvayda peregonida piyoda yurib tekshirish ishlari olib borildi.

Tekshiruv davomida:
- PCH, ECH va SHCH xizmatlari mutaxassislari bilan hamkorlikda har bir kilometr, temir yo‘l kesishmalari, ko‘priklar va boshqa sun’iy inshootlar ko‘zdan kechirildi.
- Poyezdlar harakati xavfsizligini ta’minlash bo‘yicha doimiy nazorat tadbirlari belgilandi.
- Aniqlangan kamchiliklarni zudlik bilan bartaraf etish yuzasidan mas’ullarga tegishli topshiriqlar berildi.

POYEZDLAR HARAKATI XAVFSIZLIGINI TAʼMINLASH YOʻLIDA

“O‘zbekiston temir yo‘llari” AJ Bosh muhandisi Sh.T.Qodirovning havo haroratining keskin isib ketishi munosabati bilan poyezdlar harakati xavfsizligini ta’minlash yuzasidan bergan topshiriqlari hamda 115A-sonli telegrammasi ijrosini ta’minlash maqsadida amaliy ishlar olib borilmoqda.
Shu munosabat bilan, “Qo‘qon MTU” filiali boshlig‘i v.b. U.R.Majidov va Qamchiq temir yoʻl masofasi boshlig‘i O.J.Mamatqulov boshchiligida “Temiryo‘lobod–Qoʻshminor” peregonida piyoda yurib tekshiruv o‘tkazildi.

Tekshiruv davomida: PCH, ECH va SHCH korxonalari mutaxassislari bilan hamkorlikda har bir kilometr, temir yo‘l kesishmalari, ko‘priklar va boshqa sun’iy inshootlar ko‘zdan kechirildi.

Hozirgi kunda poyezdlar harakati xavfsizligini ta’minlash bo‘yicha doimiy nazorat amalga oshirilmoqda. Tekshiruv davomida aniqlangan kamchiliklarni zudlik bilan bartaraf etish yuzasidan mas’ullarga tegishli topshiriqlar berildi.

“O‘zbekiston temir yo‘llari” AJ bosh muhandisi Sh.T.Qodirovning videoselektor yig‘ilishida berilgan topshiriqlari ijrosini ta’minlash maqsadida Qoʻqon MTU filiali rahbariyati yurtimizda kuzatilayotgan anomal issiq ob-havo sharoiti sababli temir yo‘l infratuzilmasining texnik holatini doimiy nazorat qilish hamda poyezdlar harakati xavfsizligini ta'minlash maqsadida joylarda kuchaytirilgan tekshiruvlar olib borilmoqda.

Jumladan, Qoʻqon MTU filiali boshligʻi v.b. U.R.Majidov hamda tegishli xodimlar tomonidan Qaqir - Furqat stansiyalar oralig'ida piyoda tekshiruv ishlari amalga oshirildi.

Tekshiruv davomida temir yo‘l izlarining texnik holati, relslar harorati hamda harakat xavfsizligiga ta’sir ko‘rsatishi mumkin bo‘lgan omillar atroflicha o‘rganildi.