Prezident Shavkat Mirziyoyevning davlat mustaqilligining 35 yilligi munosabati bilan so‘zlagan tabrigidan asosiy fikrlar (birinchi qism):

📌Buyuk istiqlolimizning ildizlari uch ming yildan ziyod bo‘lgan davlatchilik an’analarimiz va qadimiy sivilizatsiyamiz tarixiga borib taqaladi;

📌 Mustaqillik, eng avvalo, bizga shonu sharafimizni, muqaddas dinimizni, ona tilimizni, unutilayotgan milliy qadriyatlarimizni qaytarib berdi;

📌 Bugungi erkin hayot uchun jonini fido qilgan ulug‘ ajdodlarimiz, jadidlar xotirasiga ta'zim bajo keltiramiz;

📌 Birinchi Prezidentimiz, atoqli davlat va siyosat arbob Islom Abdug‘aniyevich Karimovning yorqin xotirasini ehtirom bilan yod etamiz;

📌 Islohotlarni boshlagan birinchi kunlardanoq xalqning qalbiga quloq soldik, aholining dardiga darmon bo‘lishni maqsad qildik;

📌 "Paxta qulligi", "majburiy mehnat va bolalar mehnati", "konvertatsiya cheklovi", "propiska" kabi odamlarni yillar davomida qiynab kelgan muammolarga barham berdik;

📌 Har bir inson erkin va farovon yashaydigan jamiyatni barpo etish uchun keyingi 10 yilda tinimsiz izlandik, qattiq mehnat qildik. O‘zbekistonni dunyoga keng ochdik;

📌 2030-yilda borib yalpi ichki mahsulot hajmini 160 milliard dollarga yetkazishni reja qilgan edik. Bu vazifani shu yilning o‘zida ortig'i bilan amalga oshiramiz va daromadi o‘rtachadan yuqori bo‘lgan davlatlar qatoriga kiramiz;

📌 Bugungi kunda kambag'allik darajasini 2017-yildagi 35 foizdan 4 foizga tushurishga erishdik. 10 million nafar insonning turmush sifati yaxshilandi;

📌 Mamlakatimiz oliy ta’lim muassasalari talabalarining yarmidan ko‘pini qizlar va ayollar tashkil etadi. Bilimli qizlar — bilimli oila, bilimli avlod, ma’rifatli jamiyat deganidir;

📌Ta’lim bilan bir qatorda ilm-fan, zamonaviy texnologiya va innovatsiyalarni ham taraqqiyotimizning hal qiluvchi omili deb bilamiz;

📌 Mening niyatim: O‘zbekiston texnologiya sohalarida jahonga ilg‘or tashabbuslarni taklif qiladigan markazga aylanishi zarur.

Facebook|Instagram|X

Prezident Shavkat Mirziyoyevning davlat mustaqilligining 35 yilligi munosabati bilan so‘zlagan tabrigidan asosiy fikrlar (ikkinchi qism):

📌 Aholining o‘rtacha umr ko‘rish davomiyligi 1991-yildagi 66,4 yoshdan 2025-yilda 75,4 yoshga yetgani, go‘daklar va onalar o‘limi ko‘rsatkichi 4 barobar kamaygani sohadagi islohotlarimizning eng muhim natijasidir;

📌 Mamlakatimiz taraqqiyotning mutlaqo yangi davriga qadam qo‘ymoqda. Kelgusi o‘n yillik biz uchun milliy yuksalish davri bo‘ladi;

📌 Kelgusi yillarda yurtimizda inson qadrini yanada yuksaltiradigan 7 ta milliy dasturni amalga oshiramiz;

📌 Birinchi milliy dastur bilim va malakani kelgusi taraqqiyotimizning asosiy kapitaliga aylantirishdan iborat bo‘ladi;

📌 Tibbiyotda profilaktikani kuchaytirish orqali salomatlikni asrash modeliga o‘tamiz. Davlat tibbiy sug‘urtasi mamlakatning barcha xonadonlariga kirib boradi;

📌 2030-yilgacha yalpi ichki mahsulot hajmi 300 milliard dollarga yetkaziladi;

📌 To‘rtinchi milliy dastur suv va tabiatga munosabatni tubdan o‘zgartirishga qaratiladi;

📌Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz;

📌Mahalla jamiyat taraqqiyotining asosiy buyurtmachisiga aylantiriladi;

📌 O‘zbekistonni xalqaro diplomatiyaning muhim markaziga aylantirish uchun ko‘pqirrali, vazmin va muvozanatli tashqi siyosatni davom ettiramiz;

📌 Biz bugun kechagidan kuchlimiz. Nasib etsa, ertaga bundan ham kuchli bo‘lamiz;

📌 Xalq va davlat yagona maqsad yo‘lida birlashib, astoydil harakat qilsa, zabt etib bo‘lmaydigan marraning o‘zi yo‘q. Bunday buyuk qudratga ega xalq va davlatni yenga oladigan kuchning o‘zi yo‘q;

📌 Matonatli, mard va olijanob xalqimiz o‘z oldiga qo‘ygan ulug‘ maqsadlarga albatta yetadi.

