Қува тумани Давлат солиқ инспекциясида маънавий-маърифий учрашув ўтказилди.

Қува тумани Давлат солиқ инспекцияси ишчи-ходимлари иштирокида “Ёшларимизни ёт ғоялардан асрайлик” мавзусида маънавий-маърифий учрашув ўтказилди.

Тадбирдан кўзланган асосий мақсад — ёшларни турли ёт ғоялар, зарарли ахборотлар ва салбий таъсирлардан асраш, уларда миллий қадриятларимизга ҳурмат, Ватанга садоқат ва юксак маънавий иммунитетни шакллантиришдан иборат.

Учрашув давомида бугунги ахборот маконида ёшлар онги ва дунёқарашига салбий таъсир кўрсатиши мумкин бўлган турли ғоявий таҳдидлар, интернет ва ижтимоий тармоқлардан оқилона ҳамда хавфсиз фойдаланиш масалалари юзасидан фикр-мулоҳазалар билдирилди.

Шунингдек, тадбир иштирокчиларига мавзуга оид махсус видеофильм намойиш этилди. Фильм орқали ёшларнинг турли ёт таъсирларга берилмаслиги, ҳар қандай ахборотни таҳлил ва танқидий ёндашув асосида қабул қилиши муҳимлиги яна бир бор ёритиб берилди.

Тадбир якунида ёш авлодни маънавий таҳдидлардан ҳимоя қилиш, уларнинг бўш вақтини мазмунли ташкил этиш ва фойдали машғулотларга кенг жалб қилиш борасида профилактик ва маънавий-маърифий тадбирларни изчил давом эттириш зарурлиги таъкидланди.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | X

Аҳоли мурожаатлари жойида ўрганилмоқда

Қува туманида аҳоли муаммоларини бевосита жойларда ўрганиш, фуқаролар мурожаатларини эшитиш ва уларнинг ечимини таъминлаш мақсадида сайёр қабуллар мунтазам ўтказилмоқда.

Навбатдаги сайёр қабул туман ҳокимининг биринчи ўринбосари Исмоилжон Турғунов томонидан ўтказилди.

Қабул давомида фуқароларнинг турли масалалар юзасидан мурожаатлари, таклиф ва ташаббуслари тингланиб, ҳар бир масала атрофлича ўрганилди.

Мурожаатларда кўтарилган масалаларнинг ечимини таъминлаш мақсадида масъул ташкилот ва идоралар раҳбарларига тегишли вазифалар белгилаб берилди. Қўшимча ўрганишни талаб этадиган мурожаатлар бўйича амалий чоралар кўриш ва уларнинг ижросини назоратга олиш юзасидан топшириқлар берилди.

Сайёр қабуллар орқали аҳоли билан очиқ мулоқотни йўлга қўйиш, муаммоларни жойида аниқлаш ва уларни «маҳаллабай» ҳамда «хонадонбай» ишлаш тамойили асосида ҳал этиш ишлари изчил давом эттирилмоқда.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz

Фуқаролар мурожаатлари — эътибор ва амалий ечимда

Қува тумани ҳокими Халимжон Умаровнинг фуқаролар билан бевосита мулоқотини йўлга қўйиш, аҳоли мурожаатларида кўтарилаётган муаммоларни жойида ўрганиш ва уларга амалий ечим топиш мақсадида Турк маҳалла фуқаролар йиғинида сайёр қабули ўтказилди.

Унда туман ҳокимлиги масъуллари ва тегишли туман ташкилотлари раҳбарлари ҳамда мутасаддилари иштирок этди.

Қабул давомида жисмоний ва юридик шахсларнинг турли масалаларга оид мурожаатлари тингланиб, ҳар бир мурожаат бўйича ҳолат жойида ўрганилди.
Фуқаролар томонидан билдирилган таклиф ва муаммолар масъуллар иштирокида муҳокама қилиниб, уларни ҳал этишнинг аниқ чоралари белгилаб олинди.

Айрим мурожаатлар юзасидан масъулларга аниқ вазифалар юклатилиб, ижросини таъминлаш муддатлари белгилаб берилди. Қўшимча ўрганиш ва вақт талаб этадиган масалалар эса назоратга олинди.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz