QUVA TUMANIDA AMALGA OSHIRILAYOTGAN ISHLAR JOYIGA CHIQQAN HOLDA O‘RGANILDI

 

✅ Oliy Majlis Senati a’zosi Z. Raxmanov, xalq deputatlari Quva tuman Kengashi raisi Z. Ashurov, viloyat Kengashi kotibiyati mudiri Sh. Karimov hamda xalq deputatlari Quva tuman Kengashi deputatlari bilan birgalikda tumanda amalga oshirilayotgan infratuzilma, qishloq xo‘jaligi, aholi bandligini ta’minlash va tadbirkorlikni rivojlantirishga qaratilgan ishlar holati joyiga chiqqan holda o‘rganildi.
 
✏️ O‘rganishlar davomida “Karkidon” suv ombori hududida amalga oshirilayotgan infratuzilma va qishloq xo‘jaligi loyihalari bilan tanishildi. Hududning mavjud imkoniyatlaridan samarali foydalanish, qishloq xo‘jaligi yo‘nalishidagi ishlarni yanada rivojlantirish hamda istiqbolda amalga oshirilishi rejalashtirilgan loyihalar bo‘yicha fikr almashildi.
 
▫️ Shuningdek, “QUVA AGROSTAR” korxonasi faoliyati o‘rganilib, qishloq xo‘jaligi mahsulotlarini yetishtirish va qayta ishlash jarayonlari, ishlab chiqarish salohiyati, mavjud imkoniyatlar hamda ulardan samarali foydalanish masalalari ko‘rib chiqildi.
 
🔵 O‘rganishlar “Yangi Quva” mahalla fuqarolar yig‘inida ham davom ettirilib, “mahalla yettiligi”ning aholi bilan ishlash tizimiga alohida e’tibor qaratildi. Xususan, xonadonbay ishlash, aholining mavjud imkoniyat va salohiyatini aniqlash, ishsiz fuqarolarni bandlikka jalb etish, oilaviy tadbirkorlik va kasanachilikni rivojlantirish, aholi daromadlarini oshirish hamda yangi daromad manbalarini yaratish bo‘yicha amalga oshirilayotgan ishlar manzilli tahlil qilindi.
 
🔵 Shu bilan birga, aholi murojaatlari bilan ishlash, ijtimoiy himoyaga muhtoj oilalarni qo‘llab-quvvatlash va mavjud muammolarni mahallaning o‘zida hal etish borasidagi yondashuvlar ham ko‘rib chiqildi.

🌐 Instagram|  ✅ Telegram |✅ Facebook| 📹 Youtube 🦅 E-Kengash

Ёшлар муаммоси — эътибор ва амалий кўмак

Қува туманида “Пайшанба — Ёшлар куни” доирасида ёшларнинг муаммо ва таклифларини бевосита ўрганиш, уларни қўллаб-қувватлаш ҳамда ташаббусларини рўёбга чиқаришга алоҳида эътибор қаратилмоқда.

Шу мақсадда туман ҳокими Халимжон Умаров ҳудудларда ёшлар хонадонларига ташриф буюриб, улар билан очиқ мулоқотлар ўтказмоқда.

Жумладан, Хонабод маҳалласида истиқомат қилувчи Асадбекнинг хонадонига ташриф давомида унинг фикр ва таклифлари тингланди, мавжуд эҳтиёжлари ўрганилди.

Асадбекнинг мурожаатига асосан унга компьютер жамланмаси топширилди.

Бу каби амалий кўмаклар ёшларнинг замонавий билим ва кўникмаларини ошириш, рақамли технологиялардан самарали фойдаланиш, таълим олиш ва келгусида ўз касбий фаолиятини йўлга қўйиши учун муҳим имконият яратади.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | X

Аҳоли мурожаатлари жойида ўрганилиб, ечимлар белгиланмоқда

Қува туманида аҳоли мурожаатларини жойларда ўрганиш, фуқароларни қийнаб келаётган муаммоларни аниқлаш ва уларни ижобий ҳал этишга қаратилган сайёр қабуллар тизимли равишда ўтказилмоқда.

Навбатдаги сайёр қабул туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Улуғбек Солижонов томонидан ўтказилди.

Қабул давомида фуқароларнинг мурожаат, таклиф ва муаммолари батафсил тингланиб, уларнинг мазмун-моҳияти ўрганилди. Мурожаатларда кўтарилган масалалар юзасидан масъулларга тегишли вазифалар белгилаб берилди.

Шунингдек, ҳал этилиши қўшимча ўрганишни талаб қиладиган масалалар бўйича масъул ташкилотлар билан ҳамкорликда амалий чоралар кўриш, мурожаатларнинг ижросини назоратга олиш бўйича вазифалар белгиланди.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | X

Қува туманига Хитой инвестициялари ва янги ҳамкорлик лойиҳалари

Қува тумани ҳокими Халимжон Умаров Хитойлик инвесторлар билан туманда инвестициявий ҳамкорликни кенгайтириш масалалари бўйича учрашув ўтказди.

Учрашувда Chjan Chjunxua бошчилигидаги Yuxiang Instrument Co., Ltd. компанияси вакиллари иштирок этиб, Қува туманида қишлоқ хўжалиги маҳсулотларини етиштириш ва қайта ишлаш, шунингдек, паррандачилик йўналишида инвестиция лойиҳаларини амалга ошириш ҳамда ўзаро ҳамкорликни йўлга қўйиш масалалари муҳокама қилинди.

Мулоқот давомида туманнинг қишлоқ хўжалиги салоҳияти, мавжуд имкониятлар ва инвестиция киритиш учун истиқболли йўналишлар юзасидан фикр алмашилди. Хитойлик тадбиркорлар томонидан мазкур соҳаларда замонавий технологияларни жорий этиш, ишлаб чиқариш ҳажмини ошириш ва янги лойиҳаларни амалга ошириш бўйича таклифлар билдирилди.

Шунингдек, учрашувда Хитойлик тадбиркор жаноб Li Xinjianга Хитойнинг Шимоли-шарқий қисмида жойлашган Ички Мўғулистон, Хейлонгджианг ва Ляонин вилоятларидан Қува туманига инвестицияларни жалб этиш, ўзаро ҳамкорликни йўлга қўйиш ва янги келишувларга эришиш йўналишида жамоатчилик асосида маслаҳатчи вазифаси юклатилди.

Унга туман ҳокимининг ишончномаси топширилиб, келгусида Хитой тадбиркорлик доиралари билан алоқаларни янада мустаҳкамлаш, инвестиция лойиҳаларини шакллантириш ва уларни амалга оширишда ҳамкорлик қилиш белгиланди.

Учрашув якунида томонлар Қува тумани ва Хитой тадбиркорлик доиралари ўртасидаги инвестициявий ҳамкорликни янги босқичга олиб чиқиш, истиқболли лойиҳаларни амалга ошириш ва ўзаро манфаатли келишувларни мустаҳкамлашга келишиб олдилар.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | X