Ўзбекистон Республикаси ҳудудида ўтказилаётган “Соғлом ва хавфсиз юрт” кенг қамровли профилактик тадбири доирасида Қува тумани Қўриқлаш хизмати бошлиғи ҳамда шахсий таркиби томонидан туман ҳудудидаги маҳаллаларда аҳоли ва тадбиркорлик субъектлари билан манзилли тарғибот ишлари олиб борилди.

Тарғибот тадбирлари давомида фуқароларга Қўриқлаш хизматининг замонавий имкониятлари, техник қўриқлаш воситаларининг афзалликлари, мол-мулк дахлсизлигини ишончли таъминлаш ҳамда ҳуқуқбузарлик ва жиноятларнинг олдини олишдаги аҳамияти юзасидан атрофлича тушунтиришлар берилди.

Олиб борилган тарғибот ишлари натижасида бир қатор савдо объектлари ва фуқаро хонадонларини техник қўриқлаш пульти (ТҚП) орқали қўриқловга қабул қилишга эришилди.

Қува тумани ИИБ ҳузуридаги Қўриқлаш хизмати томонидан аҳоли ва тадбиркорлик субъектларининг мол-мулки хавфсизлигини таъминлашга қаратилган профилактик ҳамда тарғибот тадбирлари изчил давом эттирилмоқда.

Telegram| Facebook | Instagram | Youtube | X

Қува туманида тадбиркорлар муаммолари юзасидан қабул ўтказилди

Қува туман ҳокимлигида “Тадбиркорликни ривожлантириш компанияси” акциядорлик жамияти, Фарғона вилояти ҳокимлиги ҳамда Қува туман ҳокимлиги ҳамкорлигида тадбиркорлар учун навбатдаги қабул ташкил этилди.

Қабулда Қува тумани ҳокими Халимжон Умаров, вилоятдаги масъул бошқарма вакиллари, туман ҳокими ўринбосарлари, корхона ва ташкилотлар раҳбарлари ҳамда туманда фаолият юритаётган тадбиркорлар иштирок этди.

Тадбир аввалида мутахассислар томонидан тадбиркорлик субъектларини қўллаб-қувватлашга қаратилган давлат сиёсати, соҳада амалга оширилаётган ислоҳотлар, тадбиркорларга тақдим этилаётган молиявий ва номолиявий хизматлар, янги қўллаб-қувватлаш механизмлари ҳамда мавжуд имкониятлар ҳақида батафсил маълумот берилди.

Шунингдек, “Тадбиркорликни ривожлантириш компанияси” АЖ томонидан тадбиркорлик лойиҳаларини молиявий қўллаб-қувватлаш, кафиллик ва компенсация механизмлари, инвестиция лойиҳаларини амалга ошириш ҳамда бизнесни кенгайтириш бўйича яратилган имкониятлар юзасидан тушунтиришлар берилди.

Қабул давомида тадбиркорлар томонидан кредит маблағлари ажратиш, ер муносабатлари, муҳандислик-коммуникация тармоқларига уланиш, ишлаб чиқаришни кенгайтириш ҳамда бошқа йўналишларда билдирилган мурожаатлар бирма-бир тингланди. Айрим масалалар жойида ҳал этилди, қўшимча ўрганиш талаб этувчи мурожаатлар бўйича эса масъулларга аниқ муддатлар белгилаган ҳолда тегишли топшириқлар берилди.

Таъкидланганидек, тадбиркорликни ҳар томонлама қўллаб-қувватлаш, мавжуд муаммоларни тезкор ҳал этиш ва инвестициявий муҳитни янада яхшилаш бўйича бундай очиқ мулоқотлар келгусида ҳам мунтазам давом эттирилади.

Telegram| Facebook | Instagram | Youtube | X