Qoʻqon–Qaqir peregonida temir yoʻl infratuzilmasi piyoda koʻzdan kechirildi

Qoʻqon mintaqaviy temir yoʻl uzeli bosh muhandisi U.R.Majidov boshchiligida Qoʻqon–Qaqir peregonida temir yoʻl xoʻjaligi obyektlari piyoda yurib toʻliq koʻzdan kechirildi.
Oʻrganish davomida PCH, ShCH, ECH va TCh korxona rahbarlari ishtirokida “Dolzarb 60 kunlik” doirasidagi vazifalar ijrosi qatʼiy nazoratga olindi.

Jumladan:

- Yoʻl xoʻjaligi, avtomatika, elektr taʼminoti va vagonsozlik yoʻnalishlarida harakat xavfsizligini taʼminlash boʻyicha dolzarb masalalar koʻrib chiqildi

-  Mehnat muhofazasi, sanoat va elektr xavfsizligi talablariga qatʼiy rioya etilishi alohida nazoratga olindi.

- Aniqlangan kamchiliklarni tezkorlik bilan bartaraf etish boʻyicha masʼul rahbarlarga aniq topshiriqlar berilib, qatʼiy bajarish muddatlari belgilandi.

Temir yoʻl izlari va infratuzilmasida xavfsizlikni taʼminlash borasidagi bu kabi nazorat tadbirlari davom ettirilmoqda.

Qoʻqon stansiyasida ko‘rgazmali Komission oylik ko‘rigi o‘tkazildi

Bugun, 2026-yil 9-sentyabr kuni harakat xavfsizligini ta’minlash, infratuzilmani yanada yaxshilash hamda mehnat muhofazasi talablariga qat’iy rioya etilishini ta’minlash maqsadida Qo‘qon stansiyasida Qo‘qon mintaqaviy temir yo‘l uzeli boshlig‘i o‘rinbosari SH.M.Komiljonov boshchiligida o‘tkazilgan ko‘rgazmali komission oylik ko‘rigida stansiya boshliqlari va korxonalarning birinchi rahbarlari shaxsan ishtirok etdilar.

Ko‘rik davomida quyidagi ustuvor yo‘nalishlar atroflicha o‘rganildi:

- Temiryo‘l izlari, xo‘jalik obyektlari va mavjud texnik vositalarning qishki mavsumga hamda kunlik talablarga tayyorgarligi.

- Poyezdlar harakati xavfsizligini ta’minlash bo‘yicha belgilangan qoidalarga og‘ishmay amal qilinishi.

- Ishlab chiqarish jarayonlaridagi tartib-intizom, xodimlarning o‘z vazifalariga mas’uliyat bilan yondashishi

Tadbir yakunida tegishli chora-tadbirlar belgilab olindi.

Angren — Pop uchastkasida keng koʻlamli ishlar olib borilmoqda.

Temir yoʻl xoʻjaligini yaxshilash va mavjud kamchiliklarni bartaraf etish jarayonlarining samaradorligi va sifatini taʼminlash maqsadida "Qoʻqon mintaqaviy temir yoʻl uzeli bosh muhandisi U.R.Majidov boshchiligidagi masʼullar tomonidan ishlar joyiga chiqqan holda koʻzdan kechirildi.

Jarayonda zamonaviy maxsus texnikalar jalb etilib, temir yoʻl izlarini joriy saqlash va xavfsizligini taʼminlash boʻyicha belgilangan chora-tadbirlar izchil bajarilmoqda.

Masʼullar tomonidan ishlar sifatiga alohida eʼtibor qaratilib, kelgusidagi vazifalar yuzasidan tegishli koʻrsatmalar berildi.

HARAKAT XAVFSIZLIGI KUNI

Qo‘qon mintaqaviy temir yo‘l uzeli filiali boshlig‘i B.P.Milladjanov navbatdagi "Harakat xavfsizligi kuni" munosabati bilan Oltiariq vagonlarni bug‘lab yuvish korxonasida bo‘lib, u yerdagi ish jarayonlarini yaqindan ko‘zdan kechirdi.

Tekshiruv davomida quyidagi asosiy masalalarga alohida e'tibor qaratildi:

- Vagonlarni tozalash, tayyorlash va ekspluatatsiya qilish jarayonida texnik xavfsizlik qoidalariga qat'iy rioya etilishi nazorat qilindi.

- Korxonaning bug‘lash va yuvish sexlari faoliyati, uskunalar va texnologik jarayonlarning sozligi o‘rganildi.

- Ishchilar uchun yaratilgan mehnat sharoitlari, ularning xavfsizlik texnikasi bo‘yicha yo‘riqnomalarga amal qilishi ko‘zdan kechirildi.

Filial boshlig‘i harakat xavfsizligi har qanday temir yo‘l korxonasining ustuvor vazifasi ekanligini ta'kidlab, har bir xodim o‘z ishiga mas'uliyat bilan yondashishi lozimligini eslatdi.

Qo‘qon temir yo‘l vokzalida jamoat xavfsizligi va xizmat samaradorligi nazorat qilindi

Joriy yilning 9-sentyabr kuni Ichki ishlar vaziri o‘rinbosari, general-mayor Baxodir Mirzaraximov tomonidan Fargʻona viloyati Transportda xavfsizlikni taʼminlash boshqarmasi shaxsiy tarkibining xizmat faoliyati o‘rganildi.

Tadbir davomida “Qo‘qon mintaqaviy temir yo‘l uzeli” filiali boshlig‘i B.P.Milladjanov hamrohligida Qo‘qon temir yo‘l vokzalida amalga oshirilayotgan ishlar ko‘zdan kechirildi.

Xususan, temir yo‘l transporti obyektlarida jamoat tartibini saqlash, fuqarolar xavfsizligini taʼminlash, huquqbuzarliklarning oldini olish hamda yo‘lovchilar uchun yaratilgan shart-sharoitlar muhokama qilindi.

O‘rganishlar davomida temir yo‘l infratuzilmasi va xavfsizlik tizimlarini yanada takomillashtirish, idoralararo hamkorlikni kuchaytirish hamda xizmat intizomini mustahkamlash yuzasidan masʼullarga tegishli ko‘rsatma va tavsiyalar berildi.