Facebook|Instagram|X

Prezident Shavkat Mirziyoyevning O‘zbekiston Respublikasi davlat mustaqilligining o‘ttiz besh yilligiga bag‘ishlangan tantanali marosimdagi nutqi
—
Выступление Президента Шавката Мирзиёева на торжественной церемонии, посвященной 35-летию государственной независимости Республики Узбекистан

Prezident.uz|Facebook|Instagram|YouTube|X

O‘ZBEK KLASSIKOSI — FARG‘ONADA!

Sevimli “Neftchi” jamoamizning qadrli muxlislari!

Sizlarni 29-avgust, 19:00 da Farg‘onadagi “Istiqlol” stadioniga chorlaymiz!

O‘zbekiston kubogi 1/8 final bosqichi doirasida “Neftchi” jamoasi azaliy raqibi — “Paxtakor”ga qarshi maydonga tushadi.

Bu bahsda futbolchilarimiz maydonda bor kuch va mahoratini namoyish etib, g'alaba va muxlislar ishonchini oqlash uchun kurashadilar.

Aziz muxlislar!

Jamoamizning eng katta kuchi — sizning qo‘llab-quvvatlashingizdir! Stadiondagi har bir qarsak, har bir hayqiriq futbolchilarimizga kuch va g‘alaba ruhini beradi.

Keling, “Neftchi”ni birgalikda chorak final sari yetaklaylik!

Biz — birgalikda kuchmiz!

Olg‘a, “Neftchi”!
Olg‘a, Farg‘ona!

Fergana.gov.uz|Facebook|Instagram|Youtube|X

O‘ttiz besh yillik mustaqil taraqqiyot yo‘limiz bizga bir haqiqatni o‘rgatdi: xalq va davlat yagona maqsad yo‘lida birlashib, astoydil harakat qilsa, zabt etib bo‘lmaydigan marraning o‘zi yo‘q.
—
За тридцать пять лет независимого развития мы глубоко осознали одну истину: если народ и государство объединят усилия на пути к единой цели, то для них не будет недостижимых рубежей.

Prezident.uz|Facebook|Instagram|YouTube|X

“Neftchi” g‘alaba qozondi!

Farg‘onadagi “Istiqlol” stadionida O‘zbekiston kubogi 1/8 final bosqichida “Neftchi” va “Paxtakor” o‘rtasidagi qiziqarli bahs bo‘lib o‘tdi.

Keskin va murosasiz kechgan uchrashuvda sevimli jamoamiz “Neftchi” 1:0 hisobida g‘alaba qozonib, kubokning chorak finali sari muhim qadam tashladi.

Gol: Stipe Peritsa, 81 (1:0)
 
Olg‘a, “Neftchi”!
Olg‘a, Farg‘ona!

Fergana.gov.uz|Facebook|Instagram|Youtube|X

Ассалому алайкум
Ҳурматли юртдошлар!

Сизларни Ўзбекистон Республикаси давлат мустақиллигининг 35 йиллик шонли байрами билан чин қалбимдан самимий муборакбод этаман!

Мустақиллик — халқимизнинг асрий орзу-умидларини рўёбга чиқарган, юртимиз тараққиёти ва фаровон ҳаётининг мустаҳкам пойдевори, келажагимизга очилган буюк имкониятлар тимсолидир.

Шу улуғ айёмда барчангизга сиҳат-саломатлик, оилавий бахт-саодат, хонадонларингизга тинчлик-хотиржамлик ва файзу барака тилайман.
Юртимиз тинч, осмонимиз мусаффо, халқимиз ҳамиша бахтли ва фаровон бўлсин!

Мустақиллигимиз абадий бўлсин!

Ўзбекистон Республикаси Мустақиллигининг 35 йиллиги муборак бўлсин!

Халимжон Умаров
Қува тумани ҳокими

🔔Bizni ijtimoiy tarmoqlarda kuzating:
Telegram| Facebook | Instagram | Youtube | X

ҲУРМАТЛИ ҚУВАЛИКЛАР ВА ТУМАНИМИЗ МЕҲМОНЛАРИ!

Сизни энг улуғ, энг азиз айёмимиз — Ўзбекистон Республикаси Мустақиллигининг 35 йиллиги муносабати билан ўтказиладиган концерт дастурига таклиф этамиз!

🗓 Кун: Бугун, 31 август
⏰ Вақт: Соат 19:00 да
📍 Манзил: Қува тумани маркази, Аҳмад ал-Фарғоний мажмуаси

Байрам шодиёнасида барчангизни кутиб қоламиз!