📚 "Qo‘qon MTU zukko kitobxon – 2026" ko‘rik-tanlovi g‘oliblari aniqlandi!
Bugun Qo‘qon mintaqaviy temir yo‘l uzeli tizimida faoliyat yuritayotgan tashabbuskor va kitobxon xodimlar o‘rtasida "Qo‘qon MTU zukko kitobxon – 2026" ko‘rik-tanlovi bo‘lib o‘tdi.
Tanlov natijalariga ko‘ra:
🥇 1-o‘rin:Mamasoliyeva Zilola — Qo‘qon elektr ta’minoti masofasi filiali elektromontyori;
🥈 2-o‘rin:A’zamov Po‘latjon — Oltiariq vagonlarni bug‘lab yuvish masofasi filiali xodimlar va ijtimoiy masalalar bo‘yicha mutaxassisi;
🥉 3-o‘rin:Azizova Sarvinozxon — Qo‘qon temir yo‘l masofasi filiali raqamlashtirish muhandisi.
🎁 Tanlov yakunida g‘olib va sovrindorlar tashkilotchilar tomonidan Fahrli yorliqlar hamda esdalik sovg‘alari bilan munosib taqdirlandilar.
Faxrli 1-o‘rinni qo‘lga kiritgan Mamasoliyeva Zilola endilikda "O‘zbekiston temir yo‘llari" AJ miqyosida o‘tkaziladigan "Zukko kitobxon – 2026" ko‘rik-tanlovida Qo‘qon MTU sharafini himoya qiladi. Hamkasbimizga respublika bosqichida omad va ulkan zafarlar tilaymiz! 👏🏆

"INDORAMA KOKAND FERTILIZERS AND CHEMICALS" AJ vakillari bilan uchrashuv boʻlib oʻtdi

"Qoʻqon" temir yoʻl stansiyasi boshligʻi hamda sohaga mas'ul xodimlar hamkor tashkilot — "INDORAMA KOKAND FERTILIZERS AND CHEMICALS" AJ vakillari va tadbirkorlari bilan rasmiy uchrashuv oʻtkazishdi.

Muloqot davomida yuk tashish samaradorligini oshirish, vagonlarni oʻz vaqtida uzatish va yuklash-boʻshatish jarayonlarini tezlashtirish masalalari muhokama qilindi. Shuningdek, kelgusida amalga oshiriladigan istiqbolli reijalar hamda aniq chora-tadbirlar kelishib olindi.

Temir yoʻl mas'ullari tomonidan tadbirkorlarga logistika jarayonlarini yengillashtirish va yuzaga kelayotgan masalalarni operativ hal etish boʻyicha zarur tavsiya hamda yechimlar berildi.
Bunday amaliy uchrashuvlar oʻzaro manfaatli hamkorlikni yanada mustahkamlashga va hududdagi yuk tashish hajmishini oshirishga xizmat qiladi.

«Qoʻqon MTU» filialida harakat xavfsizligi kuni tadbirlari

Bugun «Harakat xavfsizligi kuni» munosabati bilan Qoʻqon mintaqaviy temir yoʻl uzeli filiali boshligʻi B.P.Milladjanov rahbarligida temir yoʻl infratuzilmasini yaxshilash hamda poyezdlar harakati xavfsizligini taʼminlashga qaratilgan amaliy ishlar koʻzdan kechirildi.

Xususan, Neftchilar va Quva stansiyalari oraligʻidagi 264-kilometr 6-piketdan 265-kilometr 3-piketgacha boʻlgan masofada temir yoʻlni tubdan taʼmirlash ishlariga qizgʻin tayyorgarlik koʻrilmoqda. Tayyorgarlik jarayonining muhim bosqichi sifatida mavjud uloqsiz relslarni mavsumiy kalta relslarga almashtirish boʻyicha taʼmirlash-sozlash ishlari olib borilmoqda.

Filial rahbari bevosita ishlarni joyiga tashrif buyurib, texnik jarayonlarning belgilangan standartlar hamda xavfsizlik qoidalariga mos holda bajarilishini yaqindan koʻzdan kechirdi va masʼullarga tegishli topshiriqlarni berdi.

🚇 Qo‘qon mintaqaviy temir yo‘l uzelida keng ko‘lamli "Xavfsiz hudud" profilaktik tadbirlari olib borilmoqda

Yaqinda uzelda yuqori tezlikda harakatlanuvchi yo‘lovchi poyezdlari qatnovi yo‘lga qo‘yilgani munosabati bilan temir yo‘l hududlarida xavfsizlik choralarini yanada kuchaytirish dolzarb ahamiyat kasb etmoqda.

Mas’ul xodimlar temir yo‘l izlari va inshootlariga yaqin maktab hamda ta’lim muassasalarida bo‘lib, o‘quvchilar bilan uchrashuvlar o‘tkazmoqda, xavfsizlik qoidalarini misollar bilan tushuntirmoqda. Maqsad — yosh avlodda ehtiyotkorlik va mas’uliyat ko‘nikmasini shakllantirish hamda baxtsiz hodisalarning oldini olish.

Eslatib o‘tamiz:
✅ Temir yo‘lni faqat belgilangan o‘tish joylaridan kesib o‘ting
✅ Izlar yonida selfi olmang, quloqchin taqmang
✅ Bolalarni nazoratsiz qoldirmang

🤝 Hurmatli fuqarolar va yoshlar! O‘z hayotingiz va salomatligingizga befarq bo‘lmang, temir yo‘l xavfsizligi qoidalariga qat’iy amal qiling!

Oʻzbekiston Respublikasi Prezidentining 2024-yil 4-dekabrdagi PQ-421-sonli “Jamoaviy sport turlarini rivojlantirish va iqtidorli yoshlarni saralab olish tizimini takomillashtirish maqsadida “O‘zbekiston temir yo’llari” AJ boshqaruv raisi Z.G‘. Narzullayevning 2025-yil 20-yanvardagi 26-H-sonli buyruq ijrosini ta’minlashda hamda temiryo‘lchi xodimlar orasida sog‘lom turmush tarzini keng rivojlantirish maqsadida, 2026-yil 8-oktyabr kuni "Qoʻqon mintaqaviy temir yo’l uzeli" filiali Marg’ilon stansiyasida, Oxunboboyev hamda Marg’ilon stansiyalari yoshlari va ishchi xodimlar o’rtasida sportni stol tennisi bo’yicha turnir bo’lib o’tdi. Turnir davomida yoshlar va ishchi xodimlar sportga qiziqishlarini ko’rsatib berdilar.

Shiddatli hamda qizg'in kechgan turnir natijasida quyidagilar o'rinlarni egalladilar:

🥇1-o’rin Qodirov Xadyatillo Marg’ilon st PSG
🥈2-o’rin Axmedov Izzatillo Marg’ilon st DSPP
🥉3-o’rin Mallaboyev Abdumajid Oxunboboyev st DSP

G‘oliblar qimmatbaho sovrinlar bilan munosib taqdirlandilar.