«Яшил макон»: кузги мавсумга тайёргарлик ва кўчатлар парваришига эътибор

Қува туманида атроф-муҳитни муҳофаза қилиш, ҳудудларни кўкаламзорлаштириш ва яшил майдонларни кенгайтириш борасидаги ишларни тизимли ташкил этиш мақсадида амалий семинар ўтказилди.

Қува тумани ҳокимлиги, Ўзбекистон Экологик партияси ҳамда Фарғона вилояти Экология бош бошқармаси ҳамкорлигида ташкил этилган семинарда тегишли соҳа масъуллари ва мутахассислар иштирок этди.

Амалий семинарда «Яшил макон» умуммиллий лойиҳаси доирасида кузги кўчат экиш мавсумини юқори савияда ташкил этиш, белгиланган ҳудудларда кўчат экиш ишларини сифатли амалга ошириш ҳамда кўкаламзорлаштириш тадбирларининг самарадорлигини ошириш масалалари муҳокама қилинди.

Шунингдек, Қува туманида етиштирилаётган мевали, манзарали дарахт ва гул кўчатларини республикамизнинг турли ҳудудларига етказиб бериш, уларнинг сифатини таъминлаш ва кўчат етиштириш ҳажмини янада ошириш бўйича фикр-мулоҳазалар билдирилди.

Семинар давомида соҳа мутахассислари томонидан кўчатларни тўғри экиш, уларни мавсум давомида парваришлаш, суғориш, озиқлантириш ва ташқи таъсирлардан асраш бўйича амалий тавсиялар берилди.

Таъкидланганидек, кўчат экиш билан бир қаторда уларнинг кейинги парваришига эътибор қаратиш, ҳар бир экилган ниҳолнинг ўсиб-ривожланиши учун зарур шароитларни яратиш «Яшил макон» умуммиллий лойиҳасининг асосий вазифаларидан биридир.

Амалий семинар якунида кузги мавсумда кўчат экиш ишларини белгиланган талаблар асосида ташкил этиш, кўчатларнинг тури ва ҳудуд иқлимига мослигини инобатга олиш ҳамда уларни парваришлаш ишларини мунтазам назорат қилиб бориш юзасидан тегишли тавсиялар берилди.

🔔Bizni ijtimoiy tarmoqlarda kuzating:
Telegram| Facebook | Instagram | Youtube | quva.uz

📌 O‘zbekistonning JSTga a’zo bo‘lish jarayoni: navbatdagi muhim uchrashuv

O‘zbekiston Respublikasi Prezidenti Administratsiyasi rahbari Saida Mirziyoyeva Jahon savdo tashkiloti (JST) Bosh direktori Ngozi Okonjo-Iveala bilan uchrashdi.

Muloqot davomida O‘zbekistonning ushbu tashkilotga a’zo bo‘lish jarayoni qanday ketayotganini hamda mamlakat oldida turgan yakuniy vazifalar mohokama qilindii.

Ma’lumot o‘rnida: O‘zbekistonning JSTga a’zo bo‘lish yo‘lidagi jarayon 2023-yildan boshlab yangi sur’at kasb etdi. Shu davrdan muzokaralar jadallashib, 2026-yil iyul holatiga ko‘ra, JSTga qo‘shilish bo‘yicha Ishchi guruhning 13 ta yig‘ilishi o‘tkazildi.

Bugungi kunga qadar JSTga a’zo 35 davlat bilan bozorlarni ochish bo‘yicha ikki tomonlama muzokaralar boshlangan bo‘lib, 33 ta davlat bilan muzokaralar yakunlangan. Shuningdek, milliy qonunchilikning qariyb 200 ta hujjati JST qoidalari va tamoyillariga muvofiqlashtirildi.

Bizni doimiy qo‘llab-quvvatlab, ekspertlik ko‘magini berayotgan qadrli Okonjo-Iveala xonimga minnatdorlik bildiraman. Bu yo‘lning katta qismini bosib o‘tdik, bundan keyin shahdimizni susaytirmasdan, boshlangan ishni nihoyasiga yetkazishimiz juda muhim,-deydi S.Mirziyoyeva.

JSTga a’zolik — yangi imkoniyatlar sari yo‘l. Bu jarayon O‘zbekiston iqtisodiyotining xalqaro savdo tizimiga yanada chuqur integratsiyalashuvi uchun muhim qadamdir.

Fergana.gov.uz|Facebook|Instagram|Youtube|X