Angren – Ko‘l uchastkasida rejali texnologik "okno" doirasida ta’mirlash va sozlash ishlari olib borildi

“O‘zbekiston temir yo‘llari” AJ Bosh muhandisi Sh.T. Qodirovning 2026-yil 29-iyuldagi 215-UH-sonli farmoyishi ijrosini ta’minlash maqsadida, “Qo‘qon mintaqaviy temir yo‘l uzeli” filiali boshlig‘i v.b. U.R. Majidov boshchiligida Angren – Ko‘l temir yo‘l uchastkasining belgilangan kilometrlarida rejalashtirilgan texnologik "okno" ajratildi.

Ajratilgan vaqt davomida PCh, ECh, ShCh hamda boshqa tegishli korxona va tashkilotlar mutaxassislari tomonidan quyidagi ishlar tasdiqlangan texnologiya hamda grafik asosida amalga oshirildi:
- Temir yo‘l izini surib to‘g‘rilash va iz yotqizish;
- Ballast qatlamini kesib olish hamda shag‘al to‘kish;
- Kontakt tarmog‘ini yig‘ish, o‘rnatish va sozlash ishlari.

Barcha ishlar mas’ul rahbarlar nazorati ostida, mehnat muhofazasi hamda poyezdlar harakati xavfsizligi talablariga qat’iy rioya qilingan holda muvaffaqiyatli bajarildi.

Tadbirkorlar bilan ochiq muloqotlar davom etmoqda

"Oʻzbekiston temir yoʻllari" AJ boshqaruv raisining farmoyishi hamda "Qoʻqon MTU" filiali boshligʻining topshiriqlariga asosan, bugun, 4-avgust kuni Namangan viloyati Chust tumanidagi "Namangan metallurgiya zavodi"da tadbirkorlar bilan uchrashuv oʻtkazildi.

Jumladan, muloqot davomida quyidagi asosiy masalalar muhokama qilindi:
- Import yoʻnalishida Qozogʻiston va Xitoydan vagonlarda xom ashyo keltirilganda Chust stansiyasiga 50–60 ta vagon bir vaqtda kelib qolishi.
- Vagonlarni zavod hududidagi yuk tushirish frontiga 2 tadan vagon qilib olib kirib-chiqishda manevr teplovozi yoʻqligi sababli vagonlar ishlab chiqarishdan ajralgan holda koʻproq bekor turib qolish holatlarining oldini olish.
- Vagonlarni uzluksiz olib kirib-chiqish uchun alohida manevr teplovozi bilan taʼminlashda amaliy yordam berish masalasi.
- Shohobcha temir yoʻliga vagonlarni olib kirishda va olib chiqishda qulaylik yaratish uchun qoʻshimcha aylanib oʻtish yoʻli qurish masalasi.

Transport prokurori Axtachi temir yo‘l stansiyasidagi ish jarayoni bilan tanishdi

2026-yil 4-avgust kuni O‘zbekiston Respublikasi Transport prokurori I.Sh.Narimov Qoʻqon MTU filiali tasarrufidagi Axtachi temir yo‘l stansiyasiga tashrif buyurib, stansiyada amalga oshirilayotgan ishlar bilan tanishdi.

Tashrif davomida:
▫️ Stansiya xodimlari uchun yaratilgan mehnat va maishiy sharoitlar;
▫️ Xavfsizlik talablariga rioya etilishi hamda amaldagi ish jarayoni ko‘zdan kechirildi.

Shuningdek, yuk tashish sohasida tadbirkorlar duch kelayotgan muammolar muhokama qilinib, yuklarni o‘z vaqtida manzilga yetkazish ustuvor vazifa ekani hamda bu jarayonda sustkashlikka yo‘l qo‘ymaslik lozimligi ta’kidlandi.

Shu bilan birga, temir yo‘l sohasida joriy etilayotgan raqamlashtirish jarayonlari va elektron xizmatlar ko‘zdan kechirilib, xizmatlar sifatini yanada oshirish hamda yuk tashish jarayonlarini samarali tashkil etish bo‘yicha tegishli topshiriqlar berildi.

Transport prokurori  Neftchilar temir yo‘l stansiyasidagi ish jarayoni bilan tanishdi

2026-yil 5-avgust kuni O‘zbekiston Respublikasi Transport prokurori I.Sh.Narimov Qoʻqon MTU filiali tasarrufidagi Neftchilar temir yo‘l stansiyasiga tashrif buyurib, stansiyada amalga oshirilayotgan ishlar bilan tanishdi.

Tashrif davomida:
▫️ Stansiya xodimlari uchun yaratilgan mehnat va maishiy sharoitlar;
▫️ Xavfsizlik talablariga rioya etilishi hamda amaldagi ish jarayoni ko‘zdan kechirildi.

Shuningdek, yuk tashish sohasida tadbirkorlar duch kelayotgan muammolar muhokama qilinib, yuklarni o‘z vaqtida manzilga yetkazish ustuvor vazifa ekani hamda bu jarayonda sustkashlikka yo‘l qo‘ymaslik lozimligi ta’kidlandi.

Shu bilan birga, temir yo‘l sohasida joriy etilayotgan raqamlashtirish jarayonlari va elektron xizmatlar ko‘zdan kechirilib, xizmatlar sifatini yanada oshirish hamda yuk tashish jarayonlarini samarali tashkil etish bo‘yicha tegishli topshiriqlar berildi.

"O'zbekiston temir yo'llari" AJ bosh muhandisi Sh. T. Kadirovning 2026-yil 5-avgustdagi 228-YH-sonli farmoyishi ijrosini ta'minlash maqsadida,
“Temiryo‘linfratuzilma” AJ “Qo‘qon mintaqaviy temir yo‘l uzeli” filiali “Andijon temir yo‘l masofasi” filiali boshlig‘i B.I. Nasirov boshchiligida "Qo'qon mintaqaviy temir yo'l uzeli" filiali tasarrufidagi Andijon-1 blok posti 331-blok post Andijon-2 - Yangi Andijon stansiyalari oralig'ining 187 km PK7 (331 km PK2) qismida temir yo'l izining egriligini bartaraf etish maqsadida temir yo'l izi hamda strelkali o'tkazgichni surib to'g'rilash ishlari uchun "okno" tashkil etildi.

"Okno" boshlanishidan avval xodimlar bilan mehnatni muhofaza qilish hamda texnika xavfsizligi bo'yicha yo'riqnoma o'tkazilib, ishlarni belgilangan talablar asosida xavfsiz va sifatli bajarish yuzasidan tegishli ko'rsatmalar berildi.

Mazkur ishlar temir yo'l infratuzilmasining ishonchliligini yanada oshirish, temir yo'l izining texnik holatini me'yoriy talablar darajasiga keltirishga xizmat qiladi.

Qo‘qon stansiyasi saralash parkida modernizatsiya ishlari davom etmoqda

"Qo‘qon MTU" filiali boshlig‘ining 2026-yil 6-avgustdagi 42-sonli farmoyishiga asosan, Qo‘qon stansiyasi saralash parkining 32-sonli temir yo‘lidagi yaroqsiz holga kelgan R-65 tipli rels hamda tormoz boshmoqlarini temir yoʻl izidan chiqarib yuboruvchi qurilmani almashtirish jarayoni amalga oshirilmoqda.

Ayni paytda "PCh" korxonasining 3-bo‘linmasi ishchilari tomonidan ajratilgan "okno" oralig‘ida olib borilayotgan ushbu ta’mirlash va tiklash ishlari belgilangan tartibda va xavfsizlik qoidalariga rioya etilgan holda nazorat qilinmoqda